جيتكْ والكـل يتمناك
جدول المحتويات

    أنت تقرأ

    جيتكْ والكـل يتمناك

    Misteri / Thriller

    توقف كل شي بعيون البطله لاما قرر الجد قرار يغير حياتهم وللاسف كان احلا قرار تواجهه البطلة بالنهاية

    #بدويه #تشويق #حب

    الحلقة 16 : جـِيتْـكْ والـكُــلْ يَـتـَـمنـَاكْ

    16 1 0 
                                        
    
                                              
    نزلت العنود وراح زايد يفتح المزرعة ويشيك عليها 
    دق جوال العنود استغرب زايد ودخل داخل وكانت العنود برا 
    ردت العنود 
    العنود :الوو 
    عذوب :عنود عنود !
    العنود:هلا قولي وش فيس 
    عذوب:تخيلي 
    العنود :وش 
    عذوب:خالتي نوره مرت عمي منصور رجعت للبيت 
    العنود:الحمدلله على سلامتها ،طيب وش فيها 
    عذوب: تخيلي هي رجعت بعد ما انتي مشيتي والمهم تهاوشت هي وعمي وبعدها عمي سافر وخلاها واليوم جاء ومعه زوجته الجديد 
    العنود:يا كبرها عند ربي ،ليش تهاوشو طيب 
    عذوب:انتي تعرفين انه زوجته كبرت خلاص ما فيها تجيب عيال وهو مُصر انها تجيب عيال 
    العنود:طيب وش سوت 
    عذوب : راح خالد وداها هي وعيالها لاهلها ومن امس جدتي تدق عليها ما ترد وتدق على البنات وما يردون وهو طبعاً عمي متهني في زوجته الجديده 
    العنود:الا وش اسمها ؟
    عذوب:طلعت مصريه واسمها شوقيه 
    العنود :هههههههه يا ربيه اسمها يدل انها مصريه صدق 
    عذوب: عاد تدرين تجننن تخيلي نحيفة لاكنها تفتن وبيضاء وشعرها أحمر متوسط طوله 
    العنود:سوال سوال انتي الحين تمدحين فيها عشانها حلوه ؟
    عذوب:ايه 
    العنود:سوال وجاوبيني بكل صراحه 
    عذوب:قولي 
    العنود:من احلا هي ولا زوجت عمي يومنها بشبابها
    عذوب:تبين الصراحة زوجت عمي الاولا 
    العنود:مو قلتلس 
    عذوب:يلا تبين شي امي تقول نامو 
    العنود:يلا مع السلامة .وسكرت 
    العنود كانت بتدخل والا تسمع صوت كلاب 
    انخرشت وراحت داخل تركض 
    كان زايد ينفض الدكة 
    جت وهي تركض له وهو كان منفجع 
    زايد:وش فيس !
    العنود:كلاب كلاب 
    زايد:مسكوس عضوس سوو شي فيس!
    العنود:لاا 
    زايد:طيب 
    العنود:بس والله سمعت صوتهم 
    زايد بستهزاء:قلنا انس خايفه بس مو لهدرجة 
    العنود:زاايدد !
    زايد:خلاص خلاص 
    سمعت صوت نباح وراحت ورا ظهر زايد ومسكت يده بقوه وهي ترجف 
    زايد تقشعر  جسمه 
    العنود:والله خايفة 
    زايد:خلاص اجلسي وانا جمبس ما احد يقربلس 
    جلست العنود هي و زايد في الدكة وقعدو ياكلون
    خلصو وراحت العنود تشيل الاكل وسوت شاهي نعناع وجلست هي زايد يشربون شاهي 
    كان زايد حاط راسه على المركا وحاط يد ورا راسه وكانت العنود جمب المركا جالسه  
    زايد:الا اقول من كنتي تكلمين مشوين 
    العنود:كنت اكلم اختي 
    زايد:وش كانت تبيس فيه 
    العنود عصبت انه تدخل بزياده بس قالت له بخبث وكذب 
    العنود:لا بس كانت تبي تقولي انه ولد جيرانا الي بالرياض جاي يخطبني من جدي وجدي قاله نشوف البنت اذا موافقه او لا  وانا قلتلها اني قاعده افكر 
    زايد بعصبية :وشوووو!انجنيتي!
    العنود:وش عندك مشكلة 
    زايد:ما قليلهم انس تحت ذمت رجال 
    العنود:عادي ترا وبعدين ترا زاواجنا هاذا ما راح يستمر فا عادي 
    زايد:يعقب ويخسي ياخذس فاهمههه!!
    قام زايد وراح عند خيله 
