ــ تت توني توني شفته توني حضنته وخر وخر اريد اشوفه وخرر
لزمني واني اصيح اريد اركض ادوره
وهـم : هدني خالـد هددني بس اشوفه اخر مره اخر مره والله اخر مره
ــ گولي يالله وهـم گولي يالله
ــ يالله بس عوفني يلا بس بس اشوفه حباب عوفني خالـد بس اشوفه وعلي عليك الله عوفني
ــ وهـم اهدي والله روحي راحت وهـم بابه ع كيفج اثبتي وهـم وين ترحين
ــ اشوف ابوي اشوفه حت حته امي شفتها وحضنتهاا عليك الله عوفني
ادفع بيه وهوا لازمني بقوه اتلفت واصيح بس اشوفهم ما أجو
خالـد : صلي ع محمد وهـم گولي اللهم صل على محمد وال محمد وهـم روحي مردتيها ع كيفج بابه روحي راحت
وهـم : خالـدددد عوووفنييي ابسس اشم ريحتهه ماشبعت منه والله ماشبعتت عليك الله بس اشوفه خليني ادروه هسه هسه الگاه والله هسه الگاه بس عوفني
خالـد : ياعلييي عينِي يا علييي شد حيلي يا عليي
ــ يمهههه يبهه تعالو اشوفك يمكن بتكم تموت والله تموت تعالوو اشوفكمم وينكك بابااا صمدددد سيلينتييي وينج توج وصيتيني ع خالـد تعااااي يمههه
ــ وهـم باوعيلي اخوج هنا بس اهدي روحي شاطت ع...
ضربت وجهي حيل لزم ايدي يحاول يسطير عليَ ماكتفيت شلت تراب حطيته كله ع راسي لزمني حيل ضبني بحضنه
ضل لازمني لحد ما بديت اهده بده يرخي حضنه حطيت راسي ع صدره اشهگ من كل گلبي
وهـم : والله شفتهم والله وداعتك شفتهم
ــ گولي يا الله وهـم
ــ گلت والله گلت يالله خالـد بهاي بهاي عيوني شفتهم بابه صمد حضني وباسني هوااي وامي سيلين هم بوستني وحضنتني وصتني عليك والله وصتني عليك
مسح عيونه باطن ايده
برجفه : شوصتچ عليَ؟
ــ گالت لا تضلين زعلانه عليَ راضيه
وخالـد حلفتها وبستها اتوسل بيه لا تعوفني ع لحضه تروح
ضربت وجهي لزمني خالـد وهوا يبجي لمني للحضنه
بقينه ع مكانه وشهگتنه ودمعتنه ماسكتت دقيقه لحد ما شرقت شمس
وخرت عنه رحت للگبر ابوي
وهـم : ليش بابه لوعتني وهضمتني بابه صمد مو هيج متفقين حبيبي بس حاجيني خل اعاتبك وعد ما ابجي وعد
قرب خالـد ع گبر ابوي طبگ ايدينه ع گبر ابوي وضم وجهه بيهن لا شعورياً صرت اردد لطمية باسم الكربلائي اضرب بالگبر وشهگه بلعومي
