جماعة قبل بس ما نبدأ البارت أنا عايزة أقول حاجة، دلوقتي و أنا بكتب طقت في دماغي أحطلكم لقطة من الماضي ليها علاقة بالفراق و ووجعه تمام، ظبطت الدنيا و شوفت هكتب و أحط إيه و بعد ما خلصت إتفاجئت إن الفيس كله أغاني فراق و فيديوهات عن الفراق بجد مش عارفة مع أني مقولتش ده الفكرة جت في دماغي و طبقتها عالطول فهل حد بيحصل معاه كدة ولا أنا لوحدي عشان دي مش أول مرة😂😂😂😂
يلا بينا نبدأ البارت.
الفراق هو البعد عن من ارتبطت قلوبنا بهم لأيام
وسنوات وهذا الأمر يصعب علينا تحمل نتائجه لأنه في غاية الحساسية والصعوبة.
في ظلام الليل، تأبى دموعي السكون، أشعر بالوحدة والألم العميق، في ليالي الفراق، تبدو الحياة كرمادٍ مظلم، أشعر بالألم والحنين العميق، كم هو صعب البعد عنك، يا ملاكي الحزين، أشعر بالفراغ والشوق الذي يلتهب داخلي
يا حبيبي، دعنا نلتقي في أحلامنا، أشعر بك وأحضنك في مشاعري الحزينة.
_ إيه؟!، سألت بصدمة ممتزجة بقلق و خوف من المستقبل ليجيب و هو يشعر بضيق صدره من تعابير وجهها.
_ أنا هسافر بكرة عشان.... عشان أكمل دراستي و آمن مستقبلي، إرتسمت السخرية على وجهها و هي تردف بعدم تصديق.
_ أنتِ بتتكلم بجد؟! هو أنتَ..... أنتَ جاي تعرفني قبل ما تسافر بيوم؟، حاول أن يشرح لها لكنها قاطعته بصراخ و عينيها تمتلئ بالدموع.
_ كل اللي أنتَ عملتوا ده و أنتَ عارف إنك هتسافر و هتبعد عني طب عملتوا ليه؟ علقتني بيك ليه؟ خليت بنت زيي لسة ماتمتش ال 15سنة تحبك ليه يا "غالب"؟ ، أنا جاية أقولك إن فيه حاجة حصلت في البيت و مش مرتاحة تقولي هسافر! هي دي جملة هبقى معاكي؟
_إسمعيني يا "قدر" أنا مش....مش عايز أسيبك بس أنا عايز أكمل دراستي عايز أشوف الدنيا و آمن مستقبلي بعيد عنه عايز أثبتله إني من غيره هعرف أوصل و أبقى حاجة كبيرة و كمان آمن مستقبلك أنتِ كمان، أنا بحبك يا "قدر".
_ بتحبني؟ لا بجد ضحكتني، إمشي يا "غالب" إمشي أنا دلوقتي بس إتأكد إن ده حب مراهقة حب أطفال إمشي.
جلست على ركبتيها بعدما هتفت بتعب و هي تحاول منع شهقاتها لكنها لم تستطع، جلس لمستواها و هو يلقي عليها ما سيفعله.
_ أنا هسافر مع دكتور "منتصر"، هعيش معاه و أتعلم و أشتغل و أعتمد على نفسي و هرجعلك ، أنا هكلمك كل يوم و أتواصل معاكي و مش هسيبك لحظة، هتوحشيني يا "قدري".
قبل رأسها بقوة و غادر بعدما قال ما كان يخرج منه و كأن سكاكين تقطع شرايين جسده قبل أن تخرج حاول أن يسيطر على عاطفة مشاعره من ألا يذهب و يحتضنها حتى تطمئن لكن عندما تذكر شجاره مع والده عزم أمره و قرر السفر، أما هي ظلت تبكي بحرقة و خوف شعرت أن في كارثة ستحل و تغير مجرى حياتها من جديد.
أنت تقرأ
غالب الأقدار
Romanceحاول الجميع إصلاحي لأصلح للمجتمع ماعدا شخص تقبلني أنا و جعلني إصلاحاً لنفسي قبل إصلاحاً لأحد
