جيتكْ والكـل يتمناك

الحلقة الثاني عشر : جـِيتْـكْ والـكُــلْ يَـتـَـمنـَاكْ

جمان :خف علينا بس
العنود :ياربيه ما اصدق كل هاذي الشنبات والطول
والعرض اخر شي يقول كذا وش خليت للحريم
جمان :ما عليس منه المهم بكرا من الصبح نروح نشتري لس فستان واكسسوار
العنود :اجل انا الحق الزعلان علشان نروح من الصبح
جمان :تمام

فوق عند اريج
اريج تعبت وكانت مره تعبانه
بدر :تبيني اوديس للطبيب
اريج :لا لا
بدر :ليكون راح تجيبيلنا حفيد
اريج :ان شاء الله بس مو وقته لاني تعبانه
بدر :اجل انا بروح انادي امي تجي تشوفس
اريج :المهم انا سويت تحليل الحمل وبعد دقايق يطلع
بدر:ان شاء الله تطلعين حامل مو مثل الثلاثين مره الي طافت
راح بدر وجاب امه
وصايف :خير وش فيها اريجنا
اريج :تعبت يا خالتي
وصايف :ان شاء الله في عدوينس
كانت وصايف تهدي وتعطي علاجات لاريج
بدر:انا بروح اشوف تحليل الحمل
وصايف :ان شاء الله يزقكم بالضنا
طلع بدر من الحمام وهو مستغرب
بدر :اريج وش معنات الخطين
اريج كانت مصدومه
اريج :انت متاكد انهم خطين
بدر :ايه شوفي
ناظرت اريج لبدر
اريج :الله رزقنا يا بدر بيصير عندك عيال
بدر :احلفي
اريج :قسم
سجد بدر سجود شكر
وصايف :طلبتها ونلتها يا ولدي
جلس بدر عند اريج
وصايف :عاد انا بروح تبون شي
بدر :لا سلامتس

عند العنود
دخلت داخل ولقت زايد جالس بالصالة على جواله
العنود باستهزاء :الله الله يا الزعلان خف علينا شويه حتى انا منك زعلان بس انا ازعل شويه
زايد : يا ليل البزر
العنود :انا بدخل انام
دخلت العنود ولبست بجامتها وانسدحت دخل زايد وكان لابس سروال وفنيله وحط فراشه على الارض وانسدح
العنود :يا حرام صرت تنام على الارض
زايد :تراني ماني برايقلس
العنود :المهم يازين النومه على الفراش
زايد :لا تخليني اقوملس
العنود :قم وشف وش يصير
زايد :قدها
العنود :قدها
حذف زايد المخده على العنود وصرخت
العنود :تحذف علي المخده انا اوريك
اخذت العنود المخده وحذفتها وقعدو يتعاركون بالمخاد واصواتهم تتعالا
طلعت وصايف من شقة بدر وكانت تسمع صوت العنود وزايد وعلى طول طقت الباب
استغرب زايد من طق الباب وراح يفتح الباب ووراه العنود فتح الباب
وصايف :ماشاء الله للحين ما نمتو
زايد :ايه يمه
وصايف :وش اصوات الصراخ ذي ليكون مسوي بالعنود شي
العنود :لا ولا شي
وصايف:سوى فيس شي ضربس كلمس علميني
العنود :لا
وصايف:اجل امشي نامي عندي ما اضمن هاذا
زايد :لا وين يمه خليها تنام في بيتها
وصايف:اجل ياويلك ويا سواد ليلك ان سويتلها شي
زايد :ابشري
سكر زايد الباب وبدون اي كلام كل واحد راح لفراشه ونام

في اليوم الثاني
قام زايد لاول مره على شباك مفتوح ومكيف طافي والمبات مشغله
جت العنود وكانت لابسه
العنود :يلا يلا قم  بالا كسل
زايد :ليش
العنود :قم يلا ابيك تودينا السوق انا واختك
زايد :مسرع قررتو
العنود :ايه يلا قم وصل وودنا
نزل زايد والعنود تحت علشان يفطرون
فنجيله :يا صباح الخير
زايد :صباح النوير
جمان :تعالو افطرو الفطور يجنن
مشاري :طول عمرس مشفوحه
كانو قاعدين يفطرون ونزل بدر معه حرمته
بدر :صباح الخير
وصايف : يا صباح النوير
العنود لاريج :ليش امس ما جيتي جلستي معنا
اريج :الصراحة كنت تعبانه
جمان :ليش !
بدر :عشان خبر راح يفرحكم
اريج :انا حامل
جمان :مبرووووك
الجده عميشه :ما شاء الله مبروك
الجد مصعب :شكل بنت سعود جيتها خير
العنود :لا عادي يعني حمل وصار وبعدين احسكم توكم صغار توكم عرسان
اريج :يا حليلس انا و بدر متزوجين صارلنا ٣سنين ونص ولا الله رزقنا بالضنا
زايد : على العموم مبروك يا اخوي
بدر :الله يبارك فيكم جميعن ،وان شاء الله عقبالك
العنود سمعت كلام بدر وكانها انزعجت منه وقامت
راح وراها زايد بالمطبخ
العنود كانت تشرب ماء
زايد :وش فيس قمتي فجاء
العنود :ولا شي بس شبعت
زايد : انزعجتي من كلام اخوي صح
العنود :وانا وش دخلني ان شاء الله اذا طلقتني وتزوجت تجيب عيال وهاذي حياتك ما لي شغل فيها
زعل زايد شوي عشانه كانه بدا يحبها بس تذكر انه راح يطلقها بانهايه
العنود :انا بروح انادي البنات والبس عباتي عشان تودينا
زايد :طيب انتظركم  بالسيارة
راحت العنود ونادت البنات وصايف وراحو للسياره

