صدفة الروح ..

البارت السابع عشر

ما عشقنا العزله الا من نفاق الواقع ..

بسم الله نبدا :
بعد مرور شهر

العميد فارس ما زالت العمليه ما انتهت مسكو بعض من مساعدي الزعيم وقريبا رح يلقو الزعيم واللي هو الموزع الاساسي للمخدارت والخمر .

شموخ رجلها صارت بخير وشالو الجبس منها ورجعت تمشي طبيعي

هتان ما زال في حالته ولكن تحسن شوي وصار عنده امل انه فيوم من الايام رح يشوف شموخ وسط احضانه

خزام عزم يعلم اهله عن رغبته في الزواج من شموخ وياخذ رايهم بس ينتظر الوقت المناسب

سطام وزمرد تقوت علاقتهم اكثر وصايرين حديث الجامعه والكل لاحظ حبهم لبعض

رغد كرهت نفسها لما حبت سطام وبداخلها حسد كبير لزمرد اللي مع مرور الايام علاقتها تزيد مع سطام وحاولت تنسى سطام وحاليا باديه تكره سيرته .

ايفان ونايف قصه حب من خلف القلوب كل واحد فيهم يموت في الثاني وينتظرو الليله اللي تجمعهم مع بعض بالحلال

باقي الابطاال ماشي جديد غير فرحتهم بصحة شموخ وتعافيها

بيت ابو خزام :

كان خزام قاعد في غرفته يكلم خويه سعود(سعودخوي خزام الروح بالروح وكل اسرار خزام عند سعود وكل اسرار سعود عن خزام وما يخبيو شي عن بعض )
خزام :هلا والله ابو حسام ،كيفك ؟
سعود:هلا فيك ابو علي الحمدلله بخير وانت يالغالي ؟
خزام : بخير دامك بخير بغيت اشاورك ف موضوع
سعود :شكل الموضوع قوي ههه تفضل
خزام :طيب ،احمم اا سعود انا نويت اخطب بنت حبيتها واهلي يعرفوها
سعود:وشو خزام بطوله وعرضه يحب لاا اليوم صاير اختلال ف موزاين الكره الارضيه
خزام:ههه ويش فيك ترا انا انسان عندي مشاعر ليه ما احب يعني
سعود:لا لا يا صاحبي ما اقصد شي بس صدمتني صراحه من متى تحبها وليه ما قلت لي
خزام : من فتره احبها ،ما قلت لك لحد ما تاكدت من حبي لها
سعود :وربي هالبنت مو هينه دام انها طيحت خزام اللي كل البنات يتمنون نظره منه
خزام :ههه وربي انك صادق
سعود:طيب روح قول لابوك وشاوره ف الموضوع عسى خير ان شاء الله وتكون من نصيبك
خزام:ان شاء الله تامر امر يالغالي، باذن الله تامر على شي بروح اكلم الوالد
سعود: ما يامر عليك عدو فمان الله
خزام :مع السلامه
قفل خزام المكالمه ونزل لمكتب ابوه في الطابق الاول دق الباب وسمع رد والده تفضل دخل وجلس في الكرسي المقابل لوالده وقال
خزام: يبه جيت اخذ رأيك  في موضوع
ابو خزام استغرب بس قال :تفضل ولدي ايش الموضوع
خزام :يبه انا صرت كبير وعاقل واقدر اتحمل المسوؤليه وجيت اقولك اني ناوي اتزوج واكمل نص ديني
ابو خزام :هذي الساعه المباركه ولدي منهي بنته
خزام :شموخ بنت محمد ال......
ابو خزام : ونعم فيها وفي من رباها اختيار موفق وليدي وان شاء الله بكلم امك بالموضوع وبنشوف يوم بنكلم اهل شموخ فيه .
خزام : ان شاء الله يبه بس يبه ممكن تكلم ابوها هذا الاسبوع
ابو خزام : ههه وليدي مستعجل شكلها قلبت موازينك
خزام: ههه اخاف حد يخطبها قبلي يبه (يقصد هتان )
ابو خزام:ان شاء الله تكون من نصيبك يا ولدي بتوفيق
خزام :امين يارب العالمين تامر على شي يبه
ابو خزام :لا يبوك ما يامر عليك عدو
خزام :استاذن منك يبه بروح اكمل شغلي
ابو خزام :اذنك معك
خزام طلع من غرفة ابوه وقلبه شوي وبيطلع من قفصه الصدري من شدة فرحه قريبا راح تصير شموخ له لوحده وحلاله هو ملكه فقط .ارسل رساله لصديقه سعود يبشره وفرح له صديقه وينتظر الوقت اللي يشوف فيه خويه خزام معرس

