_ عَشقَ كُم _
_ (بقلمي بسمة البياتي) _
ـ البارت السادس عشر _
( لا تنسوا التصويت،، و التعليق بين الفقرات....
أحبكم )
لدي شجرة إمنيات شامخة
أغصانها تروي ألف أمنية و ألف حكاية
تروى دمعات وأهات،، إتكئت على جذعها
كُتبت رغباتنا بحبر دموعنا على أوراقها
لم نكن نعلم إن شجرتنا الشامخة
ستُكسر وتغدو حُطاماً بفأس من يكرهُنا ....
.
.
عيوني أريد أفتحهم ما أگدر عبالك ملزگتهم بـ صمغ
حركت رأسي إجاني صوت ماما قريب من أذني
ـ ملكوت إذا واعية أفتحي عينج
ـ حاولت افتحهم گمت أعصر، بيهم إلى إن
فتحتهم شوي شوي
الرؤية مشوشة وضبابية
كمت أميز الناس الحوالية من أصواتهم
صوت ماما صوت خالة نغم صوت منجد وعمو رائد
نغم ـ، الحمد لله على سلامتج ماماتي شلون ينطيج گلبج هيج تخوفينا عليج والله يبس دمنا
ـ توضحت الرؤية خالة وماما اثنينهن حوالية
وعيونهم مغورگة بالدموع
حاجيتهم بصعوبة اني وين؟
دايخة اااخ رأسي
هبة ـ أنتِ بالمستشفى صارلج أكثر من ست ساعات فاقدة الوعي
ـ، تذكرت النساء الشفتهم وكلامهم الغريب
سألت شصار وياي؟
أتذكر أجن ثلاث نسوان
ظلن يعاركن رفل ومن سمعن اسمي وحده منهن تقدمت عليه انطتني دفعة قوية
هنا من البداية كانن قاصداتني وجايات مخصوص عليه
واني أبد ما أعرفهن ولا شايفتهن قبل
رائد ـ لا تشغلين بالج إرتاحي هسه ومن تطلعين منا يحجولج كلشي
حالياً تعبانة لا تضغطين على نفسج بالكلام
ـ، اريد اطلع منا اكره المستشفى
ـ راح منجد يصيح الطبيب من يسمحولج بالخروج نطلعج
ـ اجة الطبيب فحصني ما قبل اطلع لكن عاندت
وبجيت گتلهم لا تعذبوني اريد اطلع
كادر المستشفى كلهم يعرفون خالة لهذا السبب اهتموا بيه إهتمام مبالغ بي
الله يساعد الفقير الما عنده أحد يروح يشبع گعدة ومحد بحاله
خالة گالت خلي نطلعها على مسؤوليتنا أني اهتم بيها
شالوا المحاليل الكانت معلگة بيدي بس بقت الكانونة
ساعدوني جابولي كرسي متحرك گعدت عليه
وطلعنا
منجد بعد ما شفتة من طلعنا للباب
انصدمت وگلبي انقبض
وميض و. أيهم واگفين ويا منجد
منجد تركهم و اجة علينا
انبلع لساني بعدني لسه مذهولة
منجد لزم الكرسي يدفعة بدال عمو
گال الحمد لله على سلامتج
يابة
ـ عوفك من سلامتي هذولة شجابهم وشجمعهم سوى
اشو هذا ضحك بصوت عالي گال
هذا حظج يخوفي لا يصير المباطح إهنا يلا هم زين بعدنا بـ المستشفى حتى نتلاحگهم ونر نداويهم بسرعة
ـ من حوري ويتعاركون عليه لأزم أني ملكة جمال العالم ومعبودة الجماهير وما أدري بنفسي
ـ وأحلى منهن لا تستنقصين من نفسج ازعل منج والخلقج