عند السياره
زايد :العنود اركبي قدام
العنود :لا
زايد :وش الي لا اركبي
العنود :خالتي وصايف اركبي قدام
وصايف :ابشري
انزعج زايد منها بس كملو الطريق
العنود :كم المده الي بينا وبين الرياض
زايد :تقريباً  ربع ساعه
جمان :المهم ترا العرس بعد بكرا ونبيس تلقين لق وتبرقين وترعدين
العنود :ما عليس انا لو البس بجامه ابرق وارعد
ترفه كانت ساكته بكل مره يتكلمون عن العرس
العنود :ترفه
ترفه :هلا
العنود :وش فيس ما تتكلمين معنا فيس شي
ترفه :لا ولا شي
وصايف :الا يا العنود
العنود :سمي
وصايف :انتي وش اسم امس
العنود : اسمها خولة
وصايف :عاشت الاسامي ، انتي عندس اخوان
العنود :ايه عندي انا اكبر وحده وبعدي عبد العزيز راحي ابتعاث طب وبعده مقدام بالثانوي واخر العنقود عذوب بالثانوي
وصايف :يا ماشاءالله ،الا اتذكر انه عندس اهل بالشمال
العنود :ايه انا خالاتي من ديره قريبة من الشمال
زايد بضحك :ايه العِرق واحد
وصايف:ههه الله يقطع سوالفك بس اضن انا حنا نقرب لبعض من بعيد لانه كاني سامعه بعايلتهم
زايد :وصلنا وين تبوني اوقف عند اي بوابه
وصايف :الي دايم
زايد :اجل اذا خلصتو دقو علي
جمان :وش وش اقول انزل معنا ماحنى مطولين
وصايف : وهي صادزه انزل يله
زايد :يلا نزلت خلاص
نزلو ودخلو السوق
جمان :وش رايس ندخل ذا المحل فيه فساتين تجنن
العنود :يلا
زايد : انا انتظركم برا
جمان :اقول امش معنا الحين نضيعك بعد
دخلو داخل واخذت العنود كذا فستان ودخلت غرفة القياس وطلعت وتوريهم
العنود : خلصت
جمان :اطلعي خل نشوف
زايد :اخلصي علينا صارلنا ساعه ننتظر
طلعت العنود بفستان لونه اسود كان مره يجنن
وصايف :يازينس
زايد :يهول
جمان وهي تهمس في اذن زايد
جمان :اثقل اثقل
زايد :لا قصدي وين رايحين حنى راحين عزا اختاري الوان فراحيه
ترفه :وش رايس نروح لمحل ثاني
وصايف :يلا مشينا
راحو لمحل ثاني وثالث بس ما عجبهم شي
العنود :خلاص رجولي انكسرت من كثر المشي
زايد :ايه خلاص بكرا نكمل
ترفه :وش الي بكرا بعد بكرا عرسي نسيت
جمان :خلاص اخر محل هاذا
دخلو المحل واحتارو وش يختارون وكانت العنود مع زايد واقفين وكانت العنود تختار الفستان
زايد :وش رايس بذا
العنود :الله من وين طلعته
زايد : المهم عجبس
العنود :ايه مره
زايد :اجل يلا تقوسيه وخوذيه
العنود :تمام
دخلت وكان زايد وصايف وترفه وجمان ينتظرونها
العنود :جاهزين
زايد :جاهزين اطلعي بس
طلعت العنود
زايد :يجنن عليس
العنود :عاد هاذا ذوقك
جمان :والله يجنن
ترفه :اخاف تطلعين احلا مني
العنود :ههه مدحه من نوع اخر
وصايف :ولله وطلعت ذويق يا زايد 
جمان :اجل بعتمد عليك بالمناسبات الجايه
زايد :للاسف جدولي مزدحم
وصايف :اقول امشو للمحاسب
راحت العنود علشان تحاسب على الفستان علشان تدفع للفستان
جمان :انا بدفع
العنود :لا انا بدفع
جمان :انت ضيفه ولازم نكرمس
العنود : فستاني وبحاسب عليه
وقامو يتهاوشون من تدفع الحساب
زايد :لا انتي ولا هي وبعدي
ودفع الحساب
زايد:اولاً انتي خلي الاف وال٥٠٠ في حسابك وانتي محد قالك اني انا زوجك ووالي عليك
العنود :طيب خلاص فهمنا لا تعطينا محاضره
وصايف :اجل امشو هلكت
راحو وركبو السياره

يتبع