أرث بالدم|| باللهجة العراقية

part 27

- باسمه تعالى ـ
فـدك فاطمة

.

[بارت ما قبل الاخير ]

.

المواسم الأربعة
خليتهن للناس
اني بحُضنك أدفه ،
بهجرك أستبرد .

.
.

أنصاف

جهازي مخليتة على ميز اتصل على أيوب لازمة اكثر من شال بأيدي اجربهن وية الملابس نفسيتي زفت

تأففت ضايجة هو مايقبل يرد اريد اطلع فصلتة رجعت اتصلت اجاني صوتة يصيح : ها مرتي

أنصاف:بعد وكت صار شگد اتصل عليك

أيوب:جهاز مو يمي

أنصاف: أريد اطلع

سكت فترة رجع حجة بضحكة: ها لازم تگليلي يالله تطلعين

أنصاف:للأسف

أيوب: لا

أنصاف:شنو لا ماتخليني اطلع

أيوب :اي ممنوع حرمتي ماتطلع البيت

أنصاف: والله راح اطلع

أيوب:بكيفج تلعنج الملائكة

سداه بوجهي بقيت صافنة اتصل يرفضة نوب صار يطلعلي مغلق دم صعد لراسي من العصبية غبية الة اتصل واصير خوش مرة

رجعت بدلت ملابسي گعدت بالغرقة مطنگرة لحد الغدة صاحتني غدير گتلها ماريد هي طلعت دخل وراها أيوب يتمضحك

أنصاف:هاي اخر مرة تسويهة بية أيوب والله ازعل من صدك ازعل

وگف گبالي عاصر خدودي بصابعة:اشاقة شبيج مطنگرة

أنصاف:شقاك صاير ثگيل

دنگ مرر اديه من جوة ادية شالني عطت متفاجئة ضربتة على جتفة طلع بية من الغرفة لزمتة من شعرة

صاح مخلي ايدة على أيدي:انصااف وداعة امي اشمرج منا عوفي شعري

أنصاف:بيية حرگة عليك هلكدها

نزل من شافني ما اعوف شعرة گام يدغدغ بية وصلنة للمطبخ يالله نزلني بنات گاعدات باوعتلي تماضر بسخرية

هزيت ايدي سحبت الكرسي گعدت حجت عينها عليه :أيوب الدلال الزايد مو زين

باوعلها بستخفاف ما رد عليه قربت الاكل يمة رفعها طبع بوسة عليها ابتسمت طارت الزعلة من وراه

كملت غدة بقيت الح على أيوب حتى اطلع اروح لرسل ركب راسة عناد و خباثة صعدت للغرفة ارگع بالبيبان

دخل وراي قفل الباب يباوعلي بخبث نداريت صعدت على الجربابة :بس توصلني اضربك وكتها لاتزعل

أيوب: هاي العصبية گلها علمود طلعة دخان صار يطلع من راسج

أنصاف:ترة ماحب هيج جنت اطلع براحتي وانتة تدري ليش هسة تخبث علية فوك مامحترمتك واگلك راح اطلع