صدفة الروح ..

البارت الثالث والثلاثين

عيناك منظومة تحوي قصائدها
كي تبعث السحر نتلو منه ديوانا
قل للقوافي اذا مالت بأحرفها
الشوق بحر وفي عينيك مرسانا

.
.
.
.
بسم الله نبدأ!
.
.
،
.
كانت شموخ قاعدة مع امها بالصاله يسولفون جت ببالها فكره وقالتها لامها
شموخ:يمه شرايك نعزم اهل خزام على العشاء
ام شموخ:والله رأي حلو تو بتصل في ام خزام واشوفها

اتصلت ام شموخ بام خزام وردت
ام شموخ:السلام عليكم ام خزام
ام خزام:وعليكم السلام ام شموخ اخباركم
ام شموخ:الحمدلله بخير نشكر الله وانتو اخباركم كيف صحتكم عشاكم بخير
ام خزام:الحمدلله الجميع بخير
ام شموخ:بغيت اعزمكم ع العشاء ف بيتنا اليوم
ام خزام:والله ما ابغا اردك يام شموخ بس انا معزومه عند زميلتي بس رح اشوف العيال اذا بيجون عاد اذا وافقو بيرد خزام عليك ان شاء الله
ام شموخ:خذي راحتك غاليتي خيرها بغيرها ان شاء الله
ام خزام:ان شاء الله
ام شموخ :تامرين على شي
ام خزام: ما يأمر عليك عدو
ام شموخ:مع السلامه
ام خزام :فمان الله

قفلت ام شموخ الجوال

شموخ: ها يمه بيجو؟
ام شموخ :اعتذرت ام خزام لانها معزومه عند زميلتها بس راح تشوف خزام واخوانه اذا بيجون ورح يرد علي
شموخ:اها زين

فارس:
الحمدلله لك يا رب جمعتني بأهلي الحين باقي اتعرف على اولاد اختي واولاد اخوي بس بمن راح ابدي احس شموخ شخصيتها حلوة بس فنفس الوقت احس هتان بعد شخصيته تجذب شكلي ببدي بهتان بعده شموخ ثم سطام ودانه بعدها افراح ثم عناد وايفان راح اشوف هتان بعد خطوبة ايفان ..دام عندي اجازة شهر شكل بنقل هنا واشتري بيت وادور لي زوجة سنعه ولا بقول لامي تدور لي بتصل فيها شكلي اشتقت لها

اتصل فارس بامه وردت من اول اتصال
فارس:السلام عليكم يمه
ام محمد:وعليكم السلام حبيبي شخبارك
فارس:الحمدلله بخير الغاليه اخبارك انتي
ام محمد :بخير دامك بخير حبيبي
فارس:يمه والله مفكر انقل هنا مع انه ما كثير بعيد مقر عملي بس المقر اللي هنا يحتاج له شوي تعديلات وضباط سنعين اكثر وفنفس الوقت اريد اكون اقرب منكم واريد اشتري بيت واريد منك تدوري لي بنت سنعه اتزوجها
ام محمد :هذي الساعه المباركه ولدي يا ما حلمت بهذي اللحظه اللي القا فيها ولدي واشوفه معرس قدامي عندي كثير بنات سنعات بس فبالي وحده مسكيمه يتيمه ومعندها غير امها واخوها الصغير لما تشتري البيت راح نخطبها لك
فارس:والله يمه اني واثق بإختيارك بشوف لي ان شاء الله بيت خلال هذي الايام لاني ساكن بشقه شريتها وما تنفع للزواج لانه شقق عزابيه شباب ذي وبطلب نقل
ام محمد :طيب يمه الله يوفقك
فارس:امين جميعا يا رب تامرين ع شي بقفل عندي شوي اعمال اخلصها
ام محمد :ما يامر عليك عدو الغالي
فارس:اهتمي بنفسك وسلمي ع ابوي
ام محمد :ان شاء الله سلامك واصل اهتم بنفسك وكل زين حبيبي
فارس:من عيوني الثنتين
ام محمد :مع السلامه يوليدي
فارس:فمان الله الغاليه