صدفة الروح ..

البارت الثالث والاربعين

أسفي على نفسي التي أهملتها

و تركتها تلهو بغير حدود

أشقيتها بين الذنوب و غيها

و نسيتُ أني في رؤى المعبود

رباه إني اليوم جئتك نادما

عن كل فعل مخجل مردود

رباه إني قد عزمت و إنني

أرجو العتاق بعفوك المنشود

.
.
.
.
.
صلو على خير الانام
ويلا نبدأ يا حلوين
.
.
.
.
.
شوارع اذربيجان :

كان يمشي وماسك ف يد محبوبته وهي تسولف له وهو مركز ف تفاصيل جمالها ومو مستوعب انه ربه اعطاه ملاك زوجة وكبيبة وصديقة وسندا في وقت الضيق والفرح دعا ربه بداخله ان يتمم لهما ويزقهما الذرية الصالحه
شموخ:وين وصلت
خزام:لعيونك العسليه
شموخ ابتسمت له وناظرت للحرمه العجوز وزوجها اللي واضح بينهم الحب من مسكة ايديهم رغم كبر سنهم غير انه باقي الحب بينهم
شموخ:عسى ربي يجمعنا لحد ما نصير زيهم
خزام:امين يارب العالمين
خزام:الا اسالك هتان ولد عمتك وينه
شموخ:مدري يقولون مسافر
خزام:احسن افتكيت منه
شموخ:خزام لو سمحت لا تذكره كذا الولد ما سوا لك شي مهما يكون هو ولد عمتي احترمني شوي
خزام فك ايده من ايدها وناظرها وعيونه شرار :اجل تدافعين عنه
شموخ ببرود وخوف ممزوج:ما دافعت عن احد قلت كلامي واتمنى تفهمه
خزام:تدافعي عن هتان شموخ ابعدي عني
دفها خزام بدون وعي وطاحت شموخ بقوه على ايدها وكان وراهم ايفان ونايف ورغد وزمرد لما شافو شموخ طايحه وتتالم ركضو لها البنات ونايف راح لخزام
نايف :انت شبلاك تدف البنت
خزام:وانت شدخلك زوجتي ترا
نايف :ولو زوجتك هي مثل اختي عشرة عمر صدقني لو صار لها شي تمنى موتك
خزام سمع صوت شموخ وهي تتاوه بالم بعد اخته وحضن شموخ
خزام:انتي بخير اسف ما قصدت
شموخ وهي تبعد عن حضنه وتدفه بايدها اليمين لان اليسار ما قادرة تحركها من الالم :ابعد عني خزام ما دام النفس طايبه لك
نايف:ساعدوها بنات بنوديها للعياده
ساعدنها البنات وركبو تكسي وراحو للعيادة وخزام تبعهم بتكسي ثاني

لندن :
كان هتان يقلب جواله بملل وفارس يتابع فيلم اكشن قرر انه يتصل بإيفان واتصل فيها وردت
هتان :هلوو الغاليه
ايفان:هلوات
هتان :ايفان شفيك صوتك متغير صاير شي الكل بخير
ايفان:الكل بخير بس شموخ طاحت والحين ماخذينها للعيادة لان ايدها اليسرى تألمها اتوقع كسر
هتان:كيييف جعل الكسر بعدوينها مب فيها كيف طاحت انتم بزران ما تعرفو تمشو
ايفان:بقولك بس لا تعصب اوكي
هتان :قولي وبعدها انا بحكم اذا اعصب او لا
ايفان :كنا خارجين نتمشى انا ونايف وشموخ وخزام ورغد وزمرد والباقي ف الفندق كانو خزام وشموخ يمشون قدامنا ومدري شصار تهاوشو وفجاة شفنا خزام يدف شموخ وكان معصب وصار اللي صار
هتان بعصبيه:هذا الحقير ما معناه انه خطب بنت خالي يعني يسوي فيها اللي يبي من هو عشان يمد ايده عليها والله لعلمه من هو هتان
وقفل فوجه ايفان
فارس بخوف:وش صاير ليه معصب
هتان:خزام الكلب دف شموخ ومتوقع عندها كسر والله مانيب ساكت له وبيشوف من هو هتان
فارس:استهدا يا هتان
هتان :اليوم انا ولا البعير ذا
هتان دور ع رقم واتصل فيه
هتان :اسمعني الحين برسل لك صورة رجال وبرسلك اسم الفندق اللي حاجز فيه ابغاك تدور لي عشرة رجال وتضربوه كم ضربه ما اريد كسر او شي بس جروح بسيطه وكم بوكس
....: ان شاء الله سيدي
قفل هتان المكالمه وهو معصب لاخر درجه
فارس:انت بتجيب لنفسك المصايب
هتان:صدقني لو اموت عشان خاطرها ما همني ، ما حد يله حق يضربها او يمسها بسوء هي دلوعتي ودلوعة الكل ما يجي واحد مثل هذا يفرض عليها رجولته اجل اذا قعدت له كل ما عصب كسرها والله ما اكون هتان اذا ما علمته الادب
فارس:الله يستر منك يمكن يكون ما قاصد
هتان:قاصد او لا ما يله حق يمس محبوبتي بسوء
فارس تنهد بقلة حيله وكمل فيلمه وهو معصب من تصرف خزام ما انه ما فاهم السالفة كويس وكان متوعد له بس دام هتان امر رجاله يعني خلاص يكفيه