شغفها_حُبًا
ح 20 والأخيره.
"كتبت هذه الروايه ؛نوكوميس فتاة القمر "
إنتهت بتاريخ .السابعه من نوفمبر 2021 .
قرآءه ممتعه للجميع 🦋،
في واحد من مستشفيات ليبيا، كان مُراد واقف قدام غرفة العمليات ماشي جاي متوتر في حاله من الرعب داخله عيونه مليانات بدموع الحزن والخوف؛ تعرفوا شن يعني إنك تلاقي شخص يخاف عليك بطريقه هاذي!.
أما نوريه ف كانت شبه دايخه ومعلقيلها التغديه ...
فيه منكم مش فاهم شن اللي صار!؛لوتفًا منكم تركزو وانتم تقروا في الأحداث .
طلع الدكتور من غرفة العمليات ف قال بتعب وهوا يحول في الماسك وهوا يشوف لي مراد .: قدرت تتجاوز مرحلة الخطر حالتها مستقره حاليا وقدرنا نحولو الرصاصه ماكنتش عميقه هلبا؛الحمد لله ع سلامتها .
تنهد مُراد بارتياح حاليا هوا قادر يستنشق الهواء فعلاً ..
***********************************
روان: مش مصدقه كيف صار هكي .
يقين تبكي : غر حد منكم يكلم مراد شوفو عمتي اي حد
روان ماشيه جايه: ياربي مش ناقصنا ياربي.
مرام: ياريتها ماما ما وافقت عليه جي أقنعها بالكلام وخلاها توافق مش عارفه كيف ماما تغير رايها وبدي عاجبها مراد وشخصيته
يقين: توا وقته انتي هذا ساجده اشبح تنوض او لا !
روان حدفت الهاتف: عمتي ماتردش.
يقين : جربتي امك؟
روان: حتى هيا ماتردش يعلم ربي شن صاير فيهم توا .
يقين تبكي بقوه: كانت فرحانه بحفلة التخرج ومش مصدقه امتى يجي هاليوم .. اليوم دفعتها كلهم ناقشوا مشروعهم وهيا لا فرحوا وغنوا وهيا لا ياربي علاش هيا ديما هكي!.
روان: كله يتعوض المهم ترجع ساجده زي ماكنت اني حرفيا مش ج نتحمل غياب اي شخص من العيله .
مرام مسحت دموعها: ولا أني والله .
*********************************
فاديه تبكي وتخبط على الباب وترن ع الجرس: سييف سييف وينك افتح
سيف فتح الباب: تي خيرك تعيطي شن فيه .!؟
فاديه: ساجده ضاربينها برصاصه وهيا في المستشفى
سيف : كيف من قالك هالكلام ومنو اللي ضربها .
فاديه؛ مانعرفش شيء بسرعه وصلني سيارتي معاش بتولع .
سيف سكت شويه وكأنه يسترجع في شويه ذكريات ف قال : الياس وين!
فاديه: مانعرفش هيا بالله عليك
سيف: باهي باهي شويه بس ... خش سيف لبس حوايجه وطلع هوا وفاديه قد ما حاول يتصل بالياس الرقم كان يعطي فيه مغلق او خارج نطاق التغطيه.
وما هيا الا دقائق معدوده ركن سيف سيارته قدام مبنى المستشفى ونزلت فاديه تجري عكس سيف اللي كان يمشي بخطوات مهزوزه وخايف لو تكون ساجده ماتت ؛ بس اللي مش معروف هل هوا خايف على ساجده او خايف من شيء تاني!؟.
مراد يتكلم في تليفون بعصبيه : تيم اخلقولي الحقيير اللي ضربها توا .
تيم: شفت حتى كاميرات المراقبه فيه حد ماسحهم .
مراد: يردوا فيهم قوله يردهم نبيه بين يديا بنشرب من دمه.
تيم: من بيكون غير الصادق يعني!
مراد: تيم انت غبي!؟ الصادق لو بيضربها مش ح يبعت حد قدام الناس علناً هكي ،كان دار شيء تاني احرف حتى من هكي .
