Poseidon ရဲ့ နန်းဆောင်ထဲသို့ လှံကြီးဆွဲကာပြေးဝင်သွားသည့် Athena ကို Poseidon ရဲ့ စစ်သည်အချို့ကတားနေလေသည်။
"ရိုင်းစိုင်းလိုက်ရတာ သင်တို့ကဘာမလို့ ငါလို Athena ကို တားရဲကြသလဲ!"
"အရှင်မ ဒီပုံစံနဲ့ နန်းဆောင်ထဲဝင်လို့မရပါဘူး။ မဟုတ်ရင် ကျွန်ုပ်တို့တိုက်ခိုက်ရပါလိမ့်မယ်။"
"ဟားးး နင်တို့လို ယုတ်မာတဲ့နတ်ဘုရားရဲ့ အစေခံတွေကများ! နင်တို့သခင်ရဲ့ဦးခေါင်းကို ငါရအောင်ယူပြမယ်။"
"အရှင်မ!"
Aphrodite ခြေတစ်လှမ်းနောက်ကျသွားခဲ့လေပြီ။ သူမရောက်သွားချိန်၌ Athena သည် နတ်စစ်သည်များအား စတင်တိုက်ခိုက်နေလေပြီ။
ဒုက္ခပဲ ဒီပုံစံအတိုင်းဆို ကောင်ကင်ဘုံရဲ့စည်းမျဥ်းေတွေကို ချိုးဖောက်မိတော့မှာပဲ။
"အရှင်မ ရပ်လိုက်ပါ!"
Aphrodite ပြောနေလည် အချည်းအနှီးသာ Athena ဟာ သိပ်ကိုအမျက်ထွက်နေလေသည်။ နတ်စစ်သည်တို့သည် ထိုနေရာမှာပင် သေဆုံးကာပြာအဖြစ်ပြောင်းလဲသွားသည်။
"အရှင်မ တော်ပါတော့"
"ကျွန်မကိုမထိနဲ့ Aphrodite"
Aphrodite ၏ လက်အားခါချကာ သူမ Poseidon ထံဆက်သွားလေသည်။
"Poseidon!"
"အို Athena ပါလား"
ဒီကောက်ကျစ်တဲ့နတ်ဘုရားဟာ သူရဲ့ပလ္လင်ထက်တွင် မိန့်မိန့်ကြီးထိုင်လျက် Athena အား ပြုံးပြနေသည်။
"နင် ငါ့ရဲ့ Medusa ကို ဘာလုပ်ခဲ့သလဲ ဟမ်!"
"Medusa? အော် အရှင်မရဲ့ ဟိုမောက်မာတဲ့အစေခံမလား။ ကျွန်ာပ်ကဒီတိုင်း သူ့နေရာသူသိအောင် သင်ပေးလိုက်ရုံပါ။ သူကကျွန်ုပ်လို နတ်ဘုရားတစ်ပါးကိုတောင်မခစားနိုင်ဘူးလေ။"
"နင်က ဘာကောင်မလို့ ငါ့ရဲ့ Medusa က ခစားနေရမှာလဲ။ ပြီးတော့ အစေခံလို့မခေါ်နဲ့ Poseidon! သူကငါ့အတွက် အရမ်းကိုအရေးပါတဲ့သူပဲ"
"ဟားး ခက်တာပဲ Athena ရယ်"
Poseidon ဟာ ယုတ်မာစွာအော်ရယ်နေလေသည်။ ထိုအရာဟာ Athena အသွေးအသားတို့အား ဒေါသထွက်လွန်း၍ တစ်ဆစ်ဆစ်နှင့်နာကျင်လာစေသည်။
YOU ARE READING
ကျိန်စာများဖြင့်နှောင်ဖွဲ့ငြိတွယ်ရသောချစ်ခြင်း (Complete)
Fantasy!!!!ဇာတ်လမ်းပါဇာတ်ဆောင်များနှင့်ဇာတ်အိမ်များသည် စာရေးသူ၏စိတ်ကူးသက်သက်သာဖြစ်ပါသည်။ Medusa၏မူရင်းရာဇဝင်အားအနည်းငယ်အခြေခံထားသော်လည်း စိတ်ကူးယဥ်ficတစ်ခုသာဖြစ်ကြောင်း အသိပေးအပ်ပါသည်။!!!!
