ــ ماتحتاجين لشخص طول ما راسي يشم الهوه
حضنت ايدي بيديناتها درت وجهي الها تباوعلي ببتسامه الي ردت روحي ابتسمت ع ابتسامتها اخذت ايدها بستها
فايز : بلسمتي
ــ اممم
ــ نروح للشقتي
اختفت ابتسامتها نزلن دموعها
ــ لا لا لا تبجي بلسمتي والله....
ــ بيت امي مايعجبك
ــ لا حبيبي مو مايعجبني يعجبني بس من ترحين غاد ينعاد عليج شريط ذكريات وتتأذين واني اتأذه من اشوفچ متأذيه
ــ تمام
ــ شنو تمام؟ قصدچ تروحين للشقتي
ــ اييه!
ــ مو شرط اهم شي تبقين تضحكين ضحكتج الي ترد روحي
ــ فعلا اني من اروح للبيت اكتئب وتأذه زياده
اخذت ايدها بستهاا وحطيتها ع صدري
ــ واجمل من ينور شقتي
وصلنه للشقه نزلنه ايدي بيدها اخذتها
ــ فوتي برجلج اليمنى يا عروس
ــ هههه
ضحكت بحزن
فاتت لزمت ايدها فريتها الشقه
ــ وهاي غرفتج
دخلت گعدت ع سرير
ــ باعي بلسم
فتحتلها الكنتور عباره عن ملابس الهاا
ــ هاي شنو؟؟
ــ ملابسج يا عروس
ــ بس اني ماعندي هيج ملابس
ــ اني اشتريتلج ملابس غير عروس
ــ فايز اني حزينه ع امي ما البس الوان
بستها براسها
ــ ليش ضچت بلسم انعل ابو الملابس باجر احرگهن واجيبلك اسود
ــ اريد انام
حسيتها حيل ضاجت ماحبيت اضغط عليها
ــ تعاي حبيبي نامي ع فراشي
نومتها وغطيتها گعدت ع الگاع امسح ع شعرها تعاين عليَ بهدوء
ــ بلسمتي
ــ همم
ــ انومج
