#شغفها_حُبًا
ح14
نوكوميس"فتاة القمر"
نفخت ساجده بملل:واني شن المطلوب مني؟ نصدقك مثلاً
نصيب: شوفي اني كنت نعرف بعلاقتهم أول بأول اني من ساعدت بنت عمي تهرب وتتزوجه، أني نفهم شن اللي يصير مع مُراد ..
قاطعتها ساجده: هراء كله كلام فاضي مش مهم بنسبه ليا
نصيب: أنا مش جايه نخرب علاقتك مع مُراد؛نعرف انه هوا كويس معاك نعرف انه كل اللي يقولو فيه عليه كذب وكلها اتهامات باطله من عمي الصادق ، لكن أني حبيت ننصحك لو تبي نقدر نثبتلك حتى .
شافتلها ساجده بعدم فهم ف رجعت نصيب قالت: مُراد يتعالج عند دكتور نفسي قتلك اني عنده شغف لكن مش متأكده يُمكن هكي ويمكن يكون مرض تاني ، ع فكره هوا يتعالج عند دكتور في أمريكيا
ساجده: وانتي كيف عرفتي كل شيء عليه .
نصيب حطت شنطتها على كتفها:انتي تسحتقي الأفضل من مُراد الانك مش زي ما انتي مفكررتيه انه شخص طبيعي تقدري تتأقلمي معاه الحُب مش كل شي.
ابتسمت في نهايه جملتها، ودارا ضهرها وامشت .
رفعت ساجده راسها للسماء وتنهدت بحزن عميق وتعب وانتهاك وأرق وكل شيء، هيا حتى مش فاهمه! علاش الكل ضدها ؟ علاش الكل مايبوهاش تكون مع مراد لي هدرجه صعب الانسان يعيش حياته مع اللي يبيه ويحبه..
ردت عليها فاديه وهيا تسوق: والله مش لاقيه أسأله لي أجوبتك لكن اللي نعرفه انه مش كل الناس يتمنولنا الخير، .
شافت ساجده للشباك وقالت بحزن وهيا تشوف لي شوارع بلادها: ياريتنا قعدنا في أمريكيا.
فاديه: تعرفي انه عمك جبريل كان بيزوجك لي مراد ، قبل مايعرف انه هوا .. لكن وقتها مراد رفض.
ساجده شافتلها: ياريته تزوجنا وريحنا راسنا من كل هالعذاب
فاديه: ربك ما دار هكي الا الانه في خير ليكم، مرات لو تزوجتيه في وقتها كنتي ماحبيتيش زي توا وطلقك مثلاً.
قوست ساجده شاربها السُفلي وشافت قدامها ف قالت: ماعتقدش اني مانحباش، في جميع الأحوال كُنت ح نحبه ولو بأي طريقه كانت.
*************************************
مراد: مالحقتش نباركلك مبروك .
الصادق رفع صبعه: اسمعني ،اني عارف كويس الخطه اللي دايرها ف لذلك قول شن تبي ورجعلي ولدي.
مراد:وعلاش هيا بالبساطه هاذي!؟
شافله الصادق بخوف من تفكيره : تفكيرك المختل ماتستعملاش مع ولدي ماننصحكش اختك وام...
مراد:لي هدرجه انت عيل هكي ؟ بكبرك هاذي وقاعد على نفس الاديولوجيه هاذي ! تتعامل بالشرف والعرض، اتقي الله في نفسك
الصادق: قول شن تبي من الاخير البنت خلاص معاش بنزوجها لي ولدي نسيبك في حالك ونمشي عادي .
مراد ضحك بقوه حتى بان صف أسنانه العُلوي ، سكت لحظات ومسح على لحيته ورجع تكلم: البنت في جميع الحالات مش ح نخليك تزوجها لي ولدك انت ولا غيرك، هذا شيء والاهم من هذا كله لو جبت سيرتها ع لسانك مر تانيه ح يكون فيه تصرف تاني وانت تعرف اني نقصد الكلمه بكل مافيها.
حط مراد سلاحه على جنب ، ف بلع الصادق ريقه وهوا يشوفله بخوف.
مراد:إنت أكثر من مره حاولت تتهجم عليا وتبعت في كذا حد يحاول يقتلني، لكن مع هذا كنت ساكت ؛ أما توا جي وقت نصفي فيه حسابي معاك بولدك زي ما أنت دير
الصادق : قول شن تبي من الأخير.
مراد: أني ما يهمونيش الناس شن يقولو عليا او حتى طيف نضرتهم عليا لكن اللي يهمني شيء واحد بس،
انك تمشي لي عمام البنت اللي كانو ح يصيرو نساباتكم ، وتقوللهم الحقيقه بالحرف الواحد .
الصادق بتكبر: أني نمشي؟
مراد: مش ضروري اني ماجبرتك على شيء تقدر ماتمشيش وتقرا الفاتحه على قبر ولدك .
الصادق: ماتستفزنيش
مراد رفع حاجبه: لكنِ استفزيتك!.
شافله الصادق للمره الاخيره بتذمر وخبط يده بقوه ع الطاوله وطلع .
