صدفة الروح ..

البارت الخمسون

ضايقوني بالسؤال ليه حالك موتمام
ليه مانتي مثل أول لليالي تضحكين

عاتبوني مادروا اني اتحاشى الكلام
أخفي الدمعه وأخبي جرح بقلبي دفين

لا تلوموني امانه ما على قلبي ملام
ولو لمحتو الحزن فيني الله بقلبي يعين

ماشكيت الهم الا لخالقي رب الانام
كل سجده ادعي الله يجبر بقلب الحزين
.
.
.
احب
.
.
بسم الله نبدأ:

بيت ابو خزام :
صحى خزام بضيق ما قدر ينام الليل غير ساعه ساعتين كان يفكر كيف راح يعيش حياته بدون شموخ نهض من سريرة تروش ولبس لبس رسمي شماغ وثوب ونزل لاهله وعلامات الضيق واضحه ف وجهه سلم على الكل  قعد مكانه واهله يفطرون وهو يناظر لصحنه بملل ما يله نفس ياكل حتى يبغى بس ترجع الامور طيبه وحلوة بينه وبين شموخ هو عارف نفسه غلطان بس مفروض تسامحهه
ابو خزام:اسمع ولد بنروح بيت ابو خزام بعد الفطور ونتفاهم معهم اصرت البنت على قرارها بتطلقها فااهم!؟
خزام:يصير خير يبه
ام خزام :تفاهم معهم يا بو خزام ترا الانسان يغلط ماهوب معصوم من الخطا
ابو خزام:بس الغلط اللي سواه ولدك مهوب غلط بسيط وينغفر له يضرب بنت قدام الناس وكسر يدها لا تحسبينه من عبث ولدك هو السبب
ام خزام بصدمه:خزام انت السبب
خزام:يمه كانت لحظة غضب ما كان ودي يصير كذا
حمد ببرود:كل ما جتك لحظة غضب كسرت بنت الناس وضربتها
خزام: اسكت انت ولا تتدخل فاهم
حمد بعصبيه:شموخ مثل اختي وما ارضى عليها تذلها انت بسبب لحظة غضب او غيرة او ايش اللي ما ترضاه على خواتك لا تسويه ف بنات الناس لو في مرة صار كذا مع خواتك وش بتكون ردة فعلك تاخذ زوجها بالاحضان وتغفر له !؟اكيد لا راح تنتقم منه واذكرك انه ورا شموخ رجاجيل يسندوها وما يرضون عليها المذله ولو يبغون ينتقمون صدقني بتكون ف واحد من المستشفيات مكسر ويمكن ما يلك امل عشان تعيش لكنهم ساكتين ومحترمين ابوي والعلاقه اللي بين عائلتنا وعائلتهم ف احترم نفسك واللي تبغاه البنت سويه
ام خزام :حمد احترم اخوك الكبير
حمد :للأسف تصرفات ولدك ما تخليني احترمه كنت اشوفه قدوتي ف كل شي بس طحت من عيني يا اخوي
رامي يناظر لهم بصمت وهو مو عاجبه الوضع ابداا
ابو خزام :انتهى النقاش كملو اكلكم وخزام وحمد ورامي بنروح لبيت ابو شموخ نتفاهم ف الموضوع
رامي :ان شاء الله يبه

