صدفة الروح ..

البارت السادس عشر

اللهم طاقه بها نعيش ونتحمل ونرضى ونتأقلم ونتقبل ونهون ونتجاهل ونصبر ونصبر ونصبر ..

بسم الله نبدأ:
منزل ابو هتان :
هتان: يبه تكفى اريدها يبه وربي ما رح اتزوج غيرها
ابو هتان: لا مو على كيفك انت البنت ما تبغاك غصب يعني تاخذها ترا مو كل شي على كيفك وعلى كيف مزاجك
هتان: وربي والحين كلكم شاهدين ان ما تزوجت شموخ تحلمو تشوفو زوجه غيرها وانا كلمتي ما ارجع فيها وقلت اللي عندي .خرج من الصاله وطلع غرفته وقفل الباب بقوة .
ام هتان :يا ابو هتان اخطبها له مره ثانيه ان شاء الله توافق
ابو هتان: يا ام هتان البنت ما تبيه مو غصب تتزوجه ترا هذا زواج مهوب لعبه ترا
ام هتان : يحليله وليدي يحبها وهي مو داريه عن هواه
إيفان تناظر لهم بصمت وتقول بداخلها : يا شموخ لو انك توافقي عليه وربي بيرتاح الكل ،وكذلك عناد اللي كره هذي السالفه وطلع فوق يكلم اخوه . دخل عناد غرفة هتان وناظر له قاعد على السرير ومنزل راسه يناظر تلفونه بحزن.
عناد:هتان
هتان:...لا رد
عناد:هتان
هتان :ايش تبغى
عناد:انت ما مليت من هالسوالف خلاص البنت ما تبغاك هتان اتركها في كثير بنات ترا ما وقفت على شموخ
هتان قال بعصبيه: الا وقفت عليها وقفت عليها ما اريد غيرها ليه ما تفهمون
قام من مكانه ووقف جنب عناد وقال : تشوف هالقلب من صغره ينبض بإسمها وهالعين تعشق شوفتها والاذن تموت على صوتها انت ما جربت الحب يا عناد انت لو تحس باللي احسه وربي مو تقدر تبيني اترك حبيبه قلبي حلم حياتي تروح من ايدي تبيني اتركها لللي ما يسوى صدقني ما رح اخليه ياخذها مني شموخ ملكي انا مو لا حد ثاني
عناد:انت صادق انا ما عشت شعور الحب ولا جربته وما ابغا اجربه دام كذي الحاله منهو اللي يبي ياخذها منك واعرف ان شموخ مو ملكك انت ولا عمرها صارت كذا
هتان:اللي يبي ياخذها عامل نفسه باتمان المنقذ شفت الحب بعيونه تجاهها وخوفه عليها وربي عناد هالقلب يحترق خلاص ما يقدر يتحمل عاد  حسو فيه
عناد:هونها يا اخوي وتهون ما رح ياخذها منك احد لو كانت نصيبك وانت لا تقعد كذا ادعي ربك انها تكون زوجتك .
حضن عناد اخوه وقاله يرتاح شوي والعصر راح يطلعو كوفي على حساب عناد ،عناد يحاول يطلع هتان من ضيقته ويخليه يتونس شوي .

الجامعه :
خلص كلاس زمرد وخرجت لمكانها المعتاد عاد لها يومين تتجاهل سطام وتسوي نفسها ما تشوفه كعقاب له على اللي سواه ف قلبها مع انه ما يدري انها تحبه ولا هي تدري انه يحبها لا بالاصح يموت عليها .سطام شافها وراح لها وقال :السلام عليكم
زمرد: وعليكم السلام ايش تبغا يا اخ سطام
سطام : زمرد ايش فيك لك يومين تتجاهليني ايش سويت لحتى تعامليني كذا قلت لك حاجه ؟!
زمرد ناظرت له ورجعت تناظر كتابها وقالت: لا ممكن تخليني بحالي
سطام جلس ومسك وجهها ورفعه وناظر لها بحده
وقال: مو بكيفك انتي رح تقولي ليه انتي زعلانه مني وتتجاهليني
زمرد وعيونها امتلت دموع قالت: ليه سطام تتكلم معها وتشليها لعند الممرضه ليه ترا انا شايفه الكذب والتعلل بالمرض هي مو مريضه تمثل بس تبي تقهرني وانت شلتها بكل ثقه تفكر نفسك في فيلم هندي .
سطام : تو انتي زعلانه عشاني كلمت رغد وشلتها لانها مريضه !؟
زمرد : هي مو مريضه كانت تمثل سطام مو كل شي تشوفه تصدقه
سطام: طيب اسف خلاص ما اعيدها
زمرد: متاكد ؟!
سطام : ايوا متاكد
زمرد: طيب
وقعد جنبها وبدأ يسولف سوالفه العاديه وسطام حس انه زمرد تغار عليه وهذا الشي خلاه يفرح لانه عرف انها تحبه مثل ما يحبها .

مركز الشرطه:
العميد فارس كان عنده اجتماع باعضاء الفريق وكان يقول : عندنا عمليه تهريب مخدرات وخمر ولازم نمسكهم ويكون معنا دليل قاطع اتجاهم تحركاتهم خفيه لكن قدرنا نجيب وقت وصول الشحنه في مخزن مهجور هذي العمليه تحتاج بذل قوة وجهد منكم يمكن نستغرق شهور لحد نمسك الكل ف اتمنى من الكل ما يضيع امالي فيه مستعدين للعمليه يا ظباط؟
الظباط بصوت موحد ورفعهم تحيه اتجاه العميد :نعم سيدي
فارس : تقدرو تروحو لمكاتبكم ورح يوصل ملف لكل واحد فيكم عن العلميه وايش دور كل واحد فيكم ،تفضلو
خرجو الضباط وبقا فارس تنهد وقال بداخله : بعد ما تخلص هذي العمليه راح اروح عند اهلي واعرفهم ودي اقابل كل واحد فيهم اتمنى تخلص هالعمليه بوقت اسرع يا رب رحمتك

بيت ابو خزام :
اجتمعت العائلة على طاولة العشاء وبدو ياكلو كعادتهم مع سوالف جانبيه
ام خزام:خزام يوليدي مو ناوي تتزوج واشوف عيالك
خزام: ان شاء الله يمه قريب
ام خزام :حاط بنت فراسك خزام ولا تبيني اختار لك
خزام: والله ناوي ان شاء الله على بنت سنعه واتمنى تزين الامور وتوافق علي بس انتظ رفترة تتعدل الاوضاع واخبركم عنها واخطبها بإذن الله
رغد: ليه احس انها شموخ
خزام تقلب وجهه الوان وناظر لرغد بنظره بمعنى سكتي سكتت رغد وبلعت العافيه قبل لا يفصل اخوها عليها
ابو خزام :ونعم لو كانت شموخ اشهد انها بنت رجال كفو وانها بنت سنعه ورزينه الله يحفظها
ابو خزام :انا معاك ابو خزام والله البت تدخل القلب بسرعه ويش رايك يا خزام
خزام :ها يمه مدري الحمدلله شبعت
ضحكو اهله عليه و واضح انه مرتبك
قام خزام واتجه غرفته يحس بشعور جميل اهله يحبو شموخ وهذا موشر ايجابي جدا له يحس خلاص وده يتهور ويخطبها الحين لكن رجلها بعدها بينتظرها لحد ما ينشال الجبس من رجلها وبعدها يحلها الف حلال...

يتبع..