-بـأسمه تعالى-
#أرث_بالدم
#فدك_فاطمة
تصويت و تعليق لطفاً ✨🫶
✨اتمنى لكم قراءة ممتعة ✨
عذروني على الاخطاء الأملائية
اللي ممكن تعكر قرائتكم❤️❤️
قـالت لكل الأصدقاء
هذا الـذي ماحركتـهُ أميرةٌ
بيـن النـساء
مـيسر
معاذ طلع سلاحة خلاه بخصر الولد وسحبة للباب ايدة على فكة وگف بالباب يباوع من جهتين قبل لا يطلع سمعنة صوت من برة
رجع دفعة للحمام دخل وياه سد الباب نفتح باب غرفتي بنفس الوقت دخلت أسيل مرت عمة ساحبة برهان و أيوب وياهة ماما
حجت تاشر على الجرباية عينها عليهم:شوفو مو گتلك دخل زلم لغرفتها بنص بيتنة الماتستحي
رفعت حاجبي حجيت مستغربة:شكو شبيكم
التفت الي بينت الصدمة عليها حجت توخر بالبطانية: وينة وين ضميتي
ميسر:منو غير افتهم
جيداء:شنو هذا الحجي دادا لاتخلينة نتخارب ما اسمحلج تتهمين بنتي هيج
أسيل:هي بنت لو شريفة ما أتهمها هم ناقصة وهم بدون اخلاق
جيداء:لا هنا حدج
عاطت تأشر على ماما بأصبعها:لا مو حدي وهسة تشوفين
جان برة يم الباب سلمان و فقار ولد الحجي عدلت وگفتي هي تفتر بالغرفة شالت النزلة تباوع جوة الجرباية
حجيت مرتكية على الميز:يجوز بالحمام
عيون ماما علية مستغربة هي تحركت قبل لا توصل لباب الحمام ثارت طلقة وياهة عيطة بصوت خشن
صرخت وطاحت ليورة الولد ركضو للحمام أيوب گومها برهان فتح الباب طلع معاذ ساحل الولد
رجلة تنزف صار خط طويل بالگاع اجت ماما يمي حضنتني سحك معاذ على رجل الولد عاط هو بالمقابل
معاذ:منو الدزك شلون دخلت للبيت
ابتسمت بأستهزاء اباوع لأسيل صارت صفرة حجة الولد بألم: سـ..ست أسيل
صاحت بي :ايا كذااب تتبلى علية هاي متفق وياها
معاذ: منو الدخلك للبيت
صاح متألم لان معاذ ساحك رجلة:هييي والله هييي دفعتليي فلوس ودخلتتت هذا رقمهااا عدي
أنت تقرأ
أرث بالدم|| باللهجة العراقية
Romanceالى ... بيـوت من السم و قصور من عرش القسوة و كوكب من التائهين و نصل أسمر يخترق خواصر الجميلات رواية أرث بالدم حيث تصور جشع النفوس
