_ عَشقَ كُم _
_ (بقلمي بسمة البياتي) _
_ البارت الخامس والعشرون _
يا ايها العمر رميتني بأقدار ماكانت على بالي،،
لست أعاتب قدرآ عليه حملتني
لكنك حملتني أثقالآ فوق أحمالي
.
.
عدنا عقل وقلب لو تبعنا عقلنا ممكن نسلم ونكمل حياتنا من غير أوجاع
لكن دائماً القلب هو الآمر الناهي سيد الموقف
يمشينا على هواه وبالنهاية نلگي نفسنا ضحايا
الإختيارتنا الفاشلة
وين كان عقلي من حبيتة وأني أعرف حبنا غلطة كبيرة
بيا منطق يتزوجني و أخوانة أثنين بدال الواحد رادوني
صرت على يقين أني بـ قمة الغباء والسذاجة
دمرت حياتي بيدي جنيت على روحي بروحي
إختاريت العذاب والمشقى بكامل قواي العقلية
وحالياً إنسلبت إرادتي تدمرت نفسيتي
انكسر گلبي ذبلت روحي
هذه الليلة كانت بمثابة عزاء بدون ميت
او بالأحرى ماتت أحلام ملكوت إنطفت ضحكتها
خالة ماتركتني ولا لحظة حجت الحد ما عجز لسانها
نغم ـ محد مات من الحب ولا راح توگف حياتج من بعد هالتجربة الفاشلة ( عسى أن تحبوا شيئاً وهو شر لكم) گومي توضي وصلي وأذكري الله
ـ سمعت منها گمت توضيت مديت السجادة وصليت من كملت رفعت أيدي أريد أدعي رجعت النقطة الصفر إنهاريت بالبچي نطقت من بين دموعي
فدواتك ربي ساعدني انساه مثل ما زرعت حبه بگلبي اقلع هذا الحب من گلوبنا وساعده ينساني
كفيت السجادة وگمت
رجعت تمددت على القنفة من التعب دخلت بسبات ويمكن غفيت
فزيت على صوت خالة وهي تحط صينية الأكل على الطبلة گدامي
ـ يلا سمي بسم الله و اكلي كم لگمة حتى انطيج علاج الوجع رأسج
ـ اعفيني ما اشتهي روح الأكل
ـ والله مو بكيفج تأكلين غصباً عنج
ـ تعدلت وگعدت گبالها سوتلي لفة خلتها بيدي
گمت الوچ باللگمة ما تنبلع
طلعت روحي الحد ما كملت اللفة رادت تسويلي بعد حلفتها تتركني براحتي
شالت الصينية وجابت چاي وبعدها نطتني علاج
وفرشت إلي وإلها بالصالة
كانت ليلة طويلة متروسة قهر عذاب حسرة دموع
خالة گعدت الصلاة الفجر من شافتني گاعدة تحسرت ومسحت على شعري بحنية
ـ كومي نصلي
گمنا توضينا وصلينا من رجعنا للفراش بقت تلعب بشعري إلى إن غفيت
من گعدت كانت ساعة وحدة الظهر إنرعبت عززا بس لا عطلت خالة عن دوامها
طلعت أدورلها دگيت باب غرفتها
ـ فوتي
، فتت خجلانة
والله ما أعرف شلون هيج نمت بس لا تغيبتي عن دوامج بسببي
ـ نوم العوافي ماماتي
وشكو هلگد قلقة شنو طالبة مدرسة وأغيب
بدلت دوامي ويا صديقتي اليوم ألزم الخفارة بدالها
ـ بسببي راح تتعبين وتسهرين
ـ هم گالت بسببي راح اهفج بالمخدة ماماتي بطلي هالمفردات التغثني
ـ، مو شسمة زوجج هم إنسلبت راحتة
ـ شكو عليه يكيف يبات عند اختة
يتجمعون وهو اخوانة إهناك لأن حرمت عليهم هالتجمعات ببيتي
الصبح اجة بدل وراح للدوام للمغرب يلا يرجع
أمشي تغدي لا تظلين تبربرين أخاف وأخاف
