#شغفها_حُبًا
ح 8
نوكوميس"فتاة القمر"
شافتلها فاديه بعدم إستفهام من كلامها : خيره مُراد؟
تنفست ساجده الصعداء:خلاص أنسي ولا شيء.
فاديه:ع فكره واضح عليك انك تحبيه
ساجده أشرت بصبعها على نفسها: أني؟ مُستحيل مجرد تعلق انه كان كويس هلبا معاي.
فاديه:اي هوا من جيهة كويس الحق مارينا منه الا كل خير، لكن الا الآن مش فاهمه علاش يكتبوا عليه هكي في نت؟
ساجده بغيض وإندفاع: أصلا ديما شعبنا هكي يحكموا على العنوان من غيري مايطقوا حتى ع الباب
فاديه ضحكت: ايوه احني بدينا ندافعوا وجو .
ساجده ابتسمت مُسايره: هي نوضي خلي نمشوا.
شدت فاديه في يدها وبدت تمشي فيها بشويه برغم من انه دكتور طلب منها ما تحولش الكرسي ولكنها أصرت على انها تبدا تمشي على رجليها.
فتحتها فاديه باب السياره ف قالت ساجده بملل:أمتى بنروحوا مليت ره .. وقعمزت
بينما قعمزت جنبها فاديه اللي قالت: اي والله حتى اني مش متعوده نطلع برا من ليبيا ، لكن هيا اهو غيرنا جو وشفنا بلاد جديده .
ساجده: اي لا تغيرت جو مشاء الله الحق.
فاديه بعفويه : تو تتزوجي مراد يغيرلك جو،
ف شافتلها ساجده بصدمه من كلمتها وفي الوقت نفسه فتح إلياس الباب حتى يركب وسمع كلمتها وين ما كان مصدوم وامشي في باله انه جديات في علاقه بينهم .
فاديه بهمس: نبصر خيرك بدي وجهك أحمر وحرارتك ارتفعت!
ساجده تشوف لي نفسها في مراية الهاتف حتى لقت انه كلام عمها صح فعلاً وجها بدي أحمر.
بينما كان إلياس يراقب فيها في المرايه؛ وكأنه نادم على شيء!
لكن ساجده كان مشاعرها وأحاسيسها كلها ميته تجاه إلياس ، ولذلك مكانتش عاطياته وجه أبدا .
***********************************
أما مُراد اللي حط كبوسه ونضراته الشميه على الطاوله ف قالت ساميه بحزن وهيا تشوف لي كبوسه ونضّراته :لي أمتى بتقعد هكي!
مراد:لن نصفي حساب ويا قاتل يا مقتول.
ساميه:الله يهديك وتفك روحك من هذا كله خلاص هيا ماتت وانت قاعد في ذكراهم؟
مراد بنبره هاديه وبارده: يا ريتهم قتلوني أني.
كانت هاذي الجمله الوحيده اللي طلعت من فمه ، ف مدتله ساميه فنجان قهوة وملامحها مكتسيها الحُزن. ف قال وهوا يحاول يغير الجو.
مراد: وين نورس ماشفتهاش بكل!!
ساميه: فوق في دارها تقرا ماهو فاتوها هلبا محضارات لما غابت
مراد شرب قهوته في مره وحده؛ اني طالع ماتبي شيء.
ساميه:انت امتى جيت باش تطلع!؟
مراد: عندي يُمه هلبا حاجات بنديرها قبل ما نولي هذا كان وليت.
ساميه: اسكت وفكنا من الفال العافن، انشاء الله ربي يجعل كيدهم في نحرهم .
أبتسم مراد وكب على راس امه وطلع ، ما أن ركب سيارته حتى إختفت ابتسامته لما ذكر ساجده ،بريق عيونها الخُضر ، النمش اللي على وجها، رموشها غزارة حواجبها؛ هذيكا التفاصيل الصغيره كانت شيء كبير بنسبه ليه.♥️
*************************************
روان: روحي ياكلبه وانتي دوري من مكان لي مكان
ساجده طلعت لسانها: حاسدين مني
مرام: يارب نتزوج واحد عايش البرا
ساجده: غر تقولو هكي كساد يفدد .
روان: اي زيدي اكذبي.
ساجده :اعطوني ماما مانهدرزش مع المفرخ.
روان طلعت من الدار عشان ترفع لي أمها التليفون ف فتحت باب غرفة امها، اللي لقتها راقده
روان شافت لي ساجده: راقده
ساجده عقدت حواجبها؛ من توا؟ غر بري شوفيها
روان قدمت خطوات من أمها؛ ماما ماما
مافيش رد..
ساجده بخوف:شنو روان خيرها ماما ماتردش
روان بتوتر:لحظه ساجده .. بينما كانت تضرب فيها على وجها بشويه وتنادي بس مافيش فايده ، حتى لتموا البنات على صوت عياط روان ..
ساجده:روان الو ردي عليا رووووان نكلم فيك .
روان تبكي: ماما يا ساجده ماتردش
ساجده: شوفيها نبضها حطي صوابعك على رقبتها
روان دارت زي ما قلتلها ساجده ويديها يرعشوا: ضعيف ضعيف هلبا.
ساجده تنهدت شويه بارتياح: بخو عليها ميه ديروا اي شيء بدل ما انتوا واقفات .
جابت نسيبه طاسه ميه وبختها على امها حتى بدت تستاقض شويه شويه..
روان بلهفه وخوف: ماما خوفتينا عليك .
مرام: خيرك شن جاك توا كنت مافيك شيء
نوريه: مش عارفه شكله صارلي هبوط .
ساجده من تليفون:ردي عليا ياكلبه انتي وياها .
نوريه: بسم الله هذا صوت ساجده
ضحكوا البنات الانهم كانوا ناسين ساجده ع الخط ف قامت روان تليفونها وحطت الكاميرا على وجه نوريه
نوريه: ساجده بنتي كيف حالك
ساجده: ماما اني كويسه بس انتي لازم تعايني مش كويس يصيرلك هبوط وانتي راقده
نوريه: متخافيش عليا اني كويسه .
وكملوا هدرزه....
