جيتكْ والكـل يتمناك

الحلقة السادسة : جـِيتْـكْ والـكُــلْ يَـتـَـمنـَاكْ

في اليوم الثاني كان الكل قايم وكان اليوم بادي بخير وكان الوضع طبيعي لين الساعة ٦ المغرب كلانو كل الرياجيل متجمعين في المجلس  وكانو البنات متجمعين في المجلس الي جمب الرجال علشان يسمعونهم

الجد شليويح:انا اليوم مجمعكم علشان نحل مشكلة العنود  تبي تكمل دراستها وما عندها محرم يروح معها ونبي اقتراحاتكم
راكان :انا الصراحة ما اقدر انا انسان اداوم واصلاً انا ماني محرم لها
سكتو وتكلم منصور
منصور :انا عندي حل
الجد شليويح:انطق
منصور :الحل انه نزوجها خالد
مقدام :خالد!!!!
خالد :ايه انا وش فيها
منصور :نزوجهم علشان يكون لها محرم ويسكنها بسكن خاص
الجد شليويح:يا عنود تعالي
العنود :سم يا جد
الجد شليويح:انتي موافقه على خالد
العنود :هاه …تبون الصراحة لا
خالد :وشلون لا اا
منصور :وشلون لا انتي وخالد مكتوبين لبعض من انولتو
الجد شليويح:خلاص البنت قالت لا يعني لا
خالد :لا انا ابي اتزوجها يعني اتزوجها
العنود :وانا ما ابيك
منصور :ليه ما تبينه؟؟
الجده صيته اطلعت وقالت :ماتبيه يعني ماتبيه
خالد :انا ما علي منكم انا بكرا ملك عليها
منصور :البنت لولدي يعني لولدي.
الجد شليويح:افسم بالله يا منصور وانا قسمت ان تزوج ولدك للعنود بدون موافقتها لا انا ابوك ولا اعرفك
خالد :انتي ليه ما تبيني اتزوجك قولي !!!
دخل زايد وقال
زايد :ما تبي تتزوجك علشانك ذاك اليوم كنت تحاول تعدتدي عليها وضربتها ولويت يدها وتعنف خواتك ومريض نفسي
خالد :انت من علشان تقول ذا الكلام
زايد :انا من انا انا الي جاي اكشفك يا المعقد يا المعنف يا المريض
خالد جاء بيضرب زايد
الجد شليويح بصراخ:بسس تتضاربون وانا هنا
وقف خالد :هاذا كذاب
الجد شليويح: يازايد وش الشى الي يثبت انك صادق
طلع زايد الجوال وسمعهم الفديو 
منصور :تسوي كل هاذا وانا ما ادري
خالد :هاذا كذاب كذاب
الجد شليويح:وشلون هاذا كذاب وهو هاذا صوت غدير والعنود
راكان :هاذا المفروض ينسجن على عمايله
منصور ناظر وله وتله من ثوبه وراحو برا وفبل لا يروح خالد قال : ما راح اخليس لو تموتين
وراح هو وابوه لديرتهم
كانت العنود متصنمه من الي صار
الجد شليويح: مقدام خذ اختك وادخل داخل
العنود :ومشكلتي يا جدي
الجد شليويح:بكرا يحلها الف حلال
كل واحد راح لبيته وصلى العشاء ونام كان الجد  يفكر بحل بس ما كان متأكد من العنود بتوافق نام

