- بأسمه تعالى-
فدك فاطمة
.
اتنمى لكم قراءة ممتعة
لاتنسون تعليق و التصويت لطفاً
.
.
چا والناسّ والوهواس واثار البَجي ونوحّه
ترى التعٌبان من روحهَ ما أضِن تبرَد جروحَه
.
.
أنصاف
وعيت على وجع براسيي فضيع عيوني مغوشة گوة گدرت استوعب اني وين غرفة صغيرة فارغة ثنين يمي يصحن بية
من شفتهن عرفتهن عنصر نسوي من الجيش ماكو ذرة رحمة بوجوهن لساني شگل اريد اعرف ليش اني هنا
نعتيت من أيدي رادت تطلعني برة الغرفة اباوع شالي بالگاع ردت ارجع البسة سحبتني تريد تطلعني
أنصاف:شلوون اطلع وخرري عنيي بس اغطي شعري ماكدر اطلع هيج
ردت بقرف:امشيي گدامي دخلن و تفتحن بيوتجن لمجرميين من توصلن يمنة تصيرن شريفات
أنصاف:شدتحجييين انتيييي شريفة وغصباً ماعليج
بس كملت صفگتني راشدي بيقت مشدوهة دفعتني برة ماكدرت استعدل بوگفتي من الخوف و الرعب
مرر طويل بي هواي غرف دخلتني تدفع لوحدة منهن غرفة صغيرة بيهة طاولة و كرسين فقط ضوة ناصي
گعدت اتلفت بخوف ادية ترعش گمت وية وگفتي نفتح الباب دخلو ثنين واحد بقى برة و الضابط تقدم
سحب الكرسي گعد مرجع ظهرة ليورة صوت الكرسي يروح و يرجع على الگاع يخليني انز
اشرلي اگعد بلعت ريگي گعدت اباوع لكلشي عداه حجة و عيونة علية : انصاف فقار
هزيت راسي بأي شبك اديه رجع جسمة للطاولة:تعرفين ليش انتي هنا
أنصاف:لا
:على هذا الهدوء مو مال وحدة ماتعرف شنو الجاية
أنصاف:مال وحدة تعرف اهلها
: تقدم بلاغ ضدج من المحامي برهان فقار اخوج العزيز بأيوائج لابن عمج المطلوب شجنتو تسون بالغرفة
حجاهة و نبرة الخبث و نظرات القذارة شملتني من راسي لرجلية يباوعلي بتفحص شطت من القهر و الخوف ملة گلبي
أنصاف: ماكو مـ..ماكو
بلعت ريگي خايفة غمضت عيوني اهدئ اعصابي فشلت بسبب الصوت اللي يطلعة بحركة الكرسي يشتتني
گام افتر وراي گمت ما اشوفة حجة منحني فوگي:ماكو شنو الماكو
أنصاف: ما ماشايفة معاذ مادري بي
رد بصوت عالي:يعنييي ماشايفتة ما ملتقين باي وقت قريب
أنصاف:لا
باوعلي بتفحص مقلص عيونة: معاذ سلمان المتهم بقتل زوجة راجح اللي هو جدج ما شايفتة
يحجي و صوتة بي نبرة سخرية خفت اجذب خفت احجي الحقيقية اذا غيرت حجي هسة ماعرف شنو ممكن يصيرلي
أنت تقرأ
أرث بالدم|| باللهجة العراقية
Romanceالى ... بيـوت من السم و قصور من عرش القسوة و كوكب من التائهين و نصل أسمر يخترق خواصر الجميلات رواية أرث بالدم حيث تصور جشع النفوس
