وهـم : شتريد
ــ هسه ترجعين للبيت لاانعل ابو…
بسرعه سديت تلفون بدت عندي الاعراض فقدت صرت امشي مادري وين امشي
ع لحظه شخص حط بحلگي حبابه بلا وعي شربتهه
وهـم : حسن
سـهم : هذه اني سـهم اصحي وهـم
استوعبت هذه صوت مو صوت حسن لگيت نفسي لازمه تيشيرته وحاظنته دفعته حيل
ــ اني وين شمرگبني سيارتك
ــ انتِ ماعرف شصارلچ تمشين بلا وعي تردين تعبرين الشارع العام وسيارات تمشي
ــ شلون عرفت اني احتاج هاي الحبايه ومنو سمحلك تشربني اصلا
ــ عفتيه بسچن ضميته بسياره وبفضول سألت دكتور عليه فصلي ع الحاله الي عندج ومته يستخدم هذه العلاج
فرگت وجهي بديناتي
سـهم : شنو الي يخليچ تنفعلين يا قالب ثلج
ــ اذا جبت طاري ابوي او امي بشي ماعچبني افقد اوصل مرحله اگتل
ــ الله يرحمهم
ــ وبعدين شعدي احجيلك
ــ اندري
فتحت الباب ونزلت رجعت للميسرة گعدت يمها دخل علينه دكتور
دكتور : سلام عليكم
ميسرة : وعليكم السلام ، دكتور شبيها امي
دكتور : للاسف حالتها وصلت للمرحله الاخير
وهـم : شنو قصدك دكتور يا حاله ؟؟
دكتور : فتح الگلب كبرت للاسف
ميسرة : شاشاشنو شچاي تحجي يا فتحهه امي ما بيها شي
دكتور : بابه امبين حالتها قدينه وهاي الفتحه نتخلص منه بس بحاله وحده الي هيه العمليه وهيه ممسويتها لان بيها سكر وحته لو سوتها 70%تموت
وهـم : والحل دكتور
دكتور : ماكو حل بابه هيه وصلت للمرحله الاخيره
ــ شلون يعني المرحله الاخيره
ــ يعني لا تاخذوها للبيت خلوها بالمستشفى لحد ما…
قبل لا يكمل دكتور طاحت ميسرة تبجي وتملخ بروحها بالالاف يا علي سيطرت عليَ
گعدت ع الارض تبچي گامت وهيه ترچف نامت بحضن امها ماتحملت طلعت وعيوني شلال سمعت صوت من وراي
