جيتكْ والكـل يتمناك

الحلقة الثالثه : جـِيتْـكْ والـكُــلْ يَـتـَـمنـَاكْ

البارت الثالث

كانت العنود جالسه عند دكتها الصغيره وكانت تقول
العنود :انا وش الي خلاني اركب معه وش الي خلاني اروح العزيمه بكبرها وليش جدتي عطته رقمي وليش شاف وجهي ياليتني جالسه بالبيت ابرك لي يا كمية الاحراج الي صارت لي ،يلا عادي تصير خليني ادق على بنت خالتي اتطمن عليها
طبعاً كان زايد يسمعها وكان يتذكر ملامح وجهها وكان يتذكر كيف تمشي بالكعب ويضحك فجاء استوعب الي قاعد يسويه وتذكر انه هو جاي هنا علشان الدوام لااكثر
عند العنود
العنود :هلا بالي وحشتنا.
ريف :هلا فيس
العنود :شخبارك شعلومس
ريف :والله كلنا زينين وانتي شخبارس شعلوم خالتي
العنود :الحمدلله كلنا تمام
ريف :وينك عنا مافيه اتصال ما فيه الو
العنود :والله تعرفين جدي يوم قرر انه فجاء  ننقل عنده انقلبت حياتنا فوق تحت
ريف :الله يعينس
العنود :فيه صوت ازعاج عندي
ريف :ايه هذولي اخواني يلعبون مصارعه
العنود :للحين يلعبونها يا قدمي
ريف :ايه للحين على التحديث القديم
العنود :يالله تذكرين يوم كنا نلعب انا وياك ومحمد
ريف : ايه كنا ورعان
العنود :كانت ايام حلوه
ريف :تبين شي انا ابي اسكر ابي اروح انوم القرود الي عندي
العنود :لا سلامتس

عند خالد
كان خالد يتعاطى مخدرات بالسر وكان معه كيسين مخدرات في دبة السيارة وكان قدامه تفتيش طبعاً كان خالد باين عليه اثر المخدرات وقفوه التفتيش
الضابط :وقف عندك
خالد :ما معي شي
وقفوه وقامو يفتشون السياره ولقو كيس صغير واعتقلوه
كان خالد بالتحقيق ودخل عليه ابوه وقاله
خالد :والله يبه توبه توبه
منصور :اسكت فضحتنا خلني اطلعك هنا بالواسطة
خالد:صدق يبه تكفى طلعني
منصور :خلاص ابي اطلعك بس اذا اسئلُوك انكر فاهم 
خالد :فاهم
دخل المحقق على خالد وكان خالد ينكر كل شي وطبعاً كانت السياره الي معه مسروقه مو له فا كان ما فيه شي يثبت انه متعاطي عند الشرطة اطلقو سراحه واستدعو راعي السيارة كان خالد عند ابوه في المكتب
منصور :وش الي سويته !
خالد :يبه انا اتعاطى
منصور :فوق ما انت تتعاطى وتعنف خواتك ومريض نفسي
خالد :يبه انا ماني مريض نفسي !!
منصور :لا تكذب على نفسك انت مريض نفسي ونص بعد
خالد طلع من الشرطة وتوجه للبيت ونام

عند العنود دخلت تنام وفي الصباح الساعة ٧قامت تصبي الفجر وراح لغرفت عبد العزيز ولقته نايم راحت لبيت جدتها ولقت عمها وجدها وجدتها يفطرون
الجد شليويح:يا هلا ببنيتي
العنود جت وحبت راس جدها :يا هلا فيك
الجده صيته:افطري يا بنيتي
العنود :هاذا انا جلست
فهد :وين عبد العزيز؟
العنود :نايم ،اروح اقومه
فهد :لا خليه امس جينا متاخر
الجد شليويح:امس وش سويتو بالعشاء
العنود :ولله يا اني لعبت واكلت واستانست
الجده صيته:تخيلي امس ام ابراهيم يانها قطعتس من المدح
العنود : انشهد اني دبلت كبود عدواني غير الحسب والنسب هيبه ومزيونه

تكفون منهو تكلم جعله يفدا اني سوااات الجبل صعبه يهزونه
الجد شليويح:صح لسانس
العنود :صح بدنك
فهد :ماشاءالله شاعره بنتنا
دخل زايد الحوش وهو لابس بدله عسكريه
زايد :يا ولدددد
قامت العنود وراحت داخل
الجده صيته:تعال اقدع
زايد :بس ولله
الجد شليويح:تعال يا ولد
زايد:بالعافيه عليكم ،فهد وين المفتاح حق السيار
فهد : اخبر انه عند السياره
راح زايد يدوره

