صدفة الروح ..

البارت التاسع والثلاثين

يا جاهل للشوق ما مرك الشوق
مشتاقلك والله من الاخر
بادر وبادلني شعور الخفوق
ما هوب لازم كل مرة ابادر
يا نبض قلبي ودم العروق
لا تخفي الشوق وتكابر
اطالب بحقي وانا راعي حقوق
وابسط حقوقي في عيونك اناظر
.
.
.
.
بسم الله نبدأ
.
.
.
.
هتان:هاااه؟!
فارس:اللي سمعته
هتان :كيف كيف ما فهمت
فارس:لما ولدتني امي اخطفوني اعداء ابوي وعشت معهم فترة لحد ما كبرت شوي وهربت عشت ف ميتم واجتهدت على نفسي وكبرت وصرت ضابط فيوم من الايام جاني رجال شايب وقالي انه اخوي خطفك وسامحني وراح ادلك ع اهلك الحقيقين وعلمني من هم وجيت علمت ابوي وامي واخوي واختي واجتمع لم شملنا واذا مو مصدق هذي هويتي ..خرج له الهويه ..ولا اتصل بامك تاكد وجدك
هتان وهو يناظر للهويه بصدمه :تكفى قول لي انك تهبد من راسك وذي الهويه مو حقيقيه وهذا مقلب
فارس:والله اني مو هبدت وهذاني حلفت باللي خلقني وخلقك اني خالك
هتان :يالليل وليش جدي ما علمنا ان لنا خال صغير
فارس:والله هذا مدري العلم عند جدك
هتان :وطيب ليه ما علمنا لما جيت لهم وعفوك انك خالي
فارس:هذا شي انا قلته لهم
هتان:ليه
فارس:بس كذا حبيت اتعرف عليكم بنفسي واشوف ردة فعلكم واتمنى ما تعلم احد بالسالفه
هتان :والله احس راسي صدع اصبر بتصل بجدي
فارس:خذ راحتك
جاب النادل الطلب وقعد فارس يشرب وهو يناظر لهتان كيف هو مصدوم ،هتان اتصل بجده ورد
الجد:هلا والله بهتان شحالك
هتان :اهلين جدي بخير وانت
الجد:بخير الحمدلله
هتان:جدي تكفى ادري عندك العلم صحيح فارس خالي
الجد :ايه صحيح يعني انت اول واحد الله يبارك فارس جا لعندك
هتان: لا والله مانيب مستوعب شذا كيف طلع خالي فجاة
الجد:الظروف يا ولدي
هتان :طيب ليه ما قلتو لنا انه معنا خال صغير
الجد :ما حبينا نحزنكم وهذا خالك رجع قدام عيونك بقفل عاد بروح اتغدا
هتان:طيب بالعافيه عليك سلم ع جدتي
الجد:واصل سلامك انتبهوا لنفسكم
هتان :ان شاء الله
قفل هتان وفارس يناظر له وهو يبتسم
فارس:ها صدقتني الحين
هتان:ايه مع اني بعدني منصدم
فارس:فترة وبتروح الصدمه شرايك اصير خويك
هتان :طيب خالي بس لاوتصدع راسي قومتني من النوم
فارس:خالي ذي لا تقولها تحسسني شايب وبعدين اشوفك طقيت الميانه تراني اكبر منك ولد
هتان :يا ليل بدينا عرفنا عليك يا الشيخ فارس
فارس: احم احم اعطوني المايك .. مسك دبة الماي على اساس مايك
هتان:الله يغربل بليسك فسلتنا نزل دبة الماي بيفكرونا ذول الاجانب مهابيل
فارس:طيب طيب خلني اعيش الدور ياخي ،،حط دبة المايك وقال بكل فخر انا العميد فارس عمري ٢٧ جميل و وطويل ف الشغل ما عندي يمين يسار امرك بشي تسويه معروف عني اني بارد وعصبي بس هذي شخصيتي ب الشغل معكم اموري تمام مو متزوج وحاليا لقيت حب حياتي بس خليني اضبط وضعي وخاطبنها من ابوها ان شاء الله
هتان: معاك هتان عمري ٢٤ زي ما تشوف اجمل من الجميلين بحد ذاتهم عندي شركتي الخاصه رجل اعمال معروف عندي فرع لشركتي هنا بس ما يلي نفس اروح اشوفها عندي توام بنت اسمها ايفان انا انسان عصبي شوي يعني بس وقت الفلة افل امها ما متزوج كنت احب بنت بس للاسف مو صارت من نصيبي وجيت هنا عشان انساها
فارس:شموخ
هتان وهو يناظر له باستغراب كيف عرف:كيف عرفتها
فارس :شي واضح ترا من خلال مراقبتي لك ف الفترة الاخيرة وكنت ناوي تسافر بعد خطوبتها بيوم بس كنسلت عشان خطوبة اختك صدقني كنت اتمناكم لبعض وحسيتكم متشابهين وشخصيتكم مع بعض حلوة بس ربك ماشاء يجمعكم وعسى ربك يعوضك باللي احسن منها
هتان بضيق :عسى ان شاء الله
فارس:
ليه الضيقه يا رجال
لا تحزن ربك بيحلها
اضحك لدنيا تبتسم لك
واسعى وجاهد فيها
ما نخلقنا نلعب ونمرح
ما نخلقنا الا لعبادة ربنا
ابتسم جعل اللي فيك يزول
صدقني ربك ما ناسيك
جعل ربي يسعدك ويحفظك
يا هتان ابتسم