အချိန်တွေဟာ လျှင်မြန်စွာကုန်လွန်လာခဲ့ပြီး Medusa အသက် ၁၇ ပြည့်ပြီး ၁၈ ထဲသို့ဝင်လာသည်။ လူသားဖြစ်သောကြောင့် ပုံမှန်အတိုင်းအသက်အရွယ်ကြီးရင့်နေပေမယ့် အသက်၁၈ ပြည့်ပြီးသည်နှင့်သူမဟာ နတ်အသက်နှင့်သာကြီးထွားနိုင်တော့မည်ဖြစ်သည်။
Medusa သည် မွေးကတည်းက မိဘတွေမရှိသောကြောင့် Athena သာ သူမရဲ့မိဘလို အစ်မလိုဖြစ်နေသည်။ သူမသည် သူမကိုယ်ကို Athena ရဲ့ ကိုးကွယ်သူအဖြစ်သတ်မှတ်ထားပြီး သူမရဲ့ရည်မှန်းချက်ဟာလဲ Athena ရဲ့ အယုံကြည်ရဆုံး အပျိုစင်ကိုးကွယ်သူဖြစ်ဖို့ပင်။
"လာတာ နောက်ကျတယ် Medusa"
သူမအားကျောပေးလျက်ပင် Athena က စကားစသည်။ သူမဟာ နတ်ဘုရားစင်စစ်မဟုတ်သောကြောင့် သခင်မနှင့်အတူကောင်းကင်ဘုံတွင်လိုက်နေလို့မရပေ။ သို့သော် အရှင်မ၏ စောင့်ရှောက်ပေးမှုကြောင့်ယခုချိန်ထိ ကောင်းမွန်စွာရှင်သန်နေခဲ့ခြင်းဖြစ်သည်။
ထို့ကြောင့် သူမတို့တွေ့ရန် Athena ရဲ့ နတ်နန်းသို့ သူမဟာ အမြဲသွားလေ့ရှိသည်။
"ဒီနေ့ ကျွန်မကိုလာပိုးပမ်းကြတဲ့သူတွေကို ကွေ့ပတ်ရှောင်နေရတာကြောင့် ကြာသွားတာပါ"
Athena ထိုကလေးမအား ကြည့်လိုက်မိသည်။ မိမိမျက်စိရှေ့တင်အရွယ်ရောက်လာသော ထိုကလေးသည် တစ်နေ့တစ်ခြားလှပလာပုံမှ နတ်ဘုရားမတစ်ပါးလို့တောင်အထင်မှားစရာပေ။
တစ်ခြားလူသားတွေနဲ့မတူပဲ Medusa ရဲ့ အသားအရည်ဟာ ဖြူဝင်းအိစက်နေပြီးအနည်းငယ်တောက်ပနေသည်။ နက်မှောင်ပြီးနူးညံ့ပျော့ပြောင်းနေသော ဆံနွယ်ရှည်တို့ကိုင်ပိုင်ဆိုင်ထားသည်။ မျက်လုံးထဲမှ မျက်စံလေးတွေဟာလဲနက်မှောင်နေပြီး နှာစံစင်းစင်းလေးဟာ မျက်နှာနုနုပေါ်တွင်ထင်ရှားစွာရှိနေသည်။
နှုတ်ခမ်းဖူးဖူးလေးနှစ်လွှာဟာ သဘာဝအတိုင်းနီရဲနေသည်။ ဖြောင့်စင်းနေသည့် မေးရိုးသွယ်သွယ်လေးတွေအပြင် လည်တိုင်လေးမှာလဲလှပစွာရှိနေသည်။ အဆီပိုမရှိသောခန္ဓာကိုယ်နှင့် အတော်အတင့်ရှည်လျားသည့်အရပ်အမောင်းကြောင့် ဘယ်အချိန်ကြည့ကြည့် Medusa သည် စွဲမက်ဖွယ်ဖြစ်သည်။
YOU ARE READING
ကျိန်စာများဖြင့်နှောင်ဖွဲ့ငြိတွယ်ရသောချစ်ခြင်း (Complete)
Fantasy!!!!ဇာတ်လမ်းပါဇာတ်ဆောင်များနှင့်ဇာတ်အိမ်များသည် စာရေးသူ၏စိတ်ကူးသက်သက်သာဖြစ်ပါသည်။ Medusa၏မူရင်းရာဇဝင်အားအနည်းငယ်အခြေခံထားသော်လည်း စိတ်ကူးယဥ်ficတစ်ခုသာဖြစ်ကြောင်း အသိပေးအပ်ပါသည်။!!!!
