_ عَشقَ كُم _
_ (بقلمي بسمة البياتي) _
_ البارت الرابع ـ
بين..
الإحتيار_ و_ الإختيار نقطة ...
قد تجعلك تعيش أسعد حياة ..
وقد تجعلك تعيش حياة من الندم ..
إسمع لقلبك وعقلك قبل أن تضع النقطة على "الحاء" ..
فهي نقطة بحجم حياة..
.
.
.
هبة ـ هم زين من إتصلتي كنت هستوني طالعة من الدوام وقريبة منا
حركتلها رأسي ما عندي طاقة للكلام
وهي بعد ماحجت شي ولا سألت يمكن ما تريد السايق يسمع
وصلنا الـ بيتها نزلت أجر أذيال الخيبة والإنكسار أكثر إنسانة ما أحب التجئ إلها
هي ماما لكن حكمت الظروف إستنجد بيها ما عندي مكان ثاني غير بيتها
(ما أدري القدر غريب او إحنا الغرباء)
من صغري أردد و اگول لو يبقى أخر يوم بـ عمري لو حكمتني الظروف وإنرميت بـ الشارع وأبقى نايمة على الرصيف هم ما أطلب من ماما مساعدة
لكن إتضح لي الكلام ماكو أسهل منه ومن نتعرض الموقف صعب نضطر نقدم تنازلات ونخلى عن كبريائنا
خلعت حذائي بـ باب المطبخ وفتت
تمشيت ورأها
گالت تعالي سلمي على عمج رائد وأخوانج
رائد ـ هلا بملكوت منين طلعت الشمس شعجب ذاكرتنا صار لج دهر مجاية شلونج عمو؟
ـ نحمده على كل حال أنت شلونك؟
ـ بـ خير والحمد لله
ـ بوست اخواني وبقيت گاعدة على أعصابي يس أريد مكان بعيد عن الكل أبقى بي واطلع قهر گلبي
هبة ـ گومي غسلي وغيري ملابسج بين ما يجهز الغدة
فوتي الغرفة مينا بين ما أجيبلج ملابس من عندي
ـ أجاني الفرج گمت بسرعة دخلت للغرفة تلفوني بدء يرن مكالمة ورة الثانية
ماگدرت أتجاهل إتصال خالة نغم جاوبتها
نغم ـ شصاير وياج وشعندج رايحة ويا هبة؟
ـ رديت بقهر ممزوج بغصة ما أريد ارجع الهذاك البيت
ـ حاجيني شصاير لج وشبي رواد الأرعن وياج إذا مأذيج انعنع ضلوعة وانعل سلفة سلفاه
ـ بجيت بقهر ماما دخلت للغرفة وبيدها ملابس ظلت واگفة تسمعني
رديت على خالة وحجيتلها كل الصار بالحرف الواحد بدون زيادة أو نقص
ـ تمام يصير خير ظلي اليوم عند أمج وباجر إن شاء الله أجي عليج وأحلها
اياج تنقهرين أنتِ مامسوية ذنب رواد هو الـ محتاج تربية وفركة أذن
ـ فدوة خالة أطلبي منهم لا يتصلون والله ما إلي طاقة للكلام والشرح
ـ تمام هسه احاجيهم دير بالج على نفسح تذكري خالتج بظهرج ما تتركج
ـ الله لا يحرمني منج سديتة من خالة
ماما گالت رواد الولد الـجان واگف وياج من أجيتج مو؟
ـ اي هو
ـ انطتني دشداشة گالت دبري روحج بيها
أخذتها منها بدلت وطلعت غسلت
صاحتني على الغداء گتلها أكلت بالجامعة مو جوعانة
رأسي يوجع أريد أنام
تمددت بالفراش غطيت رأسي بجيت الحد ما تعبت فرغت كل أوجاعي وقهري بعدها من التعب نمت
گعدت العصر ما إلي خلگ اطلع بقيت بـ مكاني
ماما عدها من زوجها ولد أثنين وبنت
بعدهم صغار أكبرهم عمره 11 سنة
والوسطاني 9 والبنت 7 سنوات
أطفالها ابد ما يختلطون بيه والمكان الأتواجد بي بعد ميفوتولة
