صدفة الروح ..

البارت الواحد والثلاثين

وخلق لك في قلبي وطن يحتويك بأكملك..

خزام:
لما عرفت انها بتروح مع هتان قلبي عورني حسيت نار بداخلي نار كبيرة ما اقدر اطفيها ليه يروح معهم هو ما يله الحق يقعد معها ما يله الحق يناظر لها ما يله الحق يتكلم معها ما يله الحق يشوف مبسم شفاها اااخ لو بإيدي الموضوع راح امسكها واخليها وسط ضلوعي عشان ما حد يناظر لها غيري انا زوجها وهي ملكي انا ...ايش عملتي فيني يا شموخ لخبطي موازيني

نروح عند رغد ..
كانت قاعده بس سمعت امي تناديني ورحت لها
ام خزام:رغد يمه روحي شوفي مجلس الرجال قلت حق العاملات يبخرنه بس انا داريه فيهن ما يبخرنه ولا يرتبنه زين روحي يمه بخريه بيجي خوي خزام فشله يشوف المكان مو مرتب
رغد:الله يهداك يمه دوم تقولي كذاا العاملات يبخرن المكان ويرتبنه زين مدري ليه ما يعجبك شغلهن لكن ان شاء الله بروح ابخره
ام خزام:يمه رغد هذول العاملات ما عاجبتني وين عاملتنا سونا القديمه ١٥ سنه الله يحفظها تنظف زين وتسوي شغلها زين ما عمري نقدت عليها لكنها مسكينه كبرت عاد وبغت ترجع عند اولادها واهلها ما في مثلها ما ذول اللي عندي الحين كل يوم انا معاهن هواشات ما يسوين شغلهن زين
رغد:ههه الله يهديهن بس والله انك صادقه مافي زي سونا
ام خزام:الحين روحي شوفي ايش مسويات في المجلس
رغد:ان شاء الله يمه
قامت رغد من عند امها وطلعت لغرفتها اخذت جوالها ونزلت كانت لابسه تيشرت اصفر وبنطلون واسع اسود وحاطه شعرها بدون اي ربطه ،راحت للمجلس وشعلت البخور وقعدت تبخر عدلت شوي ترتيب القهوة بعد ما خلصت شافت البلايستيشن حق اخوها حمد اللي كان منزلنها امس من غرفته يلعب فيها هو واخوياه ونسى يشيلها مسكت اليد اختارت لعبه وقعدت تلعب بكل حماس

بيت ابو سعود:
كان سعود قاعد يساعد اخته ف المشروع حقها ولما خلص خؤج من غرفتها وراح عند ابوه في الصاله.
سعود:يبه انا بروح عند عند خوي خزام
ابو سعود: طيب سعود سلم عليه ولا تتاخر كثير
سعود: ان شاء الله يبقى تامر على شيء ابو سعود: ما يامر عليك عدو صح لما ترجع مر على المحل حق الحلويات وخذ لاختك شيء تحبه واعدنها اخذ لها امس بس نسيت واليوم قاعد اخلص اشغالي وما راح اطلع من البيت
سعود: ان شاء الله يبه من هالعين قبله العين
ابو سعود: الله يحفظك
سعود:امين جميعا
خرج من البيت
راح ركب سيارته وتوجه لبيت خويه لما وصل ارسل لخويه خرج له  خزام ودخل سعود
خزام: هلا والله تو ما نور البيت
سعود :منور باهله
خزام :لو جبت لو جبت معاك الوالد واختك
سعود: ابوي مشغول واختي تدرس
خزام: اها المره القادمه ان شاء الله
سعود: ان شاء الله
خزام :سعود بروح اجيب جوالي
سعود :طيب

رغد:
ضربه واحده وراح افوز على الوحش فجاه سمعت صوت الباب خفت وتخبيت تحت الطاوله وشفت رجول شخص لابس ثوب رمادي ومتاكده مليون بالمره هذا مو اخوي يا ربي لو خزام درى راح يذبحني يا رب استر لي يمه