جيتكْ والكـل يتمناك

الحلقه 18 : جـِيتْـكْ والـكُــلْ يَـتـَـمنـَاكْ

كان زايد يناظرها او بمعنا اصح يتاملها وكان منبهر بجمالها
العنود:وش رايك؟
زايد:تجنننين وتهولين وكل شي
العنود:صدق !
زايد:
اجمل بنت شفتها
والله ما بعد زينها زين
وانا اعتبرها عبرة من عبرهاا

جمالها يرجح بكل الموازيين
ومن الجمال الناس تلفت نظرهاا

ومن زينهاا كن العذارى مجانين
انششهد إن الله عليهن امرها

العنود: دامنك قلت قصيده اعرف اني اموتت من الجمال
العنود ناظرت الجوال واستغربت
العنود:وش قاعد تسوي
زايد:اصور فديو للذكرا ،ناظري الكاميرا
ناظرت العنود الكاميرا وقامت تستهبل وتسوي حبتين وتسوي وضعيات تصوير
زايد:وش قاعد تسوين بلاه
العنود:مالك دخل
زايد:وشلون مالي دخل
العنود اخذت الجوال ودخلت الغرفة وكان الفديو شغال
زايد:العنود جيبي الجوال
العنود:لا
العنود للكاميرا:هاي طبعاً زويد قاعد يطالب الجوال مني بس ما يعرف انه معه وحده خبله
زايد:اهم شي انس تعرفين انس خبله ،جيبييي الجوال
العنود:امسك
زايد قفل التصوير
زايد:امشي يلا
راحت العنود ولبست غطوتها وعباتها وراحت العنود مع زايد للسياره كان طفش الوضع بالسياره لان القاعه كانت بعيده رفعت العنود جوالها وكانت تصور شكلها بالنقاب
انتبه زايد لها وحط راسه عند راسها وهي تصور
العنود:خيرر !
زايد:عادي تراها صوره
العنود:ادري بس ماله داعي حركتك هاذي
زايد:خلاص لا تنكدين علينا ترا اليوم فرحه اليوم عرس اختي
العنود:طيب ندري

عند البنات في المشغل
كل البنات تجهزو وخلصو الا جمان وحصه كانو توهم يبدون
كانو البنات متجمعين حول جمان وحصه وهم يجهزون نفسهم
فنيجيلة:ترانا تاخرنا مرهه استعجلو
جمان:ترانا مطولين
خلود:ترا المشرفة حقت القاعة تدق علي تقول انه كل شي جاهز الا انتو ما جيتو
وصايف:ترا انا ما ابي اتاخر تراني ام العروس
ترفه :لا توتروني اكثر
حصه:طيب وش رايكم نروح حنى مع فيصل وهم يروحون مع سلطان
الجده عميشه:ايه هاذي الافكار الزينه
خلود:اجل بدق على فيصل وسلطان
دقت عليهم وجو وراحو الباقي مع فيصل وبقى جمان وحصه
خلصو البنات
حصه :يلا مشينا
جمان: اصبري البس عباتي
حصه:تراني بطلع
جمان :يلا يلا خلصت
طلعو البنات وركبو مع سلطان
وكان طول الطريق يناظرها من المرايه وكان جمان تناظره وبعدين توخر عينها عنه
وصلو ونزلت حصه وكانت جمان تبي تنزل
سلطان :جمان
جمان :نعم
سلطان :ترجعين
جمان :وين ؟
سلطان :لي
جمان :انجنيت انت ولا وش انت تدري انها علاقات محرمة
ونزلت وجت بتسكر الباب
سلطان :جمان اصبري
جمان :وش بعد
سلطان : ترجعيلي بالحلال
جمان : فهمني كيف؟
سلطان :بخطبس من ابوس اسبوع الجاي
استحت جمان :انت صادق
سلطان :ايه وقد كلمتي
سكرت جمان الباب ودخلت داخل وهي تتخيله في كل وقت