عند منصور كان قده وصل للديره وكان راح لبيتهم علشان ياخذ اكياس المخدرات الباقيه

كانت العنود في مطبخ جدتها تحط فطور لعزيِز  كانت بتحط الفطور في المعشره الكبيره بس استوعبت انها عند زايد راحت اخذت جلالها وراحت لبيت منصور وكانت تطق الباب ومحد يرد طقت الباب وكان الباب مفتوح دخلت ولقت المعشره على الار عند السرير الي في الحوش راحت تاخذ المعشره وسمعت صوت الباب ينفتح وانخرشت هي ولفت
خالد :جابس الله
العنود كانت توخر عنه لاكن كان يقرب عندها وكانت تضربه بس ما كان فيه فايده لانه كان قوي
كان زايد رايح للسياره وما لقى المفتاح وراح لبيته يمكن يكون موجود دخل ولقى العنود على الجدار وكان خالد يضربها ويقرب منها وكانت تقاومه طبعاً يوم شافهم زايد كذا انجن وكان يطلع كل حرته في خالد وكان يضربه باقوى ماعطاه الله 👊🏻شافته العنود كذا وطاحت على الارض من الي صار فجاءه قدر خالد ينحاش من زايد وركب سيارته وراح  كان زايد يلهث من كثر ما ضرب خالد طبعاً عنود كانت على الارض مصدومه بس استوعبت وتغطت بجلالها  
زايد وهو يصرخ وصاد عنها :وش سوى فيك هاذا الحمار
العنود قامت تبكي وهي مكسوره
زايد هدى نفسه :يوجك شي تبيني اوديك المستشفى
طلعت العنود من البيت وهي تبكي وراحت لبيتها ودخلت غرفتها وسكرت على نفسها
عند زايد ركب السيارة وكان بيروح لدوامه لان احتار انه يقول لفهد او لا لاكن مشى لدوامه وكان طول الطريق مشغول في السالفه الي صارت
عند العنود كانت في الغرفة تتالم من يدها لان يوم كانت تضرب خالد كان خالد يلوي ذراعها وكان عبد العزيز يطق الباب ويسمعها وهي تبكي
عبد العزيز :العنود
العنود كانت تسمعها وساكته
عبد العزيز :افتحي انا عزيز
ما كان فيه امل انها تفتح الباب ابد
راح عبدالعزيز يصلي الظهر وبعدها راح لعند عمه وجدانه
عبد العزيز: السلام عليكم
فهد :وعليكم السلام
الجد شليويح:وين العنود ما جت معك
عبدالعزيز :بغرفتها تصلي
الجد شليويح :تقبل الله منها
فهد حس انه في شي بس سفه احساسه
مر الوقت وكانت الساعه ٩ في اليل وللان العنود في غرفتها نايمه طق الباب
فهد :العنود ،افتحي انا عمس
العنود كانت متردده تفتح الباب او لا
فهد :جبتلس عشاء اذا ما تبين  تفتحين الباب ترا انا حطيت الاكل عند الباب
انتظرت العنود شوي بعدين افتحت الباب واخذت الاكل وقفلت الباب
طبعاً في عايلة منصور درت غدير انه اخوها يتعاطى

رجع زايد من دوامه وهو مهلك رجع وعلى طول توجه للفراش الي في الحوش وكان ينتطرها بس ما فيه اي صوت  عرف انه في شي وهو كان ينتظرها نام في اليوم الثاني كانت العنود في غرفتها وكانت الساعه ٤ العصر قامت على اصوات ازعاج برا طلعت ولقت اهلها جاين راح وسلمت عليهم
خوله :وينس من الصبح تدق الباب عليس ولا تفتحين
العنود :كنت تعبانه
عذوب :والله اني اشتقتلك
العنود :وانا بعد ،الا ليه جيتو بدري
مقدام :الحمدلله نقلونا هنا بسرعه
العنود :وين ابوي
خوله :راح يجيب اغراض للبيت
عذوب :تراني مشتاقه لجدتي مره
العنود :خل نروح سو بس اصبري ببدل ملابسي واجي
خوله شافت يد العنود متورمه :وش بلاها يدس
العنود :لا بس طحت عليها
راحت العنود ولبست جلالها وراحت هي وعذوب لجدتهاودخلت لقت غدير ولين موجودات

يتبع