#وادي_الدهر
بقلم الكاتبة : هرم خآن
أني ذبوني هَلي بدنية غميچه!
......................
ركضت فتحت الباب ودخلت عليها وفكيت عيني مصدومه من شفت زمزم كاعده بالكاع جوا ايدها طشت بي فانيلتي و فانيله تعلاكه رجاليه وبيدها طير مذبوح نص ركبته
والدم ينكط ؏ الملابس الي بالطشت
الطشت كله مي كانما وصخ شكله يلعب النفس
بعد لا اكدر اتحرك ولا اكدر انطق من الصدمه
جمدت بمكاني فاكه عيوني وجسمي كله يرجف !!
ومن شافتني حيل ارتبكت عفتها وشردت
رحت السكينه كوه نطقت الكلمه احس الدنيا تفتر بيه
آثام :- فانيلتي !
نطقتها وكعت مغمي عليه
وصحيت اصرخ من وجع بمعدتي كانما بالعه كزاز
اصرخ الوب روحي مفرفحه و سكينه تحير شتسويلي
اخذوني للمستشفى كالو كلشي مابيها شديت كانولا وانطوني ابر مهدئه واني اصرخ روحي مفرفحه
و الدكاتره كل ساعه يفحصوني يتاكدون لان صياحي مو طبيعي مو مال كلشي مابيه
رجعنه للبيت و زمزم اجت تشدلي علوكه على اساس خايفه عليه لزمتها من دشداشتها
آثام :- فانيلتي شتسوي يمججج
زمزم :- يا فانيله اسم الله على اسمج اسم الله ياسين شبيج يمه صخنت هاي جيبيلها كمادات سكينه
أنت تقرأ
وادي الدهر
Romanceيحكى إن هناك رجل يرتدي الملابس الداكنه ، يتم اغتيال جميع من حوله بخنجر مسموم وبصمة يد تعود له ! يتجول في الضلام لا احد يعرف من يكون وما هيه حكايته؟ يقال انه يسكن داخل مقبره .. ويسمى منزله "بوادي الدهر" ولاكن لا احد يعرف اين وفي أي نقطه من المقابر...