الساعة ٦ الصباح كان الكل قايم
العنود قامت وصلت بعدين راحت لعذوب تقومها للمدرسة
العنود :عذوب يا قومي مدرسه
عذوب :طيب خلاص بقوم
قامت عذوب ولبست مريولها وراحت تقوم مقدام علشان يروحون المدرسه
كانت خولة تجهز الفطور و العنود كانت تساعدها
بعدها تجمعو علشان يفطور 
العنود : ترا اليوم الباص ماراح يجيك يا عذوب 
عذوب :حشى ليه !
العنود : يقول السواق تعبان
عذوب :ومن اروح معه
العنود :بتروحين مع راكان
عذوب :اجل انا بروح الحين قبل لا يروح
مقدام :انتظري بروح معس
العنود :ليه ؟
مقدام :بروح اسلم عليهم قبل لا نروح
العنود :اجل حتى انا بروح معكم
راحو مع بعض وكان زايد توه طالع من بيته
شافه مقدام وسلم عليه وكملت العنود وعذوب لبيت جدتهم  دخلو ولقو البنات والجد شليويح متجمعين قاعدين ياكلون
غاليه:حماتك بتحبكم تعالو كولو
العنود :انا عن نفسي شبعانه
عذوب :انا تو مفطره
غاليه :نور يلا خوذي اخوانس واطلعي ابوس ينتظركم
عذوب :اصبري بروح معكم
شريفة :ليه
العنود : اليوم باصها مايقدر يجي
نور :اجل مشينا
راحو البنات ومعهم عبد الله للمدارس
الجده صيته: العنود ساعدي عمتس بشيل الصحون
العنود :ابشري
كانت العنود تشيل الاغراض وفجاء ناداها جدها
العنود :لبيه
الجد شليويح:تعالي ابيس
جت العنود عند جدها وما كان عنده احد
الجد شليويح:انا عندي حل لمشلتس
العنود :قل يا جد
الجد شليويح:ممكن ما توافقين عليه
العنود : موافقه حتى لو اروح للقمر عادي لان انت تعرف اني مره احب دراستي وحلمي في الحياة كلها اني اكمل دراستي
الجد شليويح:انس تتزوجين
العنود:انا قلتلكم ما ابي خالد لو اموت ما اخذه
الجد شليويح:هين خالد ممسوح من قائمة الاقتراحات
العنود :اجل من
الجد شليويح:زايد
العنود :هاه
الجد شليويح:حلوه الفكره قولبيها ولا ترا ما عندس حل ثاني الا توقفين الدراسه
العنود :لا اعوذ ب لله مستحيل اوقفها
الجد شليويح:وترا انا بشرط عليه انه بعد ما تخلصين دراستس يطلقس ولا يمس منس شعره ابداً
العنود :طيب
الجد شليويح:فكري فيها
العنود :انا موافقة
الجد شليويح:بهاذي السرعة
العنود :ايه يا جد انت تعرف اني اهم شي عندي دراستي
الجد شليويح:اجل انا اليوم اكلمه واقولس وش يصير
راحت العنود لامها في البيت وقالتلها السالفه
خولة :معقوله هاذا اخر حل
العنود :ايه يا يمه واذا ما وافق ما راح اكمل جامعه
خولة :خلاص الي يشوفه جدك
العنود :انتي ادعي بس انه يوافق
راحت العنود تقيل لان كانت الساعة ٩
قمت على صوت قروشه عندها صحت ولقت عذوب قاعدته تتجهز
العنود : وش قاعده تسوين ؟؟
عذوب:اسوا انك قمتي
العنود :ليه
عذوب :جدي قرر انه الان راح نروح نمرح بالمزرعة و البت الي في المزغ
العنود :يا ربي يا جدي عليه قرارات غريبه
عذوب :المهم تجهزي الحين لا يجي جدي ويهبدك ويهبدني معاك
قامت العنود تتجهز وراحت لبست عباتها وغطوتها وقفلت البيت وراحت لبيت جدتها لان كلهم كانو متجمعين هناك راحت ولقتهم كلهم متجمعين في الحوش والحريم كانو متغطيات وكان زايد معهم 
الجد شليويح:اسمعوني يا عايلة شليويح
زايد :وانا !!
الجد شليويح:انت قريباً راح تصير منهم
زايد : هاه ….
الجد شليويح: المهم التقسيمه راح تكون كالاتي 
(راكان معه =غاليه وعيالها ومقدام وعذوب وخولة )
(زايد معه = الجد شليويح والجده صيته والعنود وميثا)
اتفقنا
قالو بصوت عالي :اتفقنا
الجد شليويح:اجل يله مشينا

يتبع