بيت ابو شموخ :
كانت كل العائلة قاعدين ف الصالة بعد ما خلصو فطورهم والكل يقكر بوضع شموخ وهل راح تقدر تتخطى او لا لانهم شافو كميه الحب بعيون شموخ كانت تعشق خزام تهيم ف حبه تهتم فيه وتراعيه وتشوفه افضل رجال لكن كرامتها فوق كل شي .
نزلت شموخ وقعدت معهم وكانت تحاول تبين لهم انها متخطيه وعادي عندها
شموخ :وش فيه ليه الكل ساكت
ابو شموخ :ما نقدر نسولف بدونك حبيبتي
شموخ :اصلا ادري
ايفان :بدينا ب النرجسيه
شموخ :يحق لي ولا ما يحق
فارس:يحق لك انا اشهد
شموخ :فديت خالي الكتكوت
فارس:طول وعرض وعميد بعد تقولين لي كتوكوت
شموخ :ههه بعد ما امداك تتعود علي بتكتشف شخصيتي اكثر
فارس:بكتشفها ان شاء الله شوي شوي
قاطعهم صوت جرس البيت وخرجت العامله تفتح ورجعت للصاله
العامله:بابا هذا ابو خزام ف المجلس يريد انته
تغيرت ملامح وجه شموخ وصارت صفراء وشحب وجهها لمجؤد طاري اسمه ولاحظ فارس عليها وراح لها ومسك يدها وايفان قعدت جنبها وتناظر لها خايفه عليها
فارس:ما تخافي شموخ كل شي راح يصير مثل ما تبغين
شموخ :ما اريد غير الطلاق منه
فارس:شموخ ترا ما في تراجع ف الموضوع
شموخ وفي عيونها دموع :وانا متاكده من قراري
فارس:طيب
طلع فارس هو وسطام  وعناد وراحو مع الجد وابو شموخ للمجلس
دخلو وسلمو عليهم وقعدو
ابو خزام :جينا اليوم نعتذر ع سواة ولدنا ف بنتكم
ابو شموخ :معذور يا ابو خزام بس الامر راجع لشموخ مو راجع لي وما اريد اغصب البنت ع شي
خزام:اعتذر منكم جميعا على اللي سويته ف شموخ بس كانت لحظة غضب والشيطان وسوس لي واطلب منكم العذر
الجد محسن: يعني كل ما عصبت ضربت بنتنا تحسب ما ورها رجال يخافون عليها تحسب ساكتين لك وربي لولا العلاقه القويه بينا وبين عائلتكم كنت بتشوف شي ما شفته ما احنا اللي نسكت عن حقوق بناتنا
سطام:اللي يمد ايده على اختي اكسرها ولا تحسبني ساكت لك لا بيجيك انتقامي واسوء، كنت اشوفك شي كبير خزام بس اكتشفت انك عكس اللي اشوفه
خزام بقلة حيله:انا اسف على اللي جاكم مني
فارس:بنتنا ما تتطلب كلمة اسف منك تطلب الطلاق ورح تتطلقها غصبا عنك ولا راح نلتقي ف المحكمه
خزام بضيق:بس انا احبها مستحيل اعيش بدونها
عناد:اللي يحب مو يضرب مو يكسر بنات الناس مو يشك فيهن ولا بعد قدام الملأ تحبها ما تحبها ما يلنا دخل رح تتطلقها يعني راح تتطلقها هي تريد هذا الشي راح تسويه غصبا عنك
خزام:طيب بطلقها بس عندي شرط
فارس بضحكه استهزاء: بعد يلك عين تتشرط
خزام:اريد اشوفها اخر مرة وراح اطلقها ب الثلاث
ابو شموخ :لك ما بغيت
سطام : بس يبه ..
ابو شموخ :روح نادي اختك
سطام :ان شاء الله
راح سطام ومعاه فارس وعناد قعد يناظر لخزام بكره وحقد
سطام:شموخ عيوني خزام وافق يطلقك لكنه يريد يشوفك اخر مرة
شموخ والضيق واضح بصوتها:ما اريد اشوفه
فارس:شموخ وافقي تشوفيه رح تبينين له انك قويه وما يهزك لا هو ولا امثاله اذا رفضتي راح يفكر انك ضعيفه
شموخ:ما عاش من ينزل من قيمتي بعدل حجابي انتظروني
سطام:كفو
شموخ:كفوك الطيب
عدلت شموخ حجابها ولبسها اللي كان عبارة عن مريول واسع وطويل
مشت مع فارس وسطام وهي ترجف سطام لاحظ رجفتها ومسك كتفها وسندها له
سطام:لا تخافي شموخ احنا معك
شموخ ناظرت له وناظرت لفارس اللي كان يمشي جانبها اليمين وعرفت ان وراها رجاجيل يسندوها مهما صار لها
دخلو للمجلس واول ما دخلت شموخ رفع خزام عيونه وناظر لها كيف ملامحها شاحبه وواضح انها ما نامت زين
شموخ وقفت ومسكت ايد فارس وفارس ناظر لها ثم ناظر لخزام ببرود
فارس:شفتها يلا طلقها
خزام:شموخ انتي الأولى والاخيرة ف قلبي و شكرا على الايام اللي جمعتنا مع بعض واعتذر منك على اللي سويته فيك ورح ابقى احبك للابد
شموخ :مسموح ي خزام بس النفس ما عاد تبيك
ناظر لها خزام بحزن وقال بصوت مرتجف :انتي طالق ..طالق ..طالق
نزلت دمعة من تيون شموخ مسحتها وراحت غرفتها ركض تبعتها ايفان اللي شافتها وهي طالعه ودانه معها
سطام:الوعد قدام يا خزام
خزام:راضي بكل شي تسويه لي استاهل
الجد:اتمنى العلاقه بينا تضل مثل ما هي
ابو خزام:ان شاء الله يا ابو محمد نستأذن احنا
ابو شموخ :اذنك معك