گعدت ع تخمها مطنگره او بالاصح گوه لازمه دمعتي المهضومه منهم
وبدون مااحس من ورا تسلل باسني حسن بخدي گرص خدودي
حسن : شو زعلتي مني ولج
ــ امشي ولي من گدامي
ــ دروحي اني مو خالـد حته ازعل وما احاجيج
گعد بصفي وهوا يحجي
حسن : اني حسحوس الي يمسج بحجايه امسه بسچينه
ــ اللله
ــ واكبررر
ــ هههههه تدري صاير تافهه اكثر مني
ــ بذات من سكنتي عندي صرت تافهه درجه اوله
ــ شنو يعني اني تافهه
ــ لا ابد
ــ حجيت للخالـد
ــ اي حجيتله ما حجه شي
بتفاجئ : شعجب !!
ــ والله حتاني مصدوم من طلعنه من المركز اتصل بيه سـهم يستفزه وگله الخميس نعقد ينطيه ع مايه ولا مهتم
ــ ههه وانت مصدك خالـد هذه هدوئه يدوم هذه تهديد مبطن وكول وهـم گالتلي
ــ اي يريد ياخذج الخميس وتسافرون
بتعجب : هااا؟! نسافر
حسن : اي عنده نيه اليوم ياخذج وتسافرون من اتصل بيه سـهم وگله جاي الخميس نعقد بطل
ــ ليش بطل بس لا تگلي يريد يعيدها
ــ لا لا بس علمود ميگولون عنه شرد بختهه وخايف منهم هل ما اخذج عنده نيه يطردهم ويخلي روسهم بالارض وياخذج
ــ حسن عليك الله دير بالك عليَ لا تخلي يتهور
ــ عوفي خالـد ، وهـم راح تعوفين اخوج وترحين
هضمتني كلمته لان حجاها بخنگه
وهـم : لو بيدي ماتحركت من يمك
هز راسه * اي *
مرت الايام واجهه يوم الخميس گعد من صبح لم اغراضي واغراضه بهدوء طول هل اسبوع محجه وياي بقيت مكابره ماتنازلت وراضيته
عفته وطلعت گعدت بالصاله وحسن بدوام احس البيت فارغ بدونه رغم بدور بيه وخالـد الا مكانه ميسدوه من يجي احس روحي ترد
اجهه خالـد للصاله درت وجهي عنه گعد مقابيلي عيونه عليَ
شويه وحجه
