අත් වැරැද්ද ( Completed ) / අත් වැරැද්ද 02 (Ongoing )

හැටවැනි කොටහා

" අයි තූති අප්පත්ති ඒ දූලා දූලා ගියේ "

" චූටි අප්පච්චිට හොදටම පරක්කු වෙලානෙ පැටියෝ "

මයෙ නිලූෂවත් වැඩ කරන තැනට දාලා මන් ආවේ අපෙ ක්වාටස් එකට. වලව්වේ ඉදන් ගෙනාපු පොල් ගෝනියයි හාල් ගෝනියයි ඇතුළට දාලා මන් ගියේ අපෙ කාමරේට උඩ කමිසෙත් විහික් කරලා .

" ආපු ගමන් කේක් කන්නේ අත හෝදලාද ළමයෝ "

නුරාද මේසෙ උඩ ඉදගෙනම කූඩෙත් පැත්තකින් තියෙලා කේක් එකේ අයිසිනුයි චොකලටුයි කන්නේ කට වටේ උලාගෙන .  පිට මනුස්සයෙක් බැරි වෙලා හරි දැක්කොත් හිතන්නේ මේ ළමයට දෙමව්පියෝ කන්නවත් හරියට අරන් දෙන්නෑ කියලා.

" පත්තේ අත සෝද ගන්තම් අලේ... "

ආයේ කෑ ගහන්නැතුව මන් ගියේ අපෙ අල්මාරිය ටිකක් අස් කරන්න. එදත් නිලූෂ අල්මාරියේ උන්ඩි කරපු ඇදුම් දැකලා අරවා මෙව්වා කිව්වා ඉතින්. බොරුවට මනුස්සයගෙන් වචන අහ ගන්න ඕන්නෑ නෙ නේද. යට ඉදලා පටන් ගන්නවද උඩ ඉදලා පටන් ගන්නවද. කොණ්ඩෙට බූලත් දාන් මුළු සර්වාන්ගේම කර ගැට ටිකක් කඩලා වතුර බෝතලෙන් භාගයක්ම ඉවර කරලා ඇගිලි වලත් ආයේ මග ඇරිච්ච කර ගැටත් ටකස් ටකස් ගාලා කඩලා හා හා පුරා කියලා අත තිබ්බේ උඩම තට්ටුවට. 
ඇල්බම් එක නම් දැන් අපෙ ෆොටෝ වලින්ම පිරිලා ගිහිල්ලා. අලුත් ඇල්බම් එකක් ගන්න කාලේ හරි.

උඩ තට්ටුවේ ඇදුම් ටික නවාගෙන නවාගෙන යද්දී මයෙ අතට අහුවුනේ මයෙ නිලූෂගේ කමිසේකින් වහලා දාපු පොතක් වගේ දෙයක්. මොනාද අප්පච්චියෙ මේ මනුස්සය මේ කරලා තියෙන්නේ . අච්චර අර මේසයක් තියෙද්දී එයා අල්මාරිය අස්සේ පොත් ගහන්. 

ඒකත් මන් මේසෙ උඩ තියෙලා පැයක් විතර යනකම් ඇදුම් නව නව අල්මාරිය අස් කරා. කවදා කාපු කටුද මේ.

"  මට මහන්සි රන් කද "

" අලේ අප්පත්ති මදෙ අල කතන්තල පොත නා නෙ. හෝලා දෙන්නකු මදෙ අප්පත්ති....."

මන් ඇදේ හාන්සි වෙලාම හිටියෙ ටිකක් ඔලුවේ කැක්කුම ආව නිසා. ඒ අස්සේ පැටියා ඇවිල්ලා මයෙ බෙල්ල බදන් මූණ අත ගගා කුණු කුණු ගාද්දී මන් පැටියවත් උස්සන් ගියේ මේසෙට.