صقر المافيا في الريف

صقر المافيا في ريف الجزء التاسع

وهي ممدودة في الارض وسكون ليل وضلمته مع سكون الكهف وضلمته وبرودته وحدته المخيفة والقاتلة،ليلى جاتها فكرة وقرت انها طبقها ودارت خطة وقالت عليك امولانا إلى نجحت داكشي لي بغيت والى فشلت غادي نكون حاولت وما غادي نخسر والو
كلما سمعت الطقطقات ديال حاوفر هديك الدابة قربات الا وكتعيط على هداك الحارس باش يخرجها تقضي حاجتها،وهو غادي بيها كتبدى تغوت ربي لي خلقها

-عتقوني اعباد الله راني مخطوفة هنا راني محجوزة ورحموني واااا عباد الله

حارس أفريقي كان مولف على غواتها واصلا ما فهمهاش مجاهش أمر غريب متسوقش ليها ردها لهداك كهف وسد عليها وهي كملت غواتها،بغات صوتها يدور على كهف كامل باش مول الدابة يسمعها من اي جهة كان
دايز

جلال باقي كيجي مع نفس الأشخاص وكيعيط على محمد كوريه اخته محبوسة وكيهده بلي إلى دار شي حاجة غادي يقتلها،وبدوره محمد كيهده بوراق لي عنده ومكاينش لي محن ويعاني واكلها فعضامو قد ليل لي مزالت صامدة وصابرة،وبالنسبة ليها هداك الفيديو كيطمنها على خوها ويريحنا شوية وحتى هو كيرتاح بأن ليلى راه باقة حية ترزق

لاحظت انستازيا ان ليلى صحتها دهورت بزاف والى ماتت هادشي فمصلحتهم داكشي علاش قالت لجلال

-,خصنا نفرشو ليها ونعطيو ماكلة مزيانة وحتى دوائها ضروري تاخده هادي ممكن تموت فاي وقت وهادشي ماشي فمصلحتنا

فعلا حسنو وضعيتها شوية وفرشو ليها ماطلة وجابو ليها مانطة خفيفة وحتى ماكلة ودوا تحسنو بزاف ودوا والى احسن وليلى بدات كتنعس شوية وخا ماشي بزاف.

دازت ايام على هاد الحال ليلى ديما كدير نفس شئ غير كتسمع صوت ديال  صوت الفرس كطلب من حارس يخرجها وتبدأ تغوت ومني طالت عليها الايام وبدأت كتعيا و بدأ يأس يدب في قلبها وقالت مع راسها اكيد مكيسمعونيش وانا غير كنحرق فالطاقة فابور ولي زادها يأس هو انه هداك صوت حتى هو غبر ومبقاتش كتسمعه ورجعت لوحدتها وهواجسها وخوفها

ولات كتسنى زيارة ديال جلال وصحابه بفارغ الصبر وخا كتكرهو غير باش تسمع صوت خوها وتعرف راه لاباس وان أفراد العصابة مقدروش وصلو ليه،وبعض حالات ملي كيشد عليها الحال وتفكر مداز عليها ولي باقي كيدوز كتمنى الموت وكتقول كن غير مت وارتحت من هاذ العذاب

فواحد ليلة مضلمة مافيها لا قمر لا نجمة ليلى ناعسة وتحلم برأسها جالسة على ضفاف واحد الواد وكترسم فيه وفرحانة ما شعرت براسها غير واحد سلاهم كبير وكحل تحط عليها وغطاها كلها وصوت راجل كيقوليها سكتي إلى بغيت نعتقك

هزها بحال شي ريشة وجرا بها وما حاست برأسها غير وهي قدامه مغلفة كاملة بداك بسلاهم فوق العود ولا العودة كيجري بيهم في جبال مولاه غير شاد لاجم وساكت متفاهمين بزوج وعارفين طريقهم وحافضينها مزيان
ليلى لي كانت ماهي فايقة ماهي ناعسة شحال وهي كتقول واش انا فحلم ولا علم،ملي تأكدت ان هادشي لي حقيقة،قالت مع رأسها اشنو غادي يوقع اكتر ملي وقع نديرها في يد الله واصلا هي راه مول عود مغلفها بحال شي بصلة وحاطها قدامه بحال القفة معندها فين تفنفن وحتى لا غواتات شكون غادي يسمعها وراها مبقاش عندها جهد لغوات ولا لهروب سلمت امرها بالكامل