صدفة الروح ..

البارت الثامن والعشرين ..

من باعنا بعناه باللي يسده
ما نشري الا واحدٍ يشرينا
ومن حدنا جعل الليالي تحده
تجفاه لو انه عزيز علينا ...🥀🤎
.
.
.
.
.
رواية صدفة الروح
للكاتبه سوغين
.
.
.
.
.
.
لا احلل نقل الروايه دون ذكر اسم المصدر والكاتبه
.
.
.
.
بسم الله نبدأ

خلصت الخطوبة ما بين ضحكات وفرح وحب لبعض ابطالنا وحزن وخيبه وحنين للبعض

رجعو كل حد لبيته ما عدا شموخ وخزام اللي قعدو شوي يسولفو مع بعض وايفان اللي تنتظر شموخ وهتان اللي كان قاعد عشان ايفان لان ما يقدر يحطها لوحدها ومعاه نايف وكانو قاعدين بالمجلس وايفان معهم بس لابسه عباتها 🙃

نرجع شوي لورا

بعد ما وصلو الرجاجيل وقعدو يسولفو خرج من بينهم وهو يتصنع.
الابتسامه للضيوف اللي قابلهم في الممر حق المجلس وخرج واخذ السيارة وراح للبحر اللي كان قريب منه نزل واخذ باكيت السجاير من جيبه وطلع سيجارة وولعها وقعد يدخن بحزن خلص السيجارة الاولى ولع بعدها الثانيه وخلصهاوالثالثه وخلصها ما السيجارة الرابعه مسكها وفتح كف ايده اليسار وحط السيجارة وطبع ثلاث حروق فكف ايده ما همه الالم ولا شي كل همه يحط ذكرى لليوم اللي راحت من ايده حبيبة روحه ولع السيجارة الخامسه وقعد يدخن وهو يناظر للبحر بعد كم دقيقه مسك كتفه خويه وقال
نايف :من متى تدخن هتان
هتان قلب كف يده اليسار عشان ما يشوفها نايف :من يوم علمت بموافقتها له من يوم كسرت قلبي يا نايف
نايف : ارحم نفسك يا اخوي
هتان :عطيتها اللي ما اعطيت اقرب الناس
وعلقت فيها احلام وعمري وضاعت
لي قلب ما يقسى وصادق وحساس
ولي عين ما صدت وخانت وباعت
ولها قلب طيب يا نايف بس ما عنده احساس
ولها عين ما شافت جروحي وراعت
جيتها على وضح النقى ورافع الراس
وطوعت لها نفسٍ عزيزة وطاعت
ابعتبر حبها غلطة احساس
وهي تعتبرني مثل فرصة وضاعت

نايف : يابوي انت لا تحزن وتضايق نفسك عشانها عسى ربي يعوضك باللي احسن منها ترا حزنك يعورني وربي اني حاس فيك يا اخوي هونها وتهون يالغالي
هتان : ان شاء الله يا بو هتان
نايف بمزح :من قال اني بسمي ولدي على اسمك
هتان : لك الشرف تسمي على اسمي
نايف :تمام الغالي تمام مصدق عمرك واجد
هتان: احمم الله يحفظني بس يكفي انه حمد اخو خزام خاق علي
نايف : استغفرلله بس حمد ما صاحي دامنه خاق عليك
هتان : اصلا يلك الشرف انت خويي كثير يتمنون يصيرون خوياي
نايف : ايوا صحيح صحيح اقول قم قم بس نرجع انا هربت شوي شوي وشافني رامي قال وين رايح قلتله الحمام
هتان :هه امااا عاد ما كذبه صح كيف شفتني انت
نايف :والله هذي الكذبه اللي جت فراسي اللهم اغفرلي شفتك بالعين الثالثه
هتان :عاد الحين اغفرلي بس بسيارة من جيت
نايف :اخذت مفتاح سيارة سطام لقيته محطوط في الكنب واخذته
هتان :يا ربي كله عشان تتبعني ادري اني مهم ياخي
نايف : اقول اذلف بس اذلف
هتان :تراني اكبر منك
نايف :بشهرين لا تحاول
هتان :حتى لو انا عمك
نايف :خسي نته عمي
هتان :عمك و غصب
نايف :بروح انا ارجع ابرك لي سلام
هتان :هههه سلام اصلا جاي وراك
نايف :امشي يلا