أرث بالدم|| باللهجة العراقية

Part 19

- بأسمه تعالى-
فدك فاطمة
.
.

لاتنسون التعليق و التصويت لطفاً
اتمـنى لكم قراءة ممتعة
.
.

اصبر رَاح اعلمك غيضه الفلاح
من يلگه الزرعهن غيره حَاصدهن

.
.

توسعت عيوني سحبت ايدي وكفت مامصدكة اباوعلة وضحك:شتحجي خالو

نوح: ميسر وعت هسة گالت لصفا

گام يفتر بالصالة دفر الطاولة محترگ گلبة حجة بعصبية مكبوتة: اخوججج حيوووان مو بشرر حيوااان معترف للبنية و معذبها لججج يگلها اغتـ*** امج و يتقرب الهة يابشررر هيج يسوي مايسويها الة الكافرر حتى الكافر ارحم

رديت برجفة:بـ..برهان مايسويها مايتمادة لهذا المستوى

نوح: مسويها هو معترف بلسانة

أنصاف:شلوون هو اكثر واحد وگف وية ميسر هو لگة خالة جيداء و اسعفها للمستشفى هو لتكفل بدفنها

نوح: لعب بعقلها حتى  تصدگ معاذ ورة موتها حتى تحبة وتنعمي عن كلشي غيرة

أنصاف:لـ..ليش يسووي هيج ليش اريد افهم هاي الفلوس لو طالبها والله جدو يغرگة بيها ولا يمس خالة جيداء

نوح: جيتة من البداية اكبر غلط اول ما شفتة و شفت شگد مجتهد و عدة طموح گلت هذا راح يخلف راجح بس جدج ابد ما دخل مزاجة لاخر لحظة هو ما رايد برهان ماتخطئ نظرتة بالناس

أنصاف:و ميسر شلونها وديني الهة

نوح: مو هسة خليها ترتاح بعد اخوج يراقبني مالة أمان

خلة ايدة على جتفي يهديني على شنو ابجي مادري كلهة لتمت سوة تقرفت من نفسي ماطخ بالعقل اخوي ياناس عشت ويا كل عمري هيج يطلع قذر

گام عايفني بهمي بقيت بالصالة روحي محترگة مالي خلق بالليل سويت العشة بدون نفس كعدنة بالمطبخ

ريتا تدلل لو ما عيب طردتها دفرات اخذتها خالو بحضنة يسولف وياهة هي مطنگرة تريدني اوكلها

من كملنة اخذتها منة صعدت لغرفتها نومتها وغفيت يمها مادري بروحي وعيت لوحدي جامدة من البرد

كعدت رگبتي متشنجة تحركت من مكاني غطيت ريتا طفيت الضوة نزلت الم بشعري و ايد افرك بيها رگبتي

وكفت من حسيت خيال مر من جوة الدرج باوعت من المحجر  خايفة رجعت اركض لغرفة ريتا دخلت قفلت الباب