Athena ၏ နန်းဆောင်တွင်ဖြစ်သည်။
"Rosa က တောထဲဝင်သွားတာကြာပြီ အခုထိ ဘာအချက်ပြမှမရသေးတာ ထူးဆန်းတယ်"
Athena ရဲ့ အပြောကို သေချာနားထောင်ရင်း Apollo က သက်ပြင်းသဲ့သဲ့ချကာ
"သူမက လူသားတစ်ယောက်နော် Athena ။ အမြင်အာရုံမခံစားနိုင်တဲ့လူသားတစ်ယောက်လေ သူမ Medusa ကိုဘယ်လိုယှဥ်ပြိုင်နိုင်မှာလဲ"
Athena လဲ သူမ၏ဝတ်ရုံအားစိတ်ပျက်လက်ပျက်ဖြင့်ပုတ်ချလိုက်သည်။
"သူ့ဝိဉာဥ်ထဲငါ့စိတ်စွမ်းအင်အချို့ထည့်ပေးလိုက်တယ်။ အနည်းဆုံးတော့သူအသက်အန္တရယ်ကြုံခဲ့ရင် ငါသိရမှာ။ ဒါပေမယ့် သူမအခုထိဘေးကင်းနေတာသေချာတယ်"
Athena လဲစိတ်တွေပင်ပန်းလာတာကြောင့် Apollo ကိုပြန်လွှန်လိုက်ကာ သူမ၏ အိပ်ယာထက်တွင်လှဲချလိုက်သည်။
"ငါ့စိတ်တွေမတည်ငြိမ်နိုင်သေးဘူး ကောင်းကင်ဘုံရဲ့ စာကြည့်ဆောင်သွားနေရမယ်"
Athena ရဲ့ သဘောအကျဆုံး နေရာမှာကောင်းကင်ဘုံရဲ့ စာကြည့်ဆောင်ဖြစ်သည်။ စိတ်စွမ်းအင်ကိုအသုံးပြု၍ Athena သည် စာကြည့်စောင့်တံခါးဝနားရောက်ရှိလာလေသည်။
စာကြည့်ဆောင်၏ ခပ်လှမ်းလှမ်းတွင် ပန်းပေါင်းစုံ၏ရနံ့တို့ဖြင့်မွှေးပြန့်နေ ဥယျာဥ်တော်ကြီးတစ်ခုရှိသေးသည်။ Athena သည် စာကြည့်ဆောင်တံခါးကိုတွန်းဖွင့်ကာ ပေါ့ပါးသွက်လက်သောခြေလှမ်းများဖြင့် ဝင်ရောက်လာခဲ့သည်။
စစ်ရေးနှင့်ပတ်သတ်သည့် စာအုပ်များထားထားသော စာအုပ်စဥ်များအနီးသို့ Athena ရောက်လာခဲ့သည်။ စစ်ရေးနီးပရိယာယ်များအကြောင်းအပြင် ခေတ်အဆက်ဆက် နတ်ဘုရားများနှင့် နတ်မိစ္ဆာများအကြောင်း ရေးသားထားသော စာအုပ်အထူကြီးများကိုတွေ့ရှိရသည်။
Athena လဲ သူမဖတ်မည့်စာအုပ်များကိုရှာဖွေနေစဥ် လေညင်းနှင့်အတူနှာဖျား၌တိုးဝင်လာသည့် ပန်းရနံ့များကိုခံစားမိလိုက်သည်။ ပန်းများ၏ရနံ့သည် ဘယ်လောက်ထိမွှေးကြိုင်နေသလဲဆိုရင် Athena ကိုယ်တိုင် ဥယျာဥ်တော်တံခါးဝနားရောက်သည့်အခါမှ ပြန်လည်အသိဝင်လာသည့်အထိပင်ဖြစ်သည်။
YOU ARE READING
ကျိန်စာများဖြင့်နှောင်ဖွဲ့ငြိတွယ်ရသောချစ်ခြင်း (Complete)
Fantasy!!!!ဇာတ်လမ်းပါဇာတ်ဆောင်များနှင့်ဇာတ်အိမ်များသည် စာရေးသူ၏စိတ်ကူးသက်သက်သာဖြစ်ပါသည်။ Medusa၏မူရင်းရာဇဝင်အားအနည်းငယ်အခြေခံထားသော်လည်း စိတ်ကူးယဥ်ficတစ်ခုသာဖြစ်ကြောင်း အသိပေးအပ်ပါသည်။!!!!
