گعدت ع صوت المنبه طفيته بأنزعاج سرحت بسگف
سُميه : وهممم كووومي لا العب صونده ع ضهرج
كومي سوي ريوك لعمج
ــ عمه اريد امشي للدوام يا ريوك
ــ وتراددين بعد كومي دوام ماكو اليوم
گمت ع حيلي حطيت عيني بعينها بتحدي
ــ دوام اداوم وريوك مااسوي وشتردين اسوين سوي
ــ خوش لو اني لو انتِ
طلعت من الغرفه دردم تشأمت من صوتهاا شغلت شور حسيني [عاكر الحومه]
----------///-----------///-----------///-----------///----
المو گده حرب كربلا لا تدنه مـقامه
وبرمْحه نزلْ مرتهي ما جره حُـسامه
مو معركه لچفوفه فقط تحلا قـيامه
مو گده الحـومه .. ولاصيت عـلومه .. گاضي المـلزومه
بخـزرات عيونه .. متـونسة الكونه .. سُبـحان متونه
عاگر الحومه ومرخي سواعدها
سطرة ايده شيردها
اتطشر الگاع ع الگاع
راسية علومه بالميدان واخباره
زمجرته بألف غاره
قبضة صارمه ذراع
" مـولاي مـولاي .. مـولاي مـولاي "
----///--------------///--------------///-------------///---
رتبت كتبي بالجنطه فتت للمطبخ ملتمين عمي وبناتَ
سويت آيس گوفي
احمد : يلا بابا تريگن بسرعه قبل لا يجي السايق
