#شغفها_حُباً.
ح2
نوكوميس"فتاة القمر "
شد مُراد كذا ورقه في يده وهوا يقلب ومقعمز في سيارته حط الوراق وملامحه نوعًا ما مش مُريحه .. ف رن هاتفه حتى يعلن على إتصال فيديو من أمه تنهد بتعب ومسح على وجهه ورجعت ملامحه البارده لي وجها وفتح الخط حتى تطلع صورة أمه في الهاتف.
ساميه؛ مراد كيف حالك ولدي..
مراد: أني كويس وانتم ؟
ساميه: مدامك انت كويس حتى احني كويسين.
مراد إبتسم ك مسايره: كيف حال نورس !.
ساميه سكتت شويه: باهي الحمد لله .
مراد عقد حواجبه:فيه شيء!
ساميه: لالا مافيه شيء بس مريضه شويه وقاطعه الماكله .
مُراد: انشاء الله خير،ومعتز وينه مش معاكم ولا شني كذا مره قتله معاش تعطل في ليل وتخلي امك واختك بروحهم.
ساميه: روح روح وراقد قال متهتك من الخدمه ..
مراد: باهي كويس.
ساميه: قاعد مُصر على رايك بتروح!؟
مراد : أكيد مايجيش اني في مكان وانتم في مكان ، لكن مزال مش مروح توا يعني
ساميه تنهدت بضيق ؛ ربي يهديك ،اهني قالبين الدنيا عليك ويدورو فيك وكذا مره يديرولنا عمله في الحوش
مراد عقد حواجبه: عملت شنو يمه!
ساميه: مره جونا بسلاحهم وكان ماردوهمش الحراس اللي حاطهم انت ره اشبح شن صار غير هكي الحق خايفه على اختك كان يخطفوها ولا حاجه!
مراد: ماهي وعلاش نقولك بنروح في اقرب وقت باش نقدر نتصرف
ساميه: اني نبيك تبعتلنا نجوك ونقعدو غادي معاك
مراد: مانسيبش رزقي واملاكي ونهرب اهني مش راجل نولي كان درتها
ساميه: في العناد وتصكير الراس ماحد يغلبك يالطييف
مُراد: هي تصبحي على خير سلمي على بوي والعيله .
ساميه: وانت من أهله وكان تسمع كلامي بي
مراد: إنشاء الله خير .
وسكرو الخط حدف التليفون وكيف بيولع سيارته وبيمشي رجع رن مره تانيه تأفف بملل وخدي هاتفه ..
إلياس: مراد كيف الحال.
مراد: وين يراجل قتلي نرد عليك في يومين خليته اسبوع!.
إلياس: والله ما عارف شن نقولك.
مراد: شن تكلم!
إلياس: عمامي مسكرين روسهم على انهم يرفعوها!.
مراد عقد حواجبه: وانتم بتخلوها تموت بينكم عادي وتتفرجوا عليها
إلياس: الا في حال واحد
مراد : هي قول هالحل
إلياس: تتزوجها وو.
مُراد تغيرت نبرة صوته: شني؟؟! نتزوجها اني !شن مش عارف انت الموضوع ولا كيف !.
إلياس: مراد أهدى اني قتلك تزوجها مش حبها ..لن يكمل موضوعها البنت قاعده تموت كل يوم ودكتور كل مره يتصل بينا ولا أمس قال انه قلبها وقف ورجعو ردوه بقدرة ربك فكر في الموضوع بالله عليك
مراد: مانقردش انت عارفني وعارف تفكيري كيف لا مستحيل انسى الموضوع هذا.
إلياس: وكيف الحل توا مستنجد بيك وأنت خوي.
مراد: خليني بنزيد ندرس الموضوع في راسي
إلياس: شن بتدرس فيه اني نقولك البنت بضيع وانت تقولي بندرس الموضوع!
مراد:اووف مش عارف شن بنقولك
إلياس: غر سكر توا وبعدين نتفاهموا
سكر مراد الخط وحدف الهاتف بستياء ع الكرسي اللي جنبه، وولع سيارته وامشي.. خبط الدومان بيده .
مراد: حتى أني مالقيت ماندير دروحني بنساعد حصلوني في امها؛استغفر الله
