دلاني ع الغرفه الي بيها احمد
فتحت الباب ساد حلگه بتيب اول ماشافني انصدم حسيت عيونه راح يطلعن من مكانهن
جريت الكرسي گعدت مقابيله فتحت تلفون شغلت شور
التفتت وراي سـهم مرتجي ع الحياط طابك اديناته مبتسم عيونه ع احمد انتبهلي اتبادلنه الابتسامه رجعت انضاري الاحمد
شلت التيب صاح متألم
ــ بنت صمدددددددددد بنت الكلبببب
جريت الكرسي شلته اريد ارگعه بيهه لزمني سـهم گوه سيطر عليَ
احمد خااف صار وجهه الوان
سـهم : مو هيچ وهـم لا تردين عليَ
ذبيت الكرسي لزمت فكهه بقوهه
ــ تريد تبيعني موووو هااااا
ــ ابيعچ واخصل منج مثل ماخلص…
ــ شنوو مثل ماخلصت من منو
حسيته توتر حاول ايغير سيرة
ــ مثل ماخلصت من خالـد
ــ اخووي ماشررد منكك ولا انطرد منكك راح يكمل دراستهه
ابقهه اهناا
اجهه عليه سـهم ضربه راشدي فره للجهه ثانيه صوت راشدي ضل يرن بذاني رجع ضربه بضهر ايده
ــ تبيع منو
ــ عوفهه عوفهه
صار يضرب بيه جريت سـهم
ــ شبيك عوفه من كل عقلك يبيعني بنت صمد اني ابيع ماانباع
ــ طلعي خل اقفل الغرفه عليَ
طلعت من الغرفه گعدت ع تخم فكيت الثام صمد حطيت "القط الاسود" ع طاولة لحكني للصاله صارت عينه ع "القط الاسود"
ــ هذه المسدس نفسه الي اخذ ثار امج
ــ هوا "القط الاسود"
ــ تعرفين بيه
سحبت الاقسام وجهت"القط الاسود" عليَ جمد حته رمش مارمش
ــ شيطان شاطر وهـم نزلي المسدس
ــ خايف من الموت
ــ اني مااخاف من الموت
ــ شو وجهك صار اصفر