    استانست العنود على عصبيته وانه وصلت لهدفها 
    استوعبت انها جالسه لحاله وراحت وراه 
    عند زايد كان جالس عند خيله يمشط شعره 
    دخلت العنود عليه 
    العنود:افا تروح وتخليني 
    زايد:دامنس تخليني انا بخليس 
    العنود:مو هدرجه عاد 
    زايد:اجل وخري عني 
    العنود بصدمة:زايددد
    زايد: وش 
    العنود:انت زعلت 
    زايد:يعني وش رايس 
    العنود:تراني امزح مو بصدق كنت اهلس عليك 
    زايد:انتي صادقه! 
    العنود:ايه ،
    بسوي مثل ما اشوفك تسوي وافعل افعااالك عشان تعرف مين فينا الزعول ومن وسيع البال ابيك تذوق فنجالي وانا بذوق فنجاااالك
    زايد:اح قويه 
    العنود:وبعدين من تكذب عليه يعني بتقنعني انك راح تتزوجها 
    زايد:ممكن 
    العنود:عاد خلاص لا تخليني اروح لنفود وما تلقالي اثر 
    زايد:خلاص تراني امزح 
    العنود:ايه بعد
    جلسو عند الخيل يتاملونهم 
    العنود:اخخ شعره وعيونه ومشيته اههخخ
    زايد استحى وقال بثقه :منهو ؟!
    العنود:ولد جيرانا 
    زايد:اعقب ،انقلعي انقلعي زودتيها 
    العنودبضحك:امزح امزح 
    زايد:اجل من 
    العنود:خيلي الله يرحمه 
    زايد راح لحصان مشاري 
    زايد:سباق !
    العنود:الحين!
    زايد:ايه ولا خايفة 😉
    العنود:انا اخاف اقول افتح السور ونزل السراج 
    زايد:السراج مره وحده!
    العنود :ايه ولا منت قدها 
    زايد:قدها ونص 
    فتح السور ونزل السراج وقام يركض هو العنود بالخيل 
    كانت العنود بخيل زايد وزايد يخيل مشاري 
    كانت العنود تركض بكل سرعة الخيل وكان شعرها يلاعبه الهواء وكان زايد يناظر فيها ويبتسم 
    كانو يركضون ووصل زايد لشجرة ووقف عندها وقفت معه 
    ربط زايد الخيلين بالشجره وجلس عند الشجره هو والعنود 
    زايد: هاه شفتي من فاز 
    العنود:عادي تراه سباق 
    كانو يتاملون القمر 
    العنود:عطنا بيت شعر من عندك 
    زايد :عن وش ؟
    العنود:الي تبي 
    زايد:لاا لازم سبب
    العنود:ممممم بنلعب لعبة انا بقولك موقف وانت عطني قصيده 
    زايد:اسلمي 
    العنود:شوق لشخص 
    زايد:
    الشوق مشتاقلك أكثر من الشوق
    شوق بدوي ضاعت أغلى نياقه
    العنود:فرقا شخص عزيز بس يستاهل الفرقا
    زايد: بتروح جعل الله يحفظك ويرعاك درب الفراق اظن رجلك تتدله 
    ماهو انا اللي يالغلا ان رحت ناداك عزيز نفس ولا رضييييت المذله
    حاولت اداري خاطرك واتبع رضاك وهذا هو اللي زود الطيبين بله
    العنود بتكمله :
    تخطي واعديها واطوف خطاياك وطوفت لك تسعه وتسعين زله
    هذا وعد مني ليا رحت لنساك وامحي وجودك من على الكون كله.
    وكنت متعلق فيك واخاف فرقاك واليوم لا احبك ولا قالها الله
    زايد بتعجب:ماشاءالله طلعتي شاعره 
    العنود:افا عليك 
    زايد:كملي ولا خلصنا 
    العنود:تقريباً بس بعطيك اخر موقف 
    زايد:قولي 
    العنود بخوف من الي يقوله :طلاقي منك 
    زايد: اعتبرني حلم مريت عليك بغفوة منام ..... وانا بعتبرك قصه قريتها وما كملتها.
    العنود حَنت راسها ونزلته تحت جلس زايد يناظر القمر لين غفى حطت العنود راسها على الشجره جنب زايد وكانت تناظر القمر الا فجاء زايد حط راسه على كتفها وكمل نوم 
    تصنمت العنود مكانها بس حست انها بامان اكثر وتبسمت وبعدها غفت على راسه 
    يتبع
    جيتكْ والكـل يتمناكحيث تعيش القصص. اكتشف الآن