بيت ابو شموخ:

شموخ : يبه تكفى اريد اروح عند سباستيان زمان عنه مشتاقه له كثير
ابو شموخ: اقعدي مكانك توها رجلك متعافيه وتريدي تركبي خيل ترا مو ناقصنا كسر ثاني
زعلت شموخ وطلعت لغرفتها وهي ملانه كثير نفسها تتطلع لعند الاسطبل وتروح عند خيلها لكن ابوها منعها خوفا عليها

طلع ابو شموخ لعندها وراضاها وقالها انها تقدر تتطلع للاسطبل بس بدون ما تركب الخيل .راحت شموخ ركض و وصلت عند سباستيان اللي فرح وعرفها بمجرد وصولها عنده حضنته وقعدت تشكي له همومها واللي بخاطرها وكانت تقول له :
سباستيان قلبي يألمني كثير انا احب خزام لكن هتان يحبني وتصرفات الاثنين تلعب بمخي كل واحد يكره الثاني بسببي، لو بإيدي حبيت هتان وما شفت غيره لكن هالقلب مو متقبل فكرة حب هتان لي مع انه واضح حبه لي من صغرنا وخزام اخ ويش اقولك عن خزام ونعم فيه وانا اشهد انه رجال كفو ساعدني كثير واخلاقه وجماله وطيبته تخلي قلبك يحبه غصب عنه لو خطبني خزام ايش راح اسوي سباستيان اذا وافقت راح اكسر قلب شخص حبني من اعماقه واذا رفضته راح اكسر قلب خزام ايش اعمل انا الحين بين جنتين من راح اختار ....

نايف :
اتصل بي هتان وهو عازمني للعشاء في بيتهم وطلبني اروح من العصر تروشت وصليت وتوجهت لبيت ابو هتان دخلت وشفتها قاعده على الكرسي وتشرب قهوتها وتقرا كتاب ما كان واضح منها غير جزء بسيط من وجهها ناظرت لها بتمعن وانا اتمنى متى راح تكون اللحظه اللي اخليها وسط احضاني كملت طريقي ودخلت المجلس ناظرت لهتان والضيقه واضحه من اصفرار وجهه وعيونه التعبانه قعدت جنبه سلمت عليه وتقهوينا وضيفني ما قصر جلسنا فترة واحنا ساكتين قطعت هذا الصمت وانا اقول
نايف:اشبك هتان
هتان:مافيني شي.
نايف: كل هذا من وراء حبك لشموخ خلاص يا رجال اقبل بالواقع البنت لو تبغاك وافقت عليك من اول مره لكنها ما تبيك ليه تفرض نفسك عليها و واضح انها ما تحبك لا تضايق نفسك واللي حولك لو كانت من نصيبك صدقني ما حد راح ياخذها غيرك لكن هذا قضاء وقدر ما تدري يمكن خيره ما تتزوجها
هتان :كيف تبغاني اقبل بالواقع المرير اللي مو قادر اتحمله تحملت كثير نايف عشانها وعشان حبها بس لصبري حدود بس اريد اعرف سبب واحد ليه هي ما تبيني انا عملت لها حاجه غلط كل اللي كنت اسويه لها خوفا عليها ليه مو قادرين تفهموني انا بشر مثلي مثلكم عندي مشاعر واحاسيس وهالقلب الغبي ما حب الا غيرها معقوله تروح من ايدي معقوله نايف ..سكت ونزل راسه والدمعه خانته وطاحت على خده وحرقته
نايف ناظر له وانصدم هتان في اصعب المواقف ما تنزل دمعته بس الحين حبه لشموخ بكاه وصارت دموعه على خدوده هتان وصل لأشد مراحل الحب لو شموخ تدري عن مدى حبه لها كان غير
قام نايف وطبطب على ظهر هتان يحاول يخفف عنه الامه

.....

بينما كانت شموخ تشكي ل سباستيان كانت تمشي في حديقه المنزل وشافت اختها وانصدمت من اللي قاعده تسمعه معقوله كل هذا الشي مخبتنه شموخ عن الكل ،شموخ تحب خزام وهتان يحب شموخ فكره هتان يحبها سالفه قديمه لكن شموخ وخزام لا هذي سالفه جديده .مسكين هتان وقع بحب فتاة ما داريه عنه ابد ..

يتبع
ارائكم
¡♡