ـ عَشقَ كُم _
_ (بقلمي بسمة البياتي) _
_ البارت الثالث عشر _
قال أحد الملوك لوزيره الحكيم...
اكتب لي حكمة في خاتمي
حيث أنه. إذا قرأتها
عندما أكون حزينا أفرح.
وإذا قرأتها وأنا فرح أحزن.
فكتب له على الخاتم ( كل هذا سيمر )،.......
.
.
من أول يوم عشت بي إهنا كونت فكرة عن شخصات أهل البيت
ومن ضمنهم وميض
كان حسب نظريتي هادئ مسالم ما يغضب ويثور بسرعة عنده طاقة كبيرة للتحمل
حتى روحة و دواخلة أحسهم مفعمين بالهدوء والسكينة
لكن إلي د أشوفة حالياً غير شخص ما يشبه وميض بـ الصفات
العصبية والغضب محتلة اكل أركان جسده إلي گدامي فك مفترس
رواد يا دوب گدر يگعد لحيلة وقبل لا يگوم
يوگف على رجلة خمطة وميض
وشمرة بالگاع گعد على صدره وإستلمة بوكسيات
بحيث ما يگدر يتوقع من يا جهة تجي الضربة
أبو
ويوسف
ومصطفى
كلهم يريدون يشيلوا من فوگاه ميگدرون
منجد متخذ دور المتفرج وكأنما ديشاهد فيلم اكشن ومستمتع بي
خالة لمياء ملخت روحها
بيبي وخالة علياء من بعيد يتوسلون
والخوف ما كلهم اكل
توفيق ـ اخوك راح يموت جوة أيدك كافي أبني
الخاطر شيباتي عوفة يزي عاد مو هديت حيلنا
وميض ـ بعد محد اله خاطر عندي
أبنك دمرني لك ساقط شسويتلك وهلگد حاقد عليه
فضلتكم على روحي وراحتي
من سمعت قمر لاعبة عليك
ما حقدت عليها لأن غدرتني
جان حقدي وكرهي ناحيتها علمودك أنت لأن أذتك ولعبت بمشاعرك ولو ما ابوية يمنعني افوت النص بيتهم واسگطها الك واخذلك حقك
ـ يا كل كلمة ينطقها ينطي بوكس الرواد الدم صار يفور من خشمة وحلگة
وهذاك ايده ما يگدر يرفعها
بـ الگوة شالوا شيل من عنده
كل هذا وهم يريد يرجع يهد
تعبوا من المرافس ويا حيل مظل بيهم
عمو ظل يسايسة مثل ما يسايس طفل
يگله
ادري اخوك غلطان وحقك بكلشي تسوي انعل ابو امه إلي يلومك وهاي گدامكم اگولها
وما راضي عليه ولا راح ارضه
يا ابني الضرب ما يغير شي عوفة إلي اني أادبة
وحقك تأخذة من هاي لحيتي
علياء ـ يووم ارحمني وارحم نفسك مو گلبي راح يوگف هديت حيلي يبعد حيلي وعافيتي
وميض ـ ونار گلبي شراح يطفيها
أخوية المتباهي بي بين ربعي وگرابتي
طلع مو اخ عدو بـ الختلة يأكل بلحمي ويشرب بدمي
لك احجي جاوبني شسويتلك بشنو أذيتك
واستاهل منك هالقباحة
عووووفوني ناري ما جاي تطفئ
ـ فلت من ايدهم اكو لوحة جدارية كلها كزاز
سحبها من الحايط وبحركة سريعة وصل الرواد
شالها ورگعها بي
الحمد لله رواد ميل رأسة والضربة
صار بظهرة وكفتة
لو ضاربها برأسة مجان طلع سلامات
