#شغفها_حُبًا
ح 10
نوكوميس "فتاة القمر".
أغمض مُراد عيونه لدقائق ف قال بصوت واطي ؛ كيف عرفتي !؟
ساجده حطت الكبوس ع راسها؛ أفتح الفيديو
فتحوا مكالمة فيديو وسرعان ما طلعت صورة ساجده عند مراد والعكس صحيح ،
إبتسم للحظه كأنه نسي كل شيء وهوا يشوف لي ملامح وجها اللي لطلما خدت جزء كبير من قلبه،
مُراد: إستاحشنا هالوجه
ابتسم ساجده وسرعان ما زالت ابتسامتها ورجعت قالت:اي خلينا في موضوعنا ، خشيت ع صفحتك ع الفيس وشفت المناشير صحابك كانوا دايريلك إشاره في كذا بوست.
مراد: وآخر بوست شن كان مكتوب فيه!؟
ساجده: واحد من صحابك دايرلك تعزيه؛ انتَ غامض بشكل مش طبيعي اني وياك مش زي بعض اني جريئه أحياناً وقحه بزياده وإنتَ لا، انت كلك غموض أكشن اني مش قادره نفك أرشيف شخصيتك المعقده
مراد: قتلك لما نحل مشاكلي ح نقولك كل شيء .
ساجده بحزم: وإنت وعلاش رجعت غادي وهما يدورو عليك؛ وعلاش تعرض في نفسك للخطر؛ لما يومها في السياره قتلك لو مش خايف ع نفسك فيه ناس بتخاف عليك كنت نقصد على نفسي.
اني مانحبش البعد والفراق والبكاء ؛ والشوق كل هذا يقتل فيا ويخليني ضعيفه ..
ف قاطع وقال وهوا مبتسم: وانتي ماتحبيش تكوني ضعيفه!
ساجده: وإنتَ تعرف
مراد: بتروحي بعد ماديري عمليتك يمكن نقدروا نتلاقوا!
ساجده بتجاهل لسوؤاله : شن هالقصص اللي مخبيها ورا عيونك؟ ورا ضحكتك هاذي! عيونك ضلام من داخل وروحك مضلمه!
مراد: واني نحبك الانك الوحيده اللي نقدر نوريها قداش اني ضعيف من غير ما نندم.
ساجده ضحكت: ضعيف!! ولا مره شفتك هكي بالعكس
مراد تنهد ورجع لجديته : ساجده ركزي معاي بنقولك شيء مهم لازم تحفظيه في دماغك من غير اي عناد؛
عقدت حواجبها وهيا تشوفله ومنتبها وتسمع فيه.
مراد: كنت نحساب انه الياس خوي اللي مجبتاش امي لكني طلعت غالط، فيه حد يصور فيك ويراقب فيك يعني فيه حد قاعد يشد فيا من يدي اللي توجعني؛ ومافيش حد من طرفي يعرف بوجودك معاي في أمريكيا غير إلياس؛ يعني حاولي قد ماتقدري انك ماتتلاقيش معاه لي يوم عمليتك وبعدها خلاص اكيد بتروحي
أما ساجده كانت تسمع ومصدومه من كلامه ومركزه مع كل كلمه يقولها. ♥️
***************************************
في حين كانت روان مقعمزه تفكر ؛وهيا مزالت محصوره بين الماضي ولا هيا عارفه تقرر في حاضرها، ولما مرت الايام كان اليوم يوم خطبتها وقفت روان قدام المرايه بعد ماحطتلها مرام وصاحبتها راويه، آخر لمسات فنيه من الميكب؛ ف تنهدت بحزن وقالت :مخاطريش ننزل بكل!
راويه: حلاص يابنتي أيمن معاش بيرجع ره وانتي مش ح تقعدي طول العمر من غير ما تحبي؛حقك تحبي وتنحبي
مرام: اختصرتي اللي بنقوله والله
خشت نسيبه وهيا تبكي وشافولها هما بخوف ف قالت وهيا تحضن في روان
نسيبه: قصدك بتتزوجي وتسيبينا!
مرام ضربتها على ضهرها: ياكلبه خلعتينا
روان بعدتها عليها: زواج شني ياحماره هاذي خطبه ومرات تصير ومرات لا
نسيبه: امالا شن سجى قالتلي خلاص بتتزوج
روان: عارفتها هذيكا الكلبه على خاطر الدار
مرام باندفاع:عينها غر تعبى ترقد معاي في نفس الدار هالمسترجله
روان: خلاص انتي وياها حسستوني اني بنتزوج غدوه
راويه: هي هي ياسركم دوه فاضيه وانتي انزلي المراه من بكري مقعمزه تراجي
خدت روان نفس عمييييق ؛ونزلت وهيا ترعش وتخض من رهبة الموقف اللي هيا فيها؛وخطيبها ليه 7 شهور بس ميت .
