Mapagpalaya ang wika dahil bagaman katulad ng mga Pilipino ay dumaan ito sa maraming pagbabago, nananatili ang kalakasan nitong iparamdam ang totoo nating damdamin at ang katotohanan ng mundo sa pamamagitan ng pagbigkas at pagsulat. Ang mga tulang i...
Hindi ko alam kung kailan nagsimula, Ngunit hindi ko rin alam kung kailan mawawala Kahit pa sabihing dito ako nagmula, Galit ako sa Pilipinas, hindi ka man maniwala
Sa bansang ganito ay mahirap mabuhay Bawat galaw, mga mata ay nakaantabay Kaunting tisod, kaunting bulol sa pagbaybay Sa mga lait at panghuhusga ka hahandusay
Sarado ang utak ng maraming tao rito, Mga luma at maling ugali ay dala-dala pa rin n'yo, Oo nga at iyon ang kinasanayan mo, Ngunit iba na ang panahon, bakit 'di matuto?
May mga naturingang may edad pero tila paslit Kahit problema ng iba ay nakikisambit Paliwanagan mo man nang paulit-ulit, Ikaw na lang ang tatanda sa sobrang kulit
Ang bilis nilang maniwala sa mga nakikita, Kahit pinakamaruming politiko ay matutuwa Ginagawa nang sirkus ang pamamahala, Aba'y sinasamba pa rin, pambihira
Galit ako sa Pilipinas, iyan ay totoo, Pero sandali, naisip kong mali pala ako Ang Pilipinas ay puno ng potensyal na lumago Ngunit ang totoong problema ay ang mga tao
Galit ako sa mga Pilipino, ito ang totoo Hindi ba kayo nagsasawa sa sistemang ganito? Ngunit sa kabila ng inis at kagustuhang lumayo, Umaasa pa rin ako na posible pa ang pagbabago