عند زايد والعنود وصلو
جت العنود بتنزل وكانت تفتح الباب بيدها والا يمسكها زايد من يدها الي عند الباب و سحب يدها بشويش للارض
العنود بصدمة :خيرر!!
زايد:اصبري
العنود:وشو بعد
طلع زايد من جيبه صندوق وفتحه واخذ الخاتم ولبسه العنود
العنود كانت مبهوره من لمعته وجماله وكانت في عالم اخر من الجمال
زايد:وش رايس
العنود:يجنن يا زايد من وين جبته
زايد:مو مهم المهم انه ذهب والذهب ما يغلى عليس
العنود:وش المناسبه ؟غريبه منك ؟
زايد:لا غريبه ولا شي بس شفت يدينس فاضيه مافيها شي يبرق وبعد عشان
العنود:وش عشانه انطق
زايد:عشان يعرفون انس متزوجه ولا يخطبونس
العنود: ترا عادي اذا خطبوني بالنهايه نصيب
زايد تنهد وعرف انها موب يم مشاعره
العنود :يلا انا بنزل
زايد:لحضه
العنود:وشو بعد
زايد:تحصني لا تصيبك عيون الحاسدين
العنود:ان شاء الله
نزلت وصكت الباب بقوه
انصدم زايد وفتح الشباك وناداها
العنود:وش
زايد:ليه يوم انس تصكينه بقوه تراه اغلا شي عندي
العنود:ايه خير ان شاء الله
زايد:قصدي ثاني اغلا شي عندي
العنود:من اول واحد ! اتحفنا بالجواب
زايد:تخبرينه زين ما يحتاج اقوله
راحت العنود داخل ولقت البنات جالسين مع المعازيم وجلست عندهم
وصايف:ياربيه وش ذا الجمال يا العنود
جمان :ما اتخيل انس صديقتي مدري من وين طحت عليس
عميشه : يا حض زايد حضاه
هنادي:عيب يا يمه الكلام هاذا زايد زوج اسم بس
غرام:يا ليتس زوجته صدق
جمان :ايه والله بيكون الانتاج البطل
العنود كانت ساكته ومستحيه ومصدومه بنفس الوقت 
خلود :خلاص تراكم احرجتوها
العنود:لا عادي يا عمه
ريتاج :بنات امشو دخل بنزف العروس الحين
دخلو داخل عند غرفة العروس
وصايف:يا ويلي بنتي صارت عروس
عميشه :الله يتمملس على خير يا بنيتي
ترفه :اجمعين
جمان:يا فشيله الناس ما يقولون كذا
العنود:عاد انتي لا تدققين على كل شي تراها عروس ومتوتره
ترفه:والله يا بنات مره متوتره
اريج:عادي عادي اي عروس يصير معها كذا
فنيجيله :يلا ترا بيزفونك
ترفه :قبل لا يزفون ابي طلب
جواهر:تدللي
ترفه :ابي العنود بكلمة راس
عميشه : مشينا يا بنات نباشر المعازيم على بال ما يخلصون كلمتهم
راحو البنات وجلست العنود وترفه بالغرفة لحالهم
العنود:قولي وش عندس
ترفه:اسمعي يا بنت سعود ،تراني خايفه مره وقلبي مو مطمني على حمدانوه هاذا
العنود:منو بعد ذا
ترفه:زوجي
العنود:اه ،طيب وش الي مو مطمنس
ترفه :قلبي مو مرتاحله وخايفه مره
العنود:انتي استخرتي
ترفع :ايه
العنود:طيب حسيتي برتياح  له
ترفه :مدري
العنود:وشلون ما تدرين
ترفه :مدري احساسي ناحيته غريب
العنود:طيب وش تامرين عليه يا عروستنا
ترفه :العنود انا بكلمس اكيد بكرا الصبح واذا ما رديت علمي زايد بالسالفه
العنود:وش قصدس !يعني بيصير فيس شي ،الله لا يقوله لا تفاولين على نفسس
ترفه:العنود انتي الوحيده الي تعرفين بالسالفه اذا ما رديت اعرفي انه صار فيني شي
دخلت حصه
حصه:بنات يلا الزفه !!!!
ترفه :يلا خلي البنات يجون ،العنود مثل ما قلتلس مو تنسين
العنود بتنهيده:ابشري
دخلو البنات وزفو العروس وبعدها راحت ترفه مع زوجها لبيتهم وكان زايد عند قاعة الحريم ودق على العنود
زايد:الو
العنود:هلا ،وش تبي ؟
زايد:ما اسمعس زين
العنود:اصبر انت برا
زايد:ايه  .وسكر
استغربت العنود وكانت هي وجمان جالسين جمب بعض
جمان :من تكلمين
العنود:زايده
جمان:هههههه وبعد اخترعتيله اسم
العنود:اجل وش حسبالس ،انا اروح اشوفه
طلعت العنود برا وهي لابسه طرحه كبيره ومغطيه جسمها وشعرها بالطرحه

يتبع