"بـأسمه تعالى"
#أرث_بالدم
فـدك_فاطـمة
لاتنسون التصويت و التعليق لطفاً
اتمنى لكم قراءة ممتعة ..❤️
.
.
ماحـلمـتي
شگد غفيـتي
شكثر نمتـي
ماحلمتـي؟
جـني طايح وأنتِ
فوگ ضلوعـي دستي
ماحـلمتي
ببتوت گلبي حبل بيدج
وشگد لعبة حبل بيهن لعبتي
ميسر
دفعتني ماما للغرفة نداريت اباوعلة دخل لغرفة انصاف بأول خطوة سمعت صوت شي تكسر رد الباب وراه
ضليت متشتت مادري شسوي ما جان ابالي يصير هيج و الخوف عليهم شتت تفكيري و عقلـي
بقيت بالغرفة افتر قبل الفجر طلعت اشوف أنصاف حاولت افتح غرفتها مقفولة رجعت فلوگ للصبح
طلعت من الحمام انشف بشعري تفاجئت برهان گاعد بالغرفة بنفس ملامحة و عصبية البارحة
حجة يأشر على المكان گبالة: تعاي هنا
گعدت افرك بأدية حجة بدون مقدمات: هو سؤال ميسر ورب الكعبة اذا لفتي و جذبتي بالموضوع انتقم منج انتي و ذيج الصلفة
هزيت راسي خايفة تقرب يدگ على طرف الميز : منين تعرفينة شلون وصل لبيتنة
ميسر: والله ماعرف شلون وصل مادري بي
برهان:شعدجن طالعات بنصاص الليالي دايحات بالشوارع فوگهة هذا ال*** الگاه ببابنة واني ما صار ساعة من گتلج ممنوع تحجين وية اي شخص
ميسر: بشنو احلفلك مادري بي اجة
خزرني اخذ جهازي يحجي هو يگلب بي:عدج تواصل ويا
ميسر:لا والله ماعندي برهان شنو تفتش جهازي جاي تسألني و جاوبت
مديت ايدي اريد الزمة بعدة يدور بالتطبيقات يفتح المحادثات وحدة و حدة يشوف منو وشنو حاجية
لحد ما فتح محادثتي وية أنصاف جمد الدم بشرايني اسمع صوت وراث يحجي بين حجينة من گتلة على ابو الاسواق ضحكنة
عيونة صارن جمر من العصبية گمت اطكطك شمر الموبايل على الحايط تفلش رفع ايدة علية ضميت وجهي وگفهة قريب مني
بدل مايضربني دفع الكرسي وخر يفرك بوجه ندار علية ساحبني: ليششش تجبرينييي اهينج
دنگت ماعندي رد حجة يحرك بية:لجج رجال طول بعرض طالع وياج ما كفة عينج الصلفة داگة فج وية العامل من اسألج تنكرين و تجذبين خوش بداية خوش عفية عليجج اذا هاي اولها شلون تاليها
أنت تقرأ
أرث بالدم|| باللهجة العراقية
Romanceالى ... بيـوت من السم و قصور من عرش القسوة و كوكب من التائهين و نصل أسمر يخترق خواصر الجميلات رواية أرث بالدم حيث تصور جشع النفوس
