سـهم : تعاي عيشي هنا واخذي غرفتي
ــ هههههههه
ــ والله صدك
ــ هوا اجيت اهنا حسن گلب ضالين عليَ اذا اعيش شلون
ــ شسوالجج؟؟!!!
ــ مسوالي شي بس عصب
ــ خاف ضوجج
ــ حسحوس ميضوجني
ــ هوا غير اخوج ليش عايش بيت وحده وانت بيت عمج
ــ حسن مو اخوي
ــ شنووووو!!!!!؟
ــ بووويه. بلاعيمك
ــ شنو يعني حسن مو اخوج
ــ لا مو اخوي اني امانه عنده بس هوا يبين اخوي لان عشنه سوه
ــ شلون مجاي افهم
ــ امهه وامي اصدقاء انولد بنفس السنه الي انولد بيها خالـد وصداقتهم قويه يعني الي يشوفهم يگول اخوه ينصدم اذا عرفو مابيناتهم دم من سافر خالـد امني عند حسن صار 5 سنوات
ــ يعني مو اخوج
ــ اخوي بس مو بدم
ــ خالـد ليش سافر المانيا
ــ يدرس ماجستير
زينب : يلا تعالو تغدو
نزلنه جوه لكينه الغده مصبوب الطولة متروسه ان انواع الاكل اجوو ثنين زلم اضخم من سـهم وسمران عكس سـهم ابيض
هديه : هذه الاسمر رمح وهذه طويل سيف
ــ تشرفت
رمح : النه الشرف
سيف : تسلمين
هديه : رمح وسيف وكوثر سمران ع ابوهم سـهم وزينب عليه بيضه
ــ ههههه اقصاد مو عائله
عافو الاكل واحد باوع ع ثاني
ــ يعني الاسمر مامسدد القصد والبيض مسدد القصد
سـهم غص بالكمه والبقيه ضحكوو ضحكه ثگيله تخوف
ــ ضحكه اغنياء تباً لكم كم انتم اغنياء
زينب گامت من مكانها طحت ع الارض تضحك اباوع ع رمح وسيف السمران صارن وجوهم حمرر
