جيتكْ والكـل يتمناك

الحلقه التاسعة : جـِيتْـكْ والـكُــلْ يَـتـَـمنـَاكْ

راحو البنات لبيت جدتهم وكانو الرجال في الحوش جالسين مع الملّاك
كان زايد متوتر وكانت العنود متحمسه لانه راح يكون عندها حياه جديده وتجربه جديده بس كانت بنفس الوقت حزينه
ملك زايد على العنود ومشى الملاك وجاء وقت ان العنود تروح مع زايد اخذ زايد اغراض العنود وحطها في السياره ودخل داخل علشان يودعهم  لقى خولة والجده والجد ومقدام
الجده صيته :انتبهي على نفسس تمام
العنود :تمام
خولة :اسمعي انتبهي على دراستك واذا عنده خوات اجلسي عندهم واي شي قوليلنا وقوليله مو تسكتين
مقدام : ما اوصيك يا زايد على اختي تراها غاليه
زايد :لا توصي حريص
الجد شليويح:اسمع تراها عنيده ويعني حركاتها حركات ورعان انتبه لها وصر لها ضهر وسند وانتي يا العنود اي شي يصير لو بس مسك شعره منك ارفعي السماعة
العنود:ابشر
زايد :يلا توصون على شي
الجده صيته:لا سلامتكم
مشو زايد والعنود وكان ليل وكان الطريق ضلام وكان زايد بس يسمع صوت العنود وهي تبكي من مشو وهي تبكي علشان خلاص راح تفارق اهلها
زايد تعب من كثر ما تبكي
زايد :خلاص ارحمي عيوني
العنود وهي صاده عنه :ليش!
زايد :من البكى
العنود لفت عليه :ومن قالك اني ابكي
زايد :من عيوني الي مفقعه من كثر ما تبكين
العنود :واضح اني قاعده ابكي
زايد :مره
شافت وجهها في المرايه وحاولت تخفف عيونها
العنود:والحين
زايد :خف شوي
العنود جلست شوي على جوالها وخلص شحن جوالها وقعدت تناظر زايد وكان مستغرب
زايد :وش بلاس تناظريني كذا ؟
العنود :احتاج مساعده
زايد : ليه !
العنود :جوالي خلص شحنه
زايد :ها ليودعوه تناظرين  (عشان كذا)
العنود باستغراب :ليه تتكلم كذا ما فهمت شي
ضحك زايد :  عشان كذا تناظريني ،امسكي هاذا الشاحن
شحنت جوالها وكانت طفشانه بس كان يدور براسها سوال
العنود :زايد باسالك سوال
زايد :اسلمي
العنود :ليه انت تتكلم كذا مو انت من الرياض
زايد :ايه انا ساكن بالرياض لاكن امي وخوالي من الشمال وحنا اكتسبنا لهجة امي وشوي من ابوي
العنود :طيب الحين انتم ساكنين بالرياض ولا بقريه
زايد :حنا ساكنين بقريه قريبة من الرياض وقريتنا تقريبن نفس قريتكم بس حنا متطوره شوي
العنود :وش قصدك قريتنا مو متطوره ؟
زايد :لا لا متطوره لدرجة انه حتى برج المملكة موجود فيها
العنود :ايه بعد
زايد :الا ماتبين نمر مطعم
العنود:ماعنك زوتها بالميانه بس ما اخفي عليك اني جوعانه
زايد :اجل انا بنزل اجيبلنا اكل واجي
العنود :تمام
راح زايد و ورجع لسياره وكانو ياكلون وخلصو وكمل الطريق
جلست العنود تناظر النجوم وناظرت زايد
العنود : زايد
زايد :لبيه
العنود استحت : الحين انت عندك اخوان وخوات
زايد : ايه
العنود : قلي عنهم
زايد : بسم الله نبدا التعداد اولاً ترا الوسطاني ودايمً الوسطاني مظلوم
العنود :يمه يا عيارتك انت مظلوم ،المهم كمل
زايد :ما راح تصدقين الا لما تشوفين ،اول اخواني بدر متزوج لاكن ما عنده عيال وبعدين يجي مشاري وبعدها انا وبعدين ترفه وبعدها جمان
اول ما قال جمان ضحكت العنود
زايد :وش فيس انجنيتي
العنود :لا تذكرت وحده الله يستر عليها
زايد :من هي ؟
العنود :وانت وش دخلك صدق ملقوف
زايد :طيب خلاص لا تزعلين علينا
العنود: طيب خواتك كبار ولا صغار
زايد بتقليد :وانت وش دخلك صدق ملقوف
العنود :وجع قبل وش دخلني الحين انا مرتك ولازم اعرف
زايد :طيب طيب ،ترفه تقريبا ً عمره ٢٢  ما كمل جامعه وجمان نفسس في اخر سنه جامعه
العنود :كم باقي ونوصل
زايد :تقريباً ساعتين
بدا النوم يداهم زايد وكان يغمض عين ويفتح عين
العنود بخوف : وش قاعد تسويي
زايد :وش فيه
العنود :ليه تنام تبي تموتنا
زايد :والله اني دخت وطفشان وش اسوي
العنود :سولف سو اي شي بس مو تصدم فينا
زايد :اسولف مع من يا حظي
العنود :معي ولا انك تموتنا
زايد :يلا سولفي
العنود :لا انت اول
زايد :صدق جدي يوم قال انس بزر
العنود :وش ما سمعت
زايد :ولا شي ،المهم بقولس عن عايلتنا انا امي اسمها وصايف ما راح اوصفها انتي راح تشوفينها وتحكمين وابوي اسمه..
العنود : فياش ..اتذكر زين اسمه
زايد :واضح انس تتذكرين اسمه اسمه عياش عياش مو فياش
العنود :عادي وبعدين هاذا مو ابوي عشان اعرف اسمه
زايد :المهم وابوي اكبر عيال جدي الي هو مصعب وجدتي عميشه والباقي ان شاء الله تشوفينه بعيونس اذا وصلنا
العنود : الله يستر
سكتت العنود وكانت تناظر زايد علسان ما ينام وبعدها زايد كان بيلطف الجو وحط اغنية:

