صدفة الروح ..

البارت السادس والعشرين

لا تضحك لغيري ترا القلب يرتاع
اغار حتى غيري يرد سلامك
اي والله اني فيك حيل طماع
ابيك كلك لي حتى سلامك

.
.
.
.
لا احلل نقل الروايه دون ذكر اسم المصدر والكاتبه
.
.
.
.
رواية : صدفة الروح
للكاتبه : سوغين
.
.
.
بسم الله نبدأ ♡¡

وصلت شموخ وايفان للقاعه ونزلت شموخ بمساعده من ايفان ودخلت للغرفه حق التصوير فصخت عباتها وعدلت لها ايفان شعرها اللي خرب شوي بسبب الشيله
وبدت المصورة تصورها لحد ما يوصل خزام اما ايفان ما فصخت عباتها عشان تريد تتطلع تجيب اغراض من السيارة وبعد تبغا تشيك على الترتيب وكذا ..

خرجت ايفان ولما وصلت عند سيارتها دخل نايف بسيارته ومعه هتان ووقف سيارته جنبها
اخذت ايفان شنطتها واغراضها وكذا ، نزل نايف وراح لها بكل شوق وحضنها متناسي وجود هتان معهم
هتان يضحك على خفة خويه لما شاف اخته

ايفان وهي تتكلم بصوت خفيف:نايف ابعد هتان يناظر لنا
نايف :خليه يناظر محد يقدر يبعدك عني انتي ملكي
ايفان :طيب ابعد شوي عورتني
نايف ابعد عنها وقال :اسف عيوني عورتك وين
ايفان ناظرت لهتان اللي كان خلف نايف وعرف هتان انها تكذب عشان تبعد نايف عنها لانها مستحيه
ضحك هتان على نايف بينما ايفان راحت تركض داخل وهي تضحك

نايف ناظر هتان وقال :عساك تضحك بدون اسنان
هتان :امين وانت معاي نيوفي
نايف :نيوفك ها تعال انا اعلمك كيف نيوفي يعصب
هتان راح يركض وهو يضحك ونايف وراه يلحقه ،
خرج سطام من المجلس الكبير حق الرجال اللي كان جنب القاعه وشاف هتان ونايف وراح لهم وهو معصب تاركينه عند العمال وهم كانهم بزران يركضو ورا بعض 
سطام :انتو تضحكو وتمرحو وانا واقف كاني علم عند العمال اشوف هذا ولا اشوف ذاك بلاكم كذا كانكم بزران اعقلو شوي
مسك نايف من كتفه وقال :انت الاسبوع الجاي خطوبتك اعقل شوي
هتان قال :وين يعقل صدقني ذا كل الناس بيعقلو الا هو
سطام:اسكت انت مو احسن منه
نايف وهو يضحك : هتان وريني جبهتك وين راحت
هتان ناظر له بقهر وراح داخل المجلس ونايف وسطام يضحكو عليه
بعدها راحو تبعو هتان وقال سطام :والله احس اني انا اكبر منكم كاني  اخوكم الكبير وانتو بزران اتمنى اشوفكم عاقلين في يوم من الايام
هتان :هاك شوفني انا عاقل وجميل
نايف :ايه وانا بعد
سطام :طيب طيب بعد نص ساعه القاكم تتهاوشو زي البزران
هتان :لا افا عليك احنا كبار ورجال صح نايف
نايف :ايه صح كلام هتان

دخل خزام بسيارته ونزل وراح عند الشباب في المجلس دخل بهيبته وطلته الفخمه
سطام :هلا هلا بمعرسنا هلا بزوج اختي
خزام:اهلا فيك يالنسيب اخبارك
سطام:بخير وانت اخبارك ما يحتاج تقول الابتسامه شاقه وجهك
خزام:هعهع (ضحكة الرجال اللي تخوف ) بنشوف وجهك يوم عرسك كيف بيكون
سطام : من قالك اني بعرس
خزام :ايه تمام تمام
ناظر خزام لنايف وناظر لهتان اللي كان يناظر له ببرود قوي
خزام:سلام يا عيال شحالكم
نايف :بخير نشكر الله
هتان بدون نفس :بخير
خزام :دوم ان شاء الله ،استاذنكم بروح اصور مع خطيبتي (شدد على كلمة خطيبتي وناظر لهتان بإبتسامه مستفزة )
نايف :مبروك الله يتمم لكم على خير
هتان :مبروك
خزام:الله يبارك فيكم وعقبالكم
هتان :ما اظن
نايف :بعدك بأسبوع يالخوي
خزام:ما شاء الله ربي يتمم لك على خير
نايف :امين يا رب العالمين
خزام خرج من المجلس وهو فرحان  وراح متوجه لداخل القاعه تحديدا الغرفه اللي تتصور فيها شموخ
في المجلس :
هتان بهمس لنايف عشان ما يسمعه سطام : مالت عليه هو وخشته مصدق نفسه عريس
نايف بهمس:اسكت فضحتنا مالت عليك بيسمعك سطام
هتان:طيب

