أرث بالدم|| باللهجة العراقية

Part 18

- بأسمه تعالى-
#أرث_بالدم
.
.

أتمنى لكم قراءة ممـتعة
لاتنسـون التصويت و العليق

.
.

ولك چاا وين المروة
يهودي وبالقدس
هم هيچ ماسوة
شفت سجينك  بنحري.
بچيت وگلت مو هوه!

.
.

أنصـاف

طفرت من مكانها تستر روحها برهان مال براسة يباوعلي مقلص عيونة جان لابس تراك بدون قميص

عسل حالتها حالة رجفت ايدي لازمة الباب نعگد لساني كعدت مصدومة عقلي قفل عيوني عليهم

درت وجهي طلعت بقيت واكفة برة شوية انفتح الباب طلع برهان حجة يمشي گبالي:تعاي وراي

نداريت للغرفة رجعت اباوعلة التفت علية حجة بنتر:امشييي

رديت بصدمة:عـ..عسل هنا

برهان:عسل زوجتي

أنصاف:شنوووو شلوون اختك گلت هي اختك

برهان: لا زوجتي ميسر جانت فيوزاتها طاگة ادري بيها خبلة گتلها اختي

نقهرت احترك دمي تقربت منة تحجي كوة احاول ما ارفع صوتي: بشنوو قصرت وياك ميسر و تزوج عليها مو كتلت نفسك الة تزوجها و ايام تلح علية اقنعها تزوج علييها ليش

دفعني للغرفة طبگ الباب دايرة عيوني ماريد اباوعلها متقرفة حجة برود: عسل زوجتي من زمان ميسر الثانية

بقيت مصفنة مخلية ايدي على خدي اجت هي تتبختر وكفت بصفة مخلية ايدها على جتفة مبتسمة بحقارة

أنصاف: ليش ازوجتها لعد اذا مزوج وعايش حياتك ليش اصريت على ميسر

برهان: معاذ يحبها ونذالة بي ازوجتها

طار مني الحجي ماعرف شنو اگول خليت ايدي على راسي شسوي ميسر شلون بيها: وييين هي هسة

برهان:بالحفظ و الصون

تحركت امشي من كدامة :اخذني الهة

سحبني مرجعني لمكاني: وين اخذج الهة لاتدخلين مالج علاقة

نتنرت ايدة معصبة: لاتلمسنني ياحسافة امداني لان قنعت ميسر بيك ماتوقعتها منكك برهان أمنت بالله مزوج ليشش تخون ميسر جايب زوجتك هنا على ساس اختك نوب نوب هنا بغرفتكم صدكك تحجي

برهان: اي احجي صدك ومالج اي علاقة بالموضوع اطلعي منها من الاخير مفهوووم

أنصاف: ما الي علاقة وما اسكت الة اگول لميسر

ضحك هز ايدة :شوف هاي

باوعتلة مفهية اخذ سترتة طلع ماعرف شنو همس لعسل الضحكت بقت عيوني تتبعة لحد ما مشة رجعت اباوعلها