جيتكْ والكـل يتمناك

الحلقة 14 : جـِيتْـكْ والـكُــلْ يَـتـَـمنـَاكْ

زايد :يااولدد
فنيجيلة :يا الله حيه اجلس اجلس
جلس وجلست العنود جمبه
فنيجيلة ما كانت تبي العنود تسمع الموضوع
فنيجيلة:العنود روحي جيبي الصينية حقت القهوه
العنود :ما فهمت ؟وش معنات صينية
زايد :معشره معناه
راحت العنود تجيب الصينية
فنيجيلة :انا بغيتك بموضوع
زايد :قولي يا عمه
فنيجيلة :انت تخبر انك انت الحين متزوج بس زواجك هاذا على الورق
زايد :ايه ، وش فيها!؟
فنيجيلة : بما انك بتطلقها بعد فتره فا انا مارضى انك تجلس بدون زوجه
زايد :ايه وبعدين !
فنيجيلة :تتزوج ريتاج
زايد :هاههه !!!
جت العنود على شهقت زايد بس كانت عند الباب واقفه تتسمع وكانت مستغربة ليه شهق
فنيجيلة : تخطبها الحين وبعد ما تطلق العنود تعرس عليها
زايد :صعبة يا عمه
فنيجيلة :موافق ولا
زايد :افكر
دخلت ريتاج وجلست
ريتاج :تراني موافقة
انصدمت العنود وطاحت الصينية من يدها وبعدها انصدم زايد من الصوت وطلع برا لقى الصينية طايحة على الارض والباب حق الشقة مفتوح بدون تردد راح زايد يركض ورا العنود في الدرج وهو يلحقها 
زايد :العنود وش فيس ؟
العنود بدموع :ولا شي
زايد :وقفي خليني اشرحلس
العنود :تراني فاهمه كل شي
زايد مسكها من يدها ووقفها
زايد:طيب اسمعي مني
وقفت العنود تمسح دموعها
زايد :وش الي خلاس تبكين ؟
العنود :
قلي ل منهو لأجل عينه تغيرت ؟
ماني بقايله شي لاكن بعرفه
زايد انصدم من كلامها وكان واقف مصدوم راحت العنود فوق لغرفتها وانسدحت على الفراش وقامت تبكي لاكن بصمت ونامت

دخل زايد الشقه وراها وكان جالس بالصالة يفكر بكلامها وبعد ما نامت دخل ولقاها نايمه والمخده كلها دموع  حس بتانيب الضمير وراح اخذ فستانها وودها للكواي ورجع للبيت لقى الحريم يجهزون العشاء والرجال في المجلس ينتظرون العشاء راح داخل ولقى امه
وصايف:زايدد
زايد:لبيه
وصايف :تعال
راح زايد عندها
زايد:هلا
وصايف:وين العنود ما شفتها
زايد :هاه..نايمه فوق
وصايف:ليه تو الناس
زايد:تعبانه شوي
وصايف: انا بروحلها اشوف وش فيها
زايد:لا لا تروحين
وصايف:ليه ،ليكون مزعلها يا زايدوه
زايد:لا بس هي ما تبي احد يدخل عليها تبي ترتاح
وصايف :اجل اسمع اخذت فستاني
زايد:ايه
وصايف:ابيك تتعشى وتنام مو تسهر ترا بكرا ورانا شغل
زايد: لا معليس ازهليني
وصايف:اشوف ازهليني هاذي وش تسوي
جت جمان
جمان : هاه معيريسنا وش مسوي
وصايف:عيب يا بنت
زايد:هاذا الكلام تقولينه لزوج اختس مو لي
وصايف:المهم رح قوم مرتك للعشى لان الخين راح نحطة
زايد :ابشري 