وصلو رامي وحمد ودخلو للمجلس
رامي وحمد :السلام عليكم يا عيال
سطام :وعليكم السلام
هتان :وعليكم السلام
نايف:وعليكم السلام .
رامي قعد جنب سطام وحمد جنب هتان
رامي :سطام شيكت ع الذبايح !؟
سطام :ايوا لا تحاتي كل الامور طيبه
رامي :الوالد طالبني اشيك عليها
سطام:الله يحفظه ما يحاتي دام سطام موجود كل الامور زينه
رامي :هه مصدق نفسك عاد
سطام:يحق لي
رامي اعطاه نظره على اساس انه يسكت اما سطام ضحك وسكت

حمد مفهي يناظر لكشخه هتان وهتان يناظر له مستغرب ونايف بعد
هتان :مضيع شي فوجهي يا شيخ
حمد :هااه لا لا بس كنت اناظر لكشختك طالع حلو والله لو اني بنت تزوجتك
هتان:ههه وانت لو كنت بنت والله ما ابغاك عايف نفسي انا عشان اتزوجك وشكرا ادري اني حلو
حمد :مالت عليك وانت صدقت بعد الا متى بتتزوج هتان
هتان تضايق وتغيرت ملامح وجهه : خلاص حمد اللي ابغاها راحت من ايدي
حمد ربت على كتفه وقال :لا تحزن هتان انت الف بنت تتمناك
هتان بأبتسامه حزينه:بس انا ما اتمنى غيرها
ما قدر حمد يقول شي وناظر لنايف على اساس يقول شي
نايف :ما يلي دخل انا
حمد :مالت عليك
نايف:وعليك بعد
دخل ابو خزام وابو هتان وابو شموخ وجد شموخ
ابو شموخ :سلام عليكم يا عيال ويش فيكم تتهاوشون انتو بزران
قامو العيال وسلمو على الشيبان واقعدو
نايف :لا عمي كنا نمزح ما نتهاوش ههه
ابو هتان :شكلي بغير رأي في زوج بنتي كانه بزر
نايف :لا لا عمي وشو كاني بزر رجال شوفني
هتان :ايه لما جا طاري زوجته صار رجال
نايف :اسكت انت انا اكلم عمي ما اكلمك ناشب لي ف كل وقت
هتان :احمد ربك غيرك يتمنون سلام مني
سطام :بدينا عاد اسكتو وقومو معي نقهوي الرجاجيل
قامو العيال وجابو القهوة للرجال وقعدو يسولفو ويتقهويو

نروح عند خزام وشموخ

دق خزام بابب الغرفه اللي كان تصور فيها شموخ وفتحت له ايفان
خزام :السلام عليكم ايفان هنا شموخ صح ؟
ايفان :وعليكم السلام ايه ايه موجوده تفضل
بعدت ايفان عن الباب ودخل خزام بكل هيبه وفخر وجمال
مشى لعند شموخ اللي كانت وجهها مقابل المصورة وظهرها مقابل خزام
حضنها خزام من الخلف وناظرت له شموخ وهي تلف راسها شوي لجهة اليمين وترفعه لان خزام طويل

ابتسمت المصورة على اللحظه العفويه وخذت لهم صورة

وايفان خرجت تاركه خزام وشموخ يصورو وكذا ياخذو خصوصية شوي

لف خزام شموخ وباس جبينها وقال
خزام :مبروك يا ضي عيني
شموخ بخجل :الله يبارك فيك
خزام:ماشاء الله عليك مزه تحصنتي يا عمري انتي
شموخ :وانت بعد الله يحفظك هيبه تحصنت حبيبي
خزام حط ايده على راسها وقرأ المعوذات بصوت هادي يحصنها وباس راسها
المصورة استغلت اللحظات وصورت كل لقطه
خزام حضن شموخ بكل شوق وقال :الحمدلله على اليوم اللي جمعني ربي فيه معاك
شموخ :الحمدلله عسى ربي يدوم المحبة بينا
خزام :امين يارب العالمين
ابتسمت شموخ وناظر لها خزام وقال :
يا ويل قلبي ابتسامتك اقوى من ضربة كهرباء ٢٥٠ فولت
مانت شموخ من الخجل وقرب خزام وباسها من خدها والمصورة مستانسه على كل حركه يسونها
شموخ بخجل: ممكن تعطي المصورة مجال تصورنا
خزام:اكيد من عيوني شموختي
المصورة :اصلا اخذت صور بس ممكن يا خزام تمسك ايد شموخ وتبوسها عشان اخذ لقطه
خزام :تم
وقعدو خزام وشموخ ياخذو لقطات والمصورة اعجبتها جراءة خزام اللي سهلت عليها كثير
وشموخ مستحيه كثير بس ف نفس الوقت فرحانه اليوم خطوبتها من حبيب روحها
....
.
.
يتبع
.
.
.
لا تنسو التعليق والتصويت وشكرا لكم
💗