ياديرتن حبها من حب مخلوقي
لو تعرفين الغلا ماكان لمتيني
كان يردد مع الاغنية

جعل الغيث يسقيها دار ساكنن فيها
من يطري على بالي قبل ايحل طاريها

قصرت العنود على الاغاني
زايد :ليه قصرتي عليه
العنود : انا انسانه احب الشيلات بس بنفس الوقت احب الهدوء
جلست تناظر القمر وجاها سوال لزايد
العنود :زايد عندي لك سوال
زايد :اسلمي يا ان الاساله
العنود :عمرك حبيت
زايد :سوالس غريب بس لا ما عمري حبيت ….طيب وانتي
العنود :وانا بعد لا 
زايد :الان باقي تقريباً نص ساعة ونوصل
العنود:ان شاء الله نوصل على خير وما ندعم
بعد نص ساعه
زايد :يلا وصلنا
العنود :يمه ليه بيتكم كذا  كبير مره كانه بيت مهجور
زايد :لا هاذي الجهه الخلفيه من بيتنا والجهه الاماميه مستحيل نجي منها لانها حقت الضيوف وحنا ترا كثير مره عماني وعماتي فا انتبهي
العنود :تمام
زايد :يلا انزلي وبعدين انا انزل الاغراض
العنود : تمام يلا بنزل
‏نزل زايد والعنود وكانت العنود محتميه بظهر زايد
‏طق الباب زايد بس ما كان احد يفتح الباب
العنود : شكل ما فيه احد بالبيت 
زايد :خليس هنا لا تتحركين
ركب زايد الجدار ودخل داخل
العنود :وش قاعد تسوي يا الخبل
‏ زايد :اصبري
دخل داخل وبعدين فتح الباب
زايد :تفضلي
العنود :زاد فضلك

يتبع