نبدأ بسم الله وصلوا على النبي♥
أول شخصية الجد جبران ودا مخلف ولد وبنت ( خليل و ناهد) وزوجته متوفية.. حنين جدًا بس شديد ومش بيحب الحال المعوج، ومش بيحب يشوف حد بيعيط.
ناهد: تبقى ام لـ 3 بنات واللي هما ( فاطمة، يقين، ملك) وهي شديدة أوي على يقين لأنها بعتبر اللي في بناتها سليمة.. ومش بتعاني من أي مرض نفسي.
فاطمة: بنت هادية أوي خريجة حديثه لكلية آداب علم نفس عندها 23 سنة، كانت مخطوبة لأحمد واتقتل وهنعرف إزاي.. وجالها فقدان ذاكرة.
يقين: بتحب الضحك والهزار أوي وبتعمل أي حاجة في سبيل السعادة، خريجة معهد عندها 22 سنة لأنها مجبتش مجموع في الثانوية عامة دخلت معهد سكرترية، وبتقع كتير في مشكلة بسبب إنها مش عارفة تتصرف.
ملك: دي القمر الصغنن، مريضة طيف توحد من صغرها بس بتابع مع دكتور وسلوكها اتحسن إلى حد ما، ذكية جدا و بتاخد بالها من حاجات كتير.. طالبة داخلة تانية ثانوي وهي أدبي.
خليل بقى مخلف 3 ولاد
غفران، جبران، عامر
غفران خريج كلية زراعة عنده 26 سنة بس في وقت حفلة تخرجه حصلت ليه حادثة وبقى اعرج وهنعرف سبب الحادثة ازاي.
جبران: خريج لكلية تجارة وادارة اعمال عنده 25 سنة بيعاني من وسواس قهري ناحية أي حد بيقرب من اوضته وحاجاته، عصبي أوي، وبيتحول لوحش زي ما بيلقبوا لما حد يقرب من حاجاته
عامر: طالب في تانية ثانوي وداخل تالتة خلاص وهو علمي علوم وحلمه يبقى دكتور جراحة.
في شخصيات هتظهر مع الاحداث ولكن دول اساسين ♥
أنت تقرأ
وبِالحُبِ اهتديتْ « هُدَايَا وَهُدَاكِ وَبَيْنَهُمَا اَلْعِشْقُ »
Romansaاندثرت أحلامي وأصبحتُ بلا هواية، واقتطفت الأيامِ مني أغلى النعمِ، ولكن كنتِ أنتِ العوضُ.... حياتي أصبحت كالمغتربُ لا يعلم متى سيعود للوطنُ، فـ بكِ اهتديت وعُدت إلى جسور ذاتي.... أيها الرفيق للدربِ بعشقكَ اهتديتُ وبعشقيّ اهتديتَ وأصبحت السُبل بي...
