صقر المافيا في الريف

صقر المافيا في الريف الجزء الحادي عشر

ليلى كتشوف غير ضلام تحت هذاك السلهام وحتى حاجة منها ما كتبان حاطها عبد كريم قدامه بحال شي قفة وسرحانة الفرس البربري الاصيل غادة بسرعة رهيبة ،في خاطرها ليلى كتساءل فين غادي بها عبد الكريم الريفي واشنو مصيرها عاوتاني قلب ليلى بدأ كيضرب بجهد ،لكنسلمت امرها وتوكلت على ربها لي خلقها ودعاته في سر وهي في ديك الضلمة والخوف والرعب مالي قلبها وقالت

-يا رب متخلاش عليا راني سلمت أمري ليك انت عالم بحالي واحوالي

وهي هايمة في نجواها مع الله حتى حست بفرس وقفت او بالأحرى وقفها عبد الكريم ولي زادها رعب انها سمعت شي عود اخر جاي كيجري من وراهم ومولاه كيغوت

-وقف قلت ليك وقف ولا غادي نتيري فيك

عبد كريم تلفت فيه بكل هدوء وقاليه

-ياك ودي لاباس اشنو كاين اسيدي راك خلعت ليا العودة

-اشنو هاز قدامك قال كلامه وجاي باغي يعري يشوف اشنو كاين تحت السلاهم

محمد فحركة خفيفة وبسرعة البرق جمع سلهام لي فيه ليلى بكل قوة قدامه بحال إلى طواه. ليلى طبعا نحيفة بزاف وجسمها صغير ولات بحال شي كورة وهي معرفت باش تبلات حست بعضامها كيتكسرو ولكن قطعت نفس وتكمشت حتى ولا كيبان غير سلهام محطوط قدامه

-كاين غير سلهامي يكما بغتيه اسيدي قلي واش انت خدام مع جلال كتقلبو على شي وحدة هاربة قال وهو يمشي يده في جيبه وجبد صورة ديال ليلى

الاخر خرج بورتابلو ودار ضو شاف صورة وجاوب

-اه كنقلبو عليها واش كتعرفها

-منين نعرفها حتى انا بحالك كنقلب عليها كلفوني صحاب جلال بهاد مهمة حيت عرفني ولد هنا ونعرف منطقة مزيان وانا راني دير فوق جهدي وخدام ليل نهار باش نلقاها

-اه هي انت خدام معنا ويلاه سير الله يعاونك

-يكما تبغي نخلي عندك سلهامي اخويا يقيك شويا من برد هاد ليلة

غير قال هكذا وليلى حست بجسمها برد وسرد وقالت هاذي هي الآخرة هذا ماله على هاذ زعامة كلها
ما ترحمت حتى جاوب الاخر

-لا خويا شكرا مكاينش شي برد كتير الله يحفضك وطريق سلامة ونبقاو على اتصال إلى كان شي جديد

-نبقاو على الاتصال والى عرفت شي حاجة اكيد نبلغكم
ليلى غير رجعت سرحانة لسرعتها الأولى وحست بأنها بعدت على هداك الشخص وهي طل من سلهام وبدأت تغوت

-واش انت بعقلك بغتي تعطيه سلهام ولي فسلهام

عبد الكريم خشى ليها رأسها فسلهام بزربة وقاليها بشوية

-راه انتي لي غادي تفضحينا وما يبقى لسلهام لا انتي
لامولاه لهاد العودة مسكينة قطعي حسك اختي راني عارف اش كندير انتي غير تخباي وسكتينا