အတုအယောင်လူငယ်ဆရာကြီးအဖြစ်ကူးပြောင်းလာပြီးနောက် ရေပန်းစားလာခဲ့တယ် BL

46

လင်းယန်ရန်သည် ကုစစ်ရယ်နှင့်သူ၏အပြန်အလှန်ဆက်သွယ်မှုအကြောင်းကို စုန့်ယင်းမင်မှတည်းဖြတ်ထားသော ဗီဒီယိုဖိုင်နှစ်ခုကို ချပြလာရာ လူအများ၏ဆွေးနွှေးမှုဗဟိုချက်ဖြစ်လာခဲ့သည်။

ဒီလိုခေတ်ကြီးမှာ အပူလှိုင်းတစ်ခုကိုဖန်တီးလိုက်နိုင်သရွေ့ အရင်းအမြစ်ရှိရာဆီ အကုန်လက်ပစ်ကူးသွားကြလိမ့်မည်။

သို့သော်လည်း လင်းယန်ရန်သည် ဤ အရင်းအမြစ်အားလုံးကို အချိန်နှင့်တပြေးညီ ဖယ်ထားလိုက်သည်။ တစ်ရက်အနားယူပြီးနောက် တနင်္လာနေ့တွင် ဟုန်ဟွေ့ရွယ် နှင့် တရားဝင်ချိန်းဆိုခဲ့ရာ နေရာသို့ထွက်လာခဲ့သည်။

လင်းယန်ရန်သည် ယခင်က တစ်ဖက်လူနှင့်ဖုန်းအပြန်အလှမ်ဆက်သွယ်ခဲ့သော်ညား ယနေ့တွင်တော့ လူချင်းတွေ့ဆုံနိုင်ခဲ့လေပြီ။

ဟုန်ဟွေ့ရွှယ်သည် ဆံပင်တိုတိုကိုအမိုက်စားဆံပင်ပုံစံဖြီးလိမ်းထားပြီး အနက်ရောင်ဘောင်းဘီရှည် နှင့် အဖြူရောင်ညstiletto heels ကိုဝတ်ဆင်ထားရာ ပေါ့ပေါးပါးပါးပုံစံကိုမှ သေသေသပ်သပ်ဝတ်ဆင်ထားသည်ကို မြင်တွေ့ရမည်ဖြစ်သည်။

နှစ်ယောက်သား အသံလုံခန်းတွင်ဝင်ထိုင်လိုက်ကြပြီး ခဏတာ စကားစမြည်ပြောဆိုကြပြီးနောက် လင်းယန်ရန်အား စာရွက်စာတမ်းများကို ပေးလာခဲ့သည်။

"မစ္စတာ ယန်ရန်..ကိုယ်ရေးကိုယ်တာကိစ္စနဲ့ပတ်သတ်ပြီး ကုမ္ပဏီဘက်မှ မင်းအတွက် အစီအစဉ်အသစ်တွေကို ထည့်သွင်းထားတယ်။အရင်ဆုံး ဖတ်ကြည့်လိုက်ပါဦး"

ဟုန်ဟွေ့ရွှယ်သည် လင်းယန်ရန်မှနားလည်မှုလွဲသွားမည်ကိုစိုးရိမ်ကာ ချက်ချင်းထပ်ဖြည့်ပြောလာသည်။

"ဒါက မင်းရဲ့ကိုယ်ရေးကိုယ်တာရှုထောင့်ကနေ သုံးသပ်ပြီး ထပ်ပေါင်းထည့်ထားတဲ့ စည်းမျဉ်းစည်းကမ်းတွေပါ။ကုမ္ပဏီဘက်ကနေ အရင်းအမြစ်တွေကို သီးခြားကန့်သတ်ထားတာတွေမရှိဘူး။မသင့်တော်ဘူးထင်တဲ့နေရာတွေကို ကျွန်မနဲ့ ညှိနှိုင်းလို့ရပါတယ်"

လင်းယန်ရန်သည် စစ်ယွီ၏ကုမ္ပဏီစာချုပ်ပါအချက်အလက်များကို သေချာဖတ်နေသည်။စာချုပ်တွင်ဖော်ပြထားသည့်အချက်အလက်တွေကိုကြည့်ပြီး ဤစာချုပ်က သူ့အတွက် မည်မျှအကျိုးရှိမည်ကို သိနိုင်ပေသည်။