فوق عند العنود كانت صاحيه بعد ما اخذتلها غفوه قامت ولقت اتصالات من امها ودقت عليها
العنود :الوو يمه
خولة :هلا ،وش اخبارس ابطيتي علينا ما تدقين
العنود :والله الحمد لله طيبه
خولة :وش فيس احس انس مشغولة بشي
العنود:تخيلي يمه تذكرين جمان صديقتي الي بالثانوي
خولة :ايه يا حليلها
العنود : طلعت اخت زايد
خولة :ماشاء الله ،اثر هاذا الي مشغلس
العنود : تقدرين تقولين وبكرا عرس اختها الي اكبر منها تجنن يا يمه
خولة :اجل انتي بتروحين للعرس
العنود :اكيد
خولة :هو عنده خوات
العنود :ايه عنده اكبر واحد بدر ومتزوج من سنتين وتو ذاك اليوم مرته حملت وبعد عندي اخو اكبر منه اسمع مشاري وبعدين هو وبعدها ترفة وبعدين جمان
خولة :اخوه متزوج ؟
العنود :لا
خولة :وش لونها امه يعني تحسينها طيبه او لا
العنود : ايه اسمها وصايف وهي ماخده من اسمها نصيب وتجنن يا يمه زايد ماخذ من حلاها وطيبه وحبوبه ودام تدافع عني وابوه مو دايم اجلس معه بس مبين انه على نياته ودايم يسال عني
خولة :الا اشوف مدختي الكل الا واحد
العنود :خليني ساكته بس
خولة :افا وش مسوي !
العنود :لا لا مو مسوي شي بس يعني ما يحتاج بعد
سمعت صوت الباب حق الشقه ينفتح
العنود:يلا مع السلامة اكلمس بعدين
سكرت العنود وتغطت بالحاف وسوت نفسها نايمه
دخل زايد وكان يحسبنها نايمه
زايد :يلا والله انها تكسر الخاطر
استغربت العنود منه
زايد :العنود قوميي
العنود :ما ابي
زايد: وش الي ما تبين قومي حطو العشاء
قامت العنود وجلست على السرير
العنود:قلتلك مابي مو غصب
زايد: وشلون ما تبين وانتي ما اكلتي شي
العنود :مو لازم اكل عندك مشكلة
زايد:وش ذا النفسية ضاربة جداً
العنود:يالله صبرك
زايد:وش الي مزعلس ؟
العنود:تخبر وش الي مزعلني
زايد: وان قلتلس ما ادري وش الي مزعلس
العنود : اقولل تقلع تقلع
زايد:خلاص ،خلاص انا اسف حقس علي
العنود:يعني خلاص ما راح تخطبها !
زايداصلاً ما كان يبي ريتاج بس حب انه يستعبط شوي
زايد :الا راح اتزوجها
العنود :لا ما راح تتزوجها
زايد :عادي ترا لانس انتي منتي “ زوجتي”
العنود:على الاقل احترم اني اسمي زوجتك بس
زايد :خلاص بحترمة لاكني بتزوج
العنود :لا ما راح تتزوج فاهم
زايد :الشرع حلل اربع
العنود :انا محترمة الشرع بس ما تاخذ علي مره
زايد : طيب انا راح اطلقس وراح اتزوج ريتاج وبعدها اتزوجس سهله
العنود :يالله ام التعقيد
دق الباب
العنود :يا وبلك ان رحت انا الي بفتح
كانت معصبة وكان زايد مستانس على غيرتها
فتحت العنود الباب
العنود :خيرر وش جايبس
كان زايد واقف ورا الباب ويسمعهم
ريتاج بتدلع : وين زايد ليه ما فتح الباب ؟وليه صوتكم عالي ؟متهاوشين؟
العنود :وانتي وش الي كارس ؟هاه
ريتاج :خليني افهم بالول الكلمه
العنود بصوت عالي : يعني وش دخلس
ريتاج:انا جيت اقولكم ان خطينا العشاء
سكرت العنود بوجهها
دخلت وجلست على الكنب كان زايد واقف
زايد :العنود
العنود : انت ليه ما تسكت تراني زعلانه منك ومنها ولا بعلم….
زايد :لا لا خلاص
كانت لحضة هدوء
زايد :العنود ،قومي البسي عباتس
العنود :وين وين بنروح ؟؟
زايد :انتي البسي  وامشي

يتبع