وادي الدهر

Part 21

#وادي_الدهر

بقلم الكاتبة : هرم خآن

لـو تنگع بزَمزم وتحفُظ القرآن
وتصوم ، وتصَلي وتكفل الفقرة يظل طَبعك نَگس
ما تنظف بفد يوم وتظل ناكِر جَميل
وبايع العِشرة وماشيلك بعد لو جِثّة يمي تصير
لو اهلي صِرت
هم منَك اتبرة .
................................

رفع راسه عينه ؏ شفتي
- باوع سمانة هسه تكول وينهم

حجيتها و شفته احتلت شفتي السفليه يحضن بيه قوي ويبوس بشوغة و هاي اول مره احس بكمية هاي المشاعر
غمضت عيوني مرخيه جسمي ويا كل حركه منه جلدي يكزبر
حيل طول انمغصت بطني و دكات گلبي تقرأ الف !!

وما ابتعد اله ؏ صوت سمانة اصرخ مفجوعه و ريحة حريكه ماليه البيت
ومن الخوف من صياح سمانة اديه ماتن اريد اعدل ملابسي ماكدر غمضت عيوني قوي استغفر و مهدي عافني وطلع ..

كمت ؏ حيلي اعدل بملابسي وامسح بشفتي طلعت ركض لكيت النار واجه بالقوري نسيناه ونشف وچ بي النار

مهدي طفى النار وسمانة طلعت للصاله كعدت لازمه راسها
طلعت وراها لزمت اكتافها جسمي كله يرجف
احس بس احجي صوتي يبين باساني مهدي

سمانة :- راسي يايمه ضغطي شلون هبطه شميت ريحة الحرك كل ضني انتِ بالمطبخ اجدامي بعد ما يوصلني ومن شفت النار ردت انجلط اموت خفت عليج والله العظيم البيت فدوه يروحلج بس انتِ خفت اتأذيتي

آثام :- لا اسم الله خاله شبيج

اول ما حجيت رفعت راسها و جان صوتي فعلًا مو طبيعييي
ركزت بشفتي ودنكت ايدها ؏ عيونها مدري تبجي مدري تضحك

سمانة :- روحي خاله روحي

اجه مهدي كومها الغرفتها قاسلها ضغطها و هيه تشكيله من راسها انطاها علاج وطلع من الغرفه رحت فرشت فراشي يمها ونمت
صافنه بالسكف ومن التفتت ؏ سمانة لكيتها تباوعلي كوه لازمه الضحكه

آثام :- شبيج

سمانة :- روحي يم مهدي ليش نمتي هنا

آثام :- لا ماريد

سمانة :- خايبة بعدج تستحين منه

آثام :- خاله اني ضايعه جاي اسوي اغلاط

سمانة :- ليش شمسويه تنامين يم زوجج غلط؟

آثام :- لا خاله لا كل حياتي غلطه ما جان المفروض اجي للدنيا

سكتت صافنه عليه ما فاهمتني عفتها وطلعت للحوش
كعدت ؏ تنگة اباوع للدجاج نايم بالشجره صوت صرصر ونسمات هوى بارده تلفح